Budy Azriel

اطمنى عليها و بس و دايماً حسسيها انك جنبها بس مش بتضغطى عليها و ساعة ما تحب تفضفض اتركى لها مجال الإختيار انك تكونى انتى الإنسان اللى هتفضفض له او لا. ماتجبريهاش على حاجة.

معلهش و انت عاوز الواحد يساعد واحد علشان الحسنات طب و لما يندل معاه حسابه عند الله و ابقى انا ساعدت واحد ندل و احطاط بعد كده فبقابل ندل بعرفه من بعيد اساعده؟! اكيد لأ... الموضوع مالهوش علاقة بالحسنات قد ما له علاقة بنكران المعروف؛ فأيوة انا عندى اشوف واحد بيغرق و انا عارف انه ندل احسن ما اساعده و يطلع ندل.

انتى غلطانة و مدياه اكتر من حجمه، مرميه عليه ليه؟! فى بنى آدم خطيبته اللى هى هتكون المفروض مراته اللى هى فى كلا الأحوال حبيبته يقول لها انت ماتصلتيش ليه؟! الحلّوف حاسب انك ده عادى و طبيعى و مش مهم انه يرد عليكى لأنك مش اولاوية بالنسبة له؛ الحل انك ابعدى عنه و متتصليش به حتى لو اتصل لحد مايجليك البيت و يعتذر لك و تقوليهاله يا تنعدل يتغور فى داهية مش هتكون اول واحد، و خلى بالك انعدل او مانعدلش هيفضل يتعامل معاكى وحش و حياتك معاه هتبقى سيئة و والله هيعرف عليكى ستات تانية ظفرك برقابتهم! ابعدى عنه و ربنا يرزقك بأحسن منه يقدر حبك و مشاعرك.🌻

اولاً ربنا يحفظك و يسترك و يبعد عنك ولاد الحرام، ثانياً بالرغم من انك عملتى كل حاجة علشان تسترى نفسك ايه رأيك فى دماغ مجتمعك الوسخ اللى مش شايف غير انك سترتى نفسك علشان انتى جميلة ولو لبست و عملتى اللى على كيفك تبقى انتى كذا و هى عايزة حد يتحرش بيها؟! المشكلة مش فى لبسك قد ما هى ان الرجالة مخها عاوز سنفرة. نصيحتى هى ما تسكتيش تلاقيه اتحرش فيه حلين الأول تدورى و بكل عزمك تبصيله بحزم و هفيه على صداغه و بأوسخ الألفاظ اشتميه يابن الشر.... طبعاً انتى فاهمة لأن ماقدرش اكتبها علشان الرقابة، حاولى تخدى بحقك فى لحظتها لأن ده الحل لأن السكوت مش هيجيب نتيجة و الرجالة الحمدلله انعدمت! ما تزعليش و ما تقليش ان كل الرجالة كدة لأن الشيطان هيبقى عاوز يدخلك فى دوامة هدمر كل حياتك استعيذى بالله منه لما تجيلك الفكرة ده اما الحل التانى فبصراحة انا نسيته فبتأيف لكى! حتى اشعار آخر.🙂

اولاً احمد ربنا انك خسرته لأنه ماعملش حساب للعشرة. و افتكر الرسول عليه الصلاة و السلام قال المسلم من سَلِم الناس من لسانه و يده؛ فأنت قدامك تبقى مسلم بحق او تبقى مسلم على البطاقة زى بقاية الناس... اعتقد رسالتى واصلة! كن كيّس فطن مع الناس و ماتنساش "ان بعض الظن اثم" الله سبحانه قال بعض و ماقلش كل!

اولاً فترة الخرة المراهقة اللى انت فيها ده صعبة و مش سهلة و هتغيّرك كتيييير و اهلك آخر ناس تستنى منها واقفة جادة ليك لأنهم مش هيعملوها؛ انت بالنسبة لهم اهوه خلاص رايح الجامعة و هنخلص منه يشوف حاله بقى اللى هو يعنى انتم كنتم قايلين له يعمل ايه ومعملش؟! صحابك كمان بتلاقيهم بيتكلموا اما فى حاجات انتى مالكش فيها اوى كشغف او يأما على البنات و الستات و البصبصة و بالتالى بتلاقى نغسك بتبعد نفسك لأنك مش متعود على الكلام اللى مالهوش لازوم ده و ده برضه طبيعى. بالنسبة للصلاة و القرآن مش معنى انك مبتعد اقرب يجيلى خاتم سليمان ما فيش الكلام ده و الا ماكنش حد غلب و ربنا سبحانه عمره ما كان بعيد عنك لأنه هو اللى كان واقف جنبك بيرعاك ال١٦ سنة دول بس انت شايفهم اهلك و صحابك. الحل مش فى الأفلام الإباحية انك تخرج نفسك من الإكتئاب شوية لأن شوية و هترجع انت للإكتئاب تانى المسألة اصلها حاجة على المقياس السيكولوجى. حاول تقرأ كتييير و اعمل الحاجة اللى نفسك فيها و خش كلية انت عاوزها حتى لو مالهاش شغل قال يعنى حد بيشتغل بشهادته! ابعد عن التعصبية و التشدد الدينى لأنهما منهيّان عنهما من الرسول صلى الله عليه و سلم نفسه. واظب على الصلاة الفريضة فى الجامع فقط بتاع كام سنة لحد ماتحس انك اتعودت عليها و بقيت هى حياتك و ساعتها حابب تزود زود اما القرآن فخلّى بالك ماللى بتقرأه لأنك هيبقى لازم عليك تفهمه و لو فهمته هيبقى لازم عليك تعمل به لأنك لو ماعملتش به فأنت كده بتضرب بكلام الله عرض الحائط و شوف بعينك كام واحد بيصلى و يقول والله كداب و بيغش فى الكيل و الميزان! سمِّ ربك الأعلى ابتدأ براحة و هو هيبسطها و لو على الأفلام اياه ما انت لازم تدردح يا اخى! بس حاول تبعد عنها علشان زى ماقلتلك قبل كده هتبعد عن الإكتاب هو هيجيلك. لو احتجت اى مشورة او نصيحة اكتب لى... ربنا يوفقك!

اولاً انت انسانة طيبة و جميلة و حرام عليكى انك تموتى نفسك علشان هنخسر انسانة زيّك عندها مشاعر و احاسيس... مامتك عمرها ما تقصد الكلام الجارح ده لكن هى فاكرة انها بكده هتغصبك انك تتغيرى و ده غلط و ده واضح... جسمك و شكلك حاجة تخصك مش تخص الناس فانتى لازم تحافظى على نفسك قيسى طولك و وزنك و احسبى حاجة اسمها الbody mass index هتعرفى انك وزنك تمام ولا لأ و هتعرفى الوزن المناسب المفروض ايه و برضه التغيير ده حاجة بتاعتك انت بس. بالنسبة للبلد فلو كانت روسيا فأوعى تزعلى انتى حاولتى سفرك بس ده المفروض تخدى عليه نيشان و كونك ما استفدتيش بالدراسة مش معناه انك فاشلة بمعنى كونك ما اتوفقتيش فى طب مثلاً ده يخليك فاشلة فى كل حاجة مش ممكن انت دماغك أدبية تنفع فى اللغات و الفلسفة؟! مش ممكن تكونى كويسة فى الصيدلة و التجارة؟! انت محتاجة ارشاد بس و ما يكنش من مامتك و صدقينى انا اتمنى انها ما تخسركيش لأنها هتزعل اوى لأنك انتى اللى عاملة لدنيتها معنى والا هى مش هتبقى ام اصلاً من غيرك. و سؤال آخير: هو فين باباكى من ده كله؟! اومال هو فين؟! لو احتجتى نصيحة او مشورة اكتبى لى و انا ان شاء الله افيدك. موفقة دايماً ان شاء الله.🌻

بتحب يا اسمك ايه! انامش شايف ايه المشكلة، بتحب و بتستحى طب ضميرك بيأنبك؟

يا سيدتى هيسيب كل البلاوى السودا اللى على الإنستا و ياخد صور عادية لبنت عادية ينشرها هيستفيد ايه؟! و حتى لو نشروها مش ممكن تشتهر و تلاقى نفسها مطلوبة تمثل!

اعمل الحاجة اللى فيها مصلحتك. لو دكتور النفسية كويس كسمعة اتوكل على الله و روح له لأنه باين انك عندك ضغوط بدأت تسلط جسمك عليك.

اولاً شيلى فكرة الإنتحار لأن غير مجدية طلما المشكلة لها حل و حتى لو مالهاش نخلق لها الحل. ثانياً الهروب و الوحدة بعيد مش حل دائم ده بس مسكن لكن المواجهة و التأقلم هم الخيار المناسب دايماً. ثالثاً حاولى تتجنبى مشاكل بابا و ماما لو حتى جرا ايه مالكيش فيه سيبيهم يتصرفوا مع بعض لأن انا بقولهالك عن خبرة "هيتخنقوا لحد ما عزرائيل يدخل" او يأما يطلقوا فالمشاكل تنتهى او انهم يجدوا قاعدة يقفوا عليها و يتفقوا ان شاء الله. رابعاً حاولى ماتحطيش نفسك قصاد باباكى و هو غضبان علشان احياناً اغلبيتهم بيبقوا عميان مش شيفين قدامهم. باباكى محتاج راجل من عائلة مامتك يقف قصاده و يكلمه بلين لأن طول ما مفيش حد قصاده هيفضل يعمل كده. دورى ورا باباكى لأنه بنسبة كبيرة اما عندة علاقات خارجية او فيه حاجة غلط مخلياه مضايق من مامتك. تماسكى و ماتبقيش فريسة سهلة للحزن او الكآبة و حاولى تبقى منظمة فى حياتك. انت من كلامك سنك صغير لو احتاجتى اى مساعدة كنصيحة او ارشاد اطلبى و ماتتردديش.

تجنب/ى اكل اى شئ مسبب لظهور الحبوب، و واظبى على غسل الوجه يومياً ٥ مرات فأكثر و يفضل بدون صابون مع تجنب استخدام الكيمويات عموماً لصن بلوك ولا غيره و لا حتى مايك اب و ان شاء الله وجهك هيرتاح و يستجيب و يكون احسن.

ربنا يصلح لى و لك الحال، خير!

يا سيدى لو بنت حلال و عاجبك شخصها قبل شكلها اتوكل على الله، و الإستحياء ده طبيعى لا تقلق!

اهم حاجة تحطاط و تخلى حسابها private و كل شئ هيكون بخير ان شاء الله!