وعليكم السلام ورحمة الله وبركاته، انا عن نفسي تضايفت وانا اقرأ المشكلة، الي مرقتيه مش سهل ابدًا، بس بدي انصحك كم نصيحة حطيهن حلقة بدانك وحياتك كلها بتتغير للأحسن بإذن الله. ١. جسمك وصحتك وصحة اعصابك كتير غالية ومهمة ولازم تحافظي عليها، ما تحاولي تعيدي بعقلك السيناريو الي مرقتيه بكل مرة بتعيشي اشي صعب، يعني مثلا: امك رفعت صوتها عليكي، ما تسترجعي بنفسك: بهاي اللحظة رفعت صوتها عليّ ، وقبل سنتين كنت بحالة صعبة، وبعدين امي حملت، وانا حملت المسؤولية وو... ما تراكمي! مش سهل انا عارفة هاد الاشي، بس لما تعيدي اللحظات الصعبة وتسترجعيها جسمك ما رح يتحمل، عقلك رح يتعب، ساعدي نفسك، تخيلي نفسك داخل درع ، او اطار، ما حدا بيقدر يتخطاه، وهاد الإطار ما رح تبنيه بقوتك انت، بالاستعانة بالله سبحانه وتعالى(شوفي باقي النقاط) ٢. حافظي على اذكار الصباح والمساء. ٣. لما حابة تشكي اشكي لربنا وادعي، ربنا ما رح يتركك. ٤. عودي لسانك على الذكر، استغفار، حوقلة، الصلاة على النبي... ٥. برّي امّك، لو مهما كانت صعبة، ما تفوتي بجدال معها؛ حاولي تقربي منها، وتذكري ربنا امرنا ببر الوالدين، وكل حياتك ومستقبلك بإيد ربنا سبحانه وتعالى. ٦. وبالاخير وصدقيني رح تفرق معك، اقرئي سورة البقرة كل يوم (اولها صعب، بس بعدين بتتعودي ما بتوخذ اكثر من ساعة) وبس❤
لعرض الإجابة في فدني اضغط هنا