السلام عليكم أخي الكريم، مبدأيا غير البيئة المكانية بتغيير المكان الي أنت عايش فيه، أنت مش متجوز فمفيش حد تشيل هم اتقاله معلك، لو انت بره مصر، على الأقل أوي شوف الجماعات المسلمين الي في الدولة الي أنت فيها واسكن معاهم، أو انزل بلدك يكون أفضل. وتغيير بيئة المعارف، وده هييجي مع تغيير المكان + تغيير طرق التواصل: خط جديد، حسابات جديدة تبعدك عن المعارف الي بيدفعوك للحرام. وده طبيا بيقطع الروابط العصبية الي المخ كونها بين أماكن معينة أو أشخاص معينة وفعل الحرام من شرب أو إباحية أو عادة سرية. اتعرف على ناس أفضل وأحسن تقربك من ربنا، انزل المساجد ألي فيها دروس وخطب مع تكوين معارف جديدة من وسط نضيف. مع ده أنصحك بأنك تتابع مع دكتور نفسي، مش عيب، أنت بتعاني من إدمان سلوكي صعب، تسابق كنت بتعاني من إدمان طعاتي، فتابع مع دكتور يكون عنده القدرة على تحليل مشكلتك وتوجيهك للصح. وقبل كل ده استعن بربك، واستغل لحظات ضعفك أمام ربنا علشان دي مش بتتعوض، أقرأ قرآن، صلي، استغفر. انزل الجيم وكون معارف نضيفة هناك تحفزك انك تكمل في الجيم. الموضوع صعب، والكلام أسهل من الأفعال، لكن النتايج تستاهل، وربنا مش هيخذل أحد جاهد في سبيله وطلب الإعانة منه. والله المستعان
والله @أحمد سمير في الفندق والشارع بقيت بغض البصر خوفا من الله وكمان عشان ربنا يستر علي اهلي بمعني كم تداين تدان بصيت علي حد هترد حتي لو لبسه نقاب
تم النشر الاثنين، ٨ ديسمبر ٢٠٢٥
هو فعلا موضوع الخيالات الجنسية دي صعبة، ومع انك شغال في فندق لكن بتغض بصرك وبتجتهد انك متذنبش، وده كويس جدا، ربنا يعينك ويثبتك
تم النشر السبت، ٦ ديسمبر ٢٠٢٥
انا الحمدالله عندي قوة اراده عاليه والحمدلله بصلي و بغض بصري بحكم اني شغال في فندق كمان المشكله من ساعت ما مشيت من سكة الحشيش وانا الشهوه صعبه اوي بمعني ممكن في اليوم يجي ليا ٣٠ ٤٠ فكره عن الشهوه ده الي تعبني انا مش متجوز وعايش مع اهلي
تم النشر السبت، ٦ ديسمبر ٢٠٢٥
لعرض الإجابة في فدني اضغط هنا