لو عايز ارجع شغفي للحياه تاني اعمل اي
الحياه فيها حجات كتيرة تتعمل بس احنا لو اتحطينا فِ موقف بنقفل منها نسينا ان مش كل الناس زي بعضها ومسيرنا هنقابل الحلو و الوحِش فاهمةة، اعملي اللي مفروض يتعمل عشان ميجيش الوقت اللي هتقولي فيها يا رتني كنت عملت ده مكنش زماني بقيت كده لوقت.
تم النشر الجمعة، ١٨ أغسطس ٢٠٢٣
محتاج افكار حجات جديدة تعملها أو تتعلمها تاخد اهتمامك و تحبها يعني جرب تقرأ مثلا تسمع بودكاستس تاخد كورس ممكن انجليزي أو تتعلمي الجرافيك ديزاين أو ممكن ال الرسم العادي أو الديچيتال سواء 2d أو 3d في كورس ال ITI تقريبا ده اسمه لتعلم البرمجة المتخرجين لو لسة متخرج مثلا و مهتم ممكن تاخدي انا النهاردة مثلا لسة عارفة ال pixel art و جربت ارسمهم و فرحانة بيه اوي ممكن تجرب يعني الانجازات الصغيرة دي قادرة ترجع شغفك ممكن تشوف مسلسل حلو مثلا يشدك بس حاول متقتلش كل وقتك بالمسلسلات برضو و طبعا لو عندك صحاب و لو واحد انزل معاه اتكلمو حاول تنزل جيم أو عالاقل تنزل تتمشى أو تجري الحركة مهمة اوي و طبعا متنساش اصلا هدفك من الحياة كلها انت مخلوق عشان تعبد ربنا سبحانه و تعالى و تدخل الجنة فاشغل نفسك كمان بالأعمال ال تقربك منه و هتلاقي نفسك مرتاح و ربنا يجعلك شغفك 🤷
تم النشر الجمعة، ١٨ أغسطس ٢٠٢٣
وكانت ايه مظاهر الشغف اصلا ؟ وايه اللى حصل خلاها تروح ؟
تم النشر السبت، ١٩ أغسطس ٢٠٢٣
مش لازم! اه مش لازم يرجع تاني .. احنا اكيد مش بنصحي كل يوم من النوم وحابين الحياة وعندنا دافعية وحب وطاقة وحماس! ده كلام افلام، كلام مش واقعي بالمرة. وكلام ضد طبيعة الانسان عموما، لان كلنا بيجي علينا اوقات بنكون معندناش اي طاقة، ولكن بيبقى ورانا التزامات، المسؤوليات اللي علينا هي اللي بتخلينا نكمل، مش الشغف ....! الالتزامات اللي علينا هي اللي بتخلينا نكمل رغم اننا معندناش اي حماس، اي دافعيه، اي شغف .. بس احنا مضطرين اننا نعمل كده، علشان احنا علينا مسؤوليات ولازم ننفذها. فالشغف هل يلزم وجوده .. فالحقيقة لأ. ولكن .. لو فيه مشكلة معينه هي اللي مضايقاكي طبعا نقدر نتكلم فيها، لربما هي تكون السبب .. ولكن بطبيعة الحال مش لازم يكون عندنا شغف علشان نواصل. هقولك حاجه بالعكس، انتي عارفه الطاقة هتيجي منين؟ انتي مثلا فاكرة الطاقة هتيجي من الكلام المحفز .. ده اخره كلام بيملى على الفاضي وفجاة هتلاقي نفسك في نفس المكان، ليه ؟ لانك اعتمتدي ع التحفيز مش الاساس، والتحفيز لا يدوم .. طيب العمل ايه؟ بيقولوا الحركة بركة .. اتحركي، وراكي حاجه قومي ومتفكريش في اي حاجه وقومي اعمليها .. بعد ما تخلصيها هلتلاقي جواكي طاقة ولكن الطاقة ديه حقيقية .. اشمعنا يعني الطاقة ديه اللي حقيقية؟ علشان اللي وراها كمان حقيقة .. حقيقة فيها تعب واجتهاد .. ايا ما كان اللي عملتيه .. بس للي كان وراها اخد منك وقت - مجهود-تعب .. بس اداكي سعادة انجاز بعدها .. وده هو الشئ الواقعي. مش كلام التحفيز اللي في الفيديوز .. اللي بمجرد انتهاء الفيديو بتحسي انك عايزة تهدي الدنيا، بس تيجي ننفذ منلاقيش، واذا عملنا مرة منعملش التانية. اتمنى اكون افادتك بشئ، ودمتي سالمة
تم النشر السبت، ١٩ أغسطس ٢٠٢٣
اقترب الي الله
تم النشر الجمعة، ١٨ أغسطس ٢٠٢٣
بإءن الله هعمل كده🩵
تم النشر الجمعة، ١٨ أغسطس ٢٠٢٣
لعرض السؤال في فدني اضغط هنا