تم حذف هذا السؤال
طبعا مش حابب اطنب في الكلام واقول كلام مكرر الإخوة والأخوات اخبروكي بيه من أشغال وقتك بما يفيدك وطبعا انك تبعد عن الشخص ده بعد نهائي لا مجال للتردد فيه. الحاجة اللي حابب أضيفها مش عارف صراحة غالبا كل حاجة قالوها ولكن ممكن اقول مثلا مش لازم يكون عندك أصحاب مش هتستفادي كتير بيهم غير انك تضيعي وقت ممكن تستغليه في حجات افضل حاليا انت في سن أو مرحلة محتاجة تشبعي في رغبتك العاطفية من حب وحنان ووالخ ، فطالما مفيش من زوج هتضطري تلجأي للحرام ف تسديد الباب من الاول . الفراغ لوحده هيوصلك لده وكون انك معندكيش صحاب بنات أو عندك أصحاب بنات وكل واحدة منكن بتفضل تتكلم عن الحب والامان وزوجها انتي هتحسي انك غريبة وفعلا اشمعنا أنا أو أنا عاوز اصاحب وهكذا . كلنا بيجيلنا هذا الشعور مثلا عن نفسي عارفة الكوميكس اللي بيقولوا فيه إذا بنت خلت ولد دفعلها احيانا الولد بيفضل يفكر اسبوع فيها ويحط قصص خطوبة وزواج 😂 أنا احيانا يكون هذا الولد ، لكن طبعا بلحق نفسي وارجع تاني لرشدي بفضل الله تعالى وانتكس وارجع تاني واحيانا يكون حابب اكلم بنات بس الحمدلله مش بعرف لهم سكة والحمدلله على ذلك ف دي غريزة جوانا ، بس لما بيكون في دماغي تاسك معينة عاوز أنجزها الكلام ده كله بالنسبالي بيكون كلام تافهة اللي هوا ازاي اصلا فيه ولد يفضل يضيع وقته اللي هوا اغلى حاجة عنده على بنت ، وبرده بنت تفضل تتكلم وتسمح لنفسها أنها تكلم حد متعرفهوش وتأمنه على أسرارها وحاجات تانيه كتير ، باي منطق ده يحصل بيكون في دماغي حاجة معينة عاوز أنجزها النهاردة عاوز اقرأ خمسين صفحة من كتاب كذا وبعده عاوز اسمع ٣ فديوهات لغة ألمانية واذاكرهم بعد كده اتغدا بعد كده انا في جروب وليكن إتمام قران كريم اخش اتمم اشوف مين قرأ ومين لم يقرأ( واللي بالمناسبة في منه للفتيات) وإذا عاوز اضيف تعلم برمجة أو اي حاجة جديدة في أي مجال وليكن مجال الفيزياء الكونية أو اي حاجة بحبها وإذا اتبقى وقت العب رياضة وبما انك بنت ممكن تحملي برنامج تمارين منزلية هتساعدك جدا وهتكون كوميدية 😅لصعوبة الحركات في البداية . بعد ما ترابي يومك وتنظميه مش هتلاقي وقت اصلا تفكري فيه خارج نطاق الحجات اللي بتعمليها ، طبعا مش عاوز أنوه أنه هيحصلك انتكاسه ومش مشكلة ترجعي تاني عادي . دي إلى حد ما تجربتي مع الوحدة ارجو انك تكون استفدتي .
تم النشر الأحد، ٣١ ديسمبر ٢٠٢٣
بدمري نفسك بنفسك للاسف .. انتي تعالي ناخدها واحدة واحدة ... ازاي عايزة تغيري واحد هو قالك بنفسه، انه عاوز يستغلك جنسيا .. عاوزه تقولي له تعالى اتقدم! هل هيقولك ماشي؟ اكيد لا .. هو واضح جدا جدا معاكي، لدرجة انه اهانك في الاخر .. صدقيني اللي بيهين نفسه بنفسه عمر ما حد هيشوفه غالي .. ديه الحقيقة .. ومعلش لو كلامي ناشف كده .. اللي بيهين نفسه ويرخصها بالشكل ده .. عمر ما حد هيشوفها غالية .. ازاي تبقى شايفة نفسك كده .. وعايزة حد يشوفك غالية ... انا مقدرة جزء الوحدة والفراغ وكل ده صدقيني .. ولكن هل ده يبقى دافع ليكي لكده؟ ناس كتير صابرة لحد ما يجي نصبها .. خليكي انتي كمان من الصابرين .. عززي نفسك وصونيها، صدقيني لما تعملي كده، هتلاقي كمان اللي يعززك ويصونك. ده غير كمان اننا كلنا عارفين ان ده كله حرام، يعني محاثتك معاهم لا تجوز شرعا .. ف هل بقى لو صادفتي حد كويس، هل العلاقة ديه هتبقى مباركة؟ اكيد لا. والثقة بالنفس انتي اللي اهدرتيها بنفسك .. يعني انتي السبب فيها ، مش الناس. انتي الحمد لله بتقولي على نفسك جميلة .. وكل حاجه وفيه ناس بتتقدم .. ف ليه تدخلي ف الدايرة ديه. انتي ممكن تستغلي الفراغ في حاجات كتير.. ممكن تكوني صداقات برضه في الخير .. عن طريق تطوع، صحبة خير مثلا لما تروحي تحفظي قران .. حاجات كتير تقدري تسدي بيها فراغك، وتعينك. الحلول كتير صدقيني .. بس للاسف الحرام اسهل، ومتاح اكتر. ربنا يعينك .. ويقويكي على نفسك، وفكري في كلامي.
تم النشر السبت، ٣٠ ديسمبر ٢٠٢٣
لما تحبى نفسك الناس هتحبك ازاى مش واثقه فى نفسك وعايزه حد يحبك وانتى مش واثقه من كده اصلا إقراى فن اللامبالاة....ونظاره واثق
تم النشر الأحد، ٣١ ديسمبر ٢٠٢٣
اتفق اوى مع كتاب فن اللامبالاة
تم النشر الأحد، ٣١ ديسمبر ٢٠٢٣
مفيش صحاب خالص ولا زمايل ايام المدرسة ترجعي علاقتك بيهم، ولا جيران ولا زمايل شغل ولا قرايب .. دوري كويس، في حياة كل واحد فيه حد على الاقل نعرف نصاحبه.... الله يرزقك الصحبة الصالحة..
تم النشر الأحد، ٣١ ديسمبر ٢٠٢٣
بصي انت محتاجه تحبي نفسك وهتلاقي الناس يتحبك شوفي ايه الي مش متقبلاه ف نفسك وحاولي تحلي المشكلة وهتلاقي الناس بتحبك زي م انت ، بالنسبة للشباب ف أي حاجه فيها معصية ربنا مش هيسعدك فيها والحمدلله ان ربنا انجاكي من الشاب الشمال ده ربنا يرزقك الزوج الصالح ويصلح حالك ، ممكن تتعرفي علي صحبة صالحة تحضري معاهم درس علم حرفيا هتحسي انك في عالم تاني القرب من الله لذة كبيرة اوي اوي ربنا يرزقنا جميعا، اتفرجي ع بودكاست وعي هتلاقي فيه كل المواضيع الي تشغل بالك وبطريقة سهله وهتغير فيكي اكيد بإذن الله
تم النشر الأحد، ٣١ ديسمبر ٢٠٢٣
حاولى تركزى في حياتك بلاها علاقات ولو عاوزة صاحبي بنات لو حتي علي النت ومتخليش عندك وقت فراغ نمى مهاراتك او اشتغلى أكيد فيه حاجات نفسك تعمليها في حياتك اهداف وكدا وأدعى ربنا يرزقك بالزوج الصالح واعرفى انو العلاقات دى حرام وخليكى واثقه من نفسك وإنك جميله ومش محتاجه اى حد يثبتلك دا صدقنى الحلال اجمل بكتير احفظى نفسك وقلبك لشخص يستاهلك وأدعى واستغفرى وخلى فى بالك انو دا حرام مينفعش تعصي ربنا لانك مش هتنالى غير وجع القلب
تم النشر السبت، ٣٠ ديسمبر ٢٠٢٣
بس هو هيعلمك ازاي تاخدي الأمور ببساطة وازاي تتعاملي مع مشاكلك صح
تم النشر السبت، ٣٠ ديسمبر ٢٠٢٣
والعبى رياضه فى نادى هتتعرفى على صحبه كويسه اوى هناك فى تمرين ملاكمه وكيك بوكسينج والعاب قوه ورياضات ترفيه ياما اصلا انا اعرف نادى فيه رسم هناك وبيدفعلو فلوس تتعامل وتتعرفى على ناس هناك
تم النشر الأحد، ٣١ ديسمبر ٢٠٢٣
سؤال مهم ..حضرتك متخرجه ايه وشغلك ايه
تم النشر الأحد، ٣١ ديسمبر ٢٠٢٣
عندك حق فعلا
تم النشر السبت، ٣٠ ديسمبر ٢٠٢٣
شيلي كل ده من دماغك وركزي على حياتك ومتجريش ورا حد انت كده بتقللي من نفسك اللي عايزك هيجيلك عند عندك وهيبدأ الموضوع جد
تم النشر السبت، ٣٠ ديسمبر ٢٠٢٣
اه تمام خلاص هحاول ادور عليه واجيبه
تم النشر السبت، ٣٠ ديسمبر ٢٠٢٣
مكنتش حابب احرقه
تم النشر السبت، ٣٠ ديسمبر ٢٠٢٣
اقرأي كتاب فن اللامبالاة
تم النشر السبت، ٣٠ ديسمبر ٢٠٢٣
مدرسة رسم خريجة فنون جميله
تم النشر الأحد، ٣١ ديسمبر ٢٠٢٣
ودا اى علاقته بي مشكلتي
تم النشر السبت، ٣٠ ديسمبر ٢٠٢٣
لعرض السؤال في فدني اضغط هنا