انا بعاني من حب واحد وهو عارف اني بحبه بس المشكله انو مش نوع في الرجاله وكمان انا عندي ١٥سنه وكمان انا بحبه بس انا مليش في جو الارتباط مش عارفه اعمل ايه كمان هو مش بيحبني او بيحبني هو بيبصلي في كل الحصص دايما و كمان صحبه متبعني بعنه دايما يا ريت في حل في الحوار ده
لو انتى ما تابعتيش صاحبه بعينك مش هتعرفى انه بيتابعك الحل انك تعرفى ان دى مشاعر عادية فى سنك بس مش كل شعور هيطلع هنروح نمشى وراه هنركز فى اولوياتنا كده وهو هيروح لوحده ان شاء الله
تم النشر الأحد، ١٩ نوفمبر ٢٠٢٣
صدقيني وهتعرفي بعدين بنفسك برضه .. ده ولا حب ولا غيره .. ده مجرد اعجاب طبيعي وانجذاب لكن حب في السن ده مش هيحصل. ولكن هي اي مشاعر الواحد بيحسها للاسف بتترجم ع انها حب .. وده الشائع اللي بيحصل. فيه ناس بتعرف معنى الحب الحقيقي لما بيعدوا ال 40 سنة !!! تخيلي لان كل اللي كانوا بيحسوه قبل كده كانت مجرد علاقات عابرة .. وده على لسانهم شخصيا. المهم ان مفيش حاجه اسمها حب طالما اساسا مفيش علاقة. يعني ايه؟ علشان تقولي ع حد بتحبيه ديه قصة لوحدها بس اهم ما في الموضوع انه يكون اساسا فيه علاقة ما بينك وما بين الشخص ده. يعني معقول تكون واحده مثلا تعرفيها مجرد معرفة في الدرس وف الاخر تقولي عليها انك بتحبيها موت وديه حبيبتي !!! اكيد لا، انتي تعرفيها منين؟ ديه مجرد زميلة، يعني مكونتيش علاقة ما بينك وما بينها.. يعني مقعدتيش معاها سنيين علشان تكشتفي طباعها.. يعني ماعشرتيش الشخصية ديه.. يعني انتوا الاتنين محصلش ما بينكم مواقف واحداث تبين ليكي معدنها.. حاجات كتير اوي لازم تحصل وده كله محصلش.. ولو افترضنا حتى انك اوكيه انتي بتحبيه؟ ف ايه المفروض تعملي معاه ايه؟ تدخلي معاه ف ارتباط وانتي عندك 15 سنة؟ انتي تعرفي ايه عن نفسك دلوقتي؟ شخصيا علشان ممكن تفكري في علاقة ارتباط. طيب هدفها ايه برضه ف الاخر؟ كل ده ل ايه؟ ما هو انتي لازم تعرفي انتي داخله ع ايه؟ انتي لو دخلتي ف علاقة ارتباط هتقعدي مع الشخص مثلا يجي 10 .. 15 سنة لحد ما يخلص جامعة وجيش ويشتغل ويكون نفسه وحليلي بقى !! وف الاخر تسيبوا بعض....!! ما هو ده اغلبية المشاكل اللي بتحصل وبتكون ديه نتيجتها يقعدوا مع بعض ب ال 10 سنين وب ال 15 سنة وبيعرفوا بعض من صغرهم وف الاخر يكتشفوا ان لا اللي حصل ده كان غلط. وانهم يكتشفوا انهم ميعرفوش بعض! عارفه ليه؟ لانهم لسه صغرين ولما الواحد بيكبر طبعا اهتمامته بتتغير .. طباعه، شخصيته بتتكون .. بينضج، كل حاجه بتختلف .. ف بالتالي بيكونوا اشخاص تانيه. وكل واحد وقتها بيكون عايز حاجه معينه غير اللي معاه. انا بس عايزاكي تبصي ل بعدين .. ده انا كده بكلمك على القصص الحقيقية .. مش بكلمك على الاولاد اللي بتلعب بالبنات وديه قصة تانيه خالص. ف الافضل ايه؟ عفي نفسك وحافظي وخافي عليها، لحد ما يجي الوقت المناسب ويجي الشخص المناسب من البيت مش من اي حته تانيه.
تم النشر الاثنين، ٢٠ نوفمبر ٢٠٢٣
بصى ده مش اسمو حب لانك فى سن مراهقة فا انتبهى لدروسك واهتم بمزاكرتك وانجحى فى حياتك وبعدين فكرى فى الحب وحتى لو بتحبيه انتى لسه صغيرة على الكلام ده فا حاسه انو حب بس بالعكس تماما ده فترة مراهقة فى حياتك و وقت ما هتتجوزى هتاخدى شخص ناضج مش مراهق لسه
تم النشر الأحد، ١٩ نوفمبر ٢٠٢٣
لعرض السؤال في فدني اضغط هنا