ازيك ياجميلة يارب تكونى بخير وف احسن حال ديما 🌸 مشاعرك جميلة جدا وحاسة بيكي وقد ايه انتى حابة تكونى بارة بمامتك وتعوضيها عن كل اللى شافته او كان نفسها تعيشه وما قدرتش ، وف نفس الوقت بتشيلى مسئولية انه اخوات الاصغر ما يعانوش واو يحسو بحاجة مش حلوة ، زى ما قولتي بتكونى ليهم ماما لحد ما انت زهقتى ، وبردو بتلومى نفسك . الحقيقة اللى حابة اقولها لك ، انه انت محتاجة تفكرى ف نفسك شوية وتشتغلى على نفسك انه ازاى تكونى انجح لنفسك قبل اى حد ،انتى قولتى انه داخلة على امتحانات ثانوية ودا تحديد مسار حياتك اللى جاية ، تعتقدى كتر شيلك حمل انه نفسية اللى حواليكي تكون احسن ، دا مش دورك ، دورك نفسك اولا ، دراستك هى مسئوليتك دينك وتنمية ذاتك ، ولو قدرتى انه تساعدى بجزء بسيط من طاقتك تمام مش بكل طاقتك ، محتاجة تفهمى انتى بتعملى كدا خوفا من الامتحانات ولا طول الوقت كدا ، لانه وارد جدا دا يكون بسبب قلق وتوتر الامتحانات وضغط المذاكرة لو اجابتك كانت انه طول الوقت كدا ، ف محتاجة تركزى بطاقتك على دراستك وفك توترك وقلقك ، وتقدرى تعملى دا بكذا طريقة لو حابة ابعتلك . بس خدى قرارك وافهمى مشاعرك صح . بالتوفيق 🌸
انتى اجمل صدقيني وكل مشاعرك اللى قولتيها بينت دا حقيقي انتى بطلة وهستناكى تطمنيني يا بطلة 💪🏻🌸🌸
تم النشر الأربعاء، ١١ يونيو ٢٠٢٥
يا رب 🤲شكراا جدا والله حضرتك اللي جميلة💗💗💗🥰
تم النشر الأربعاء، ١١ يونيو ٢٠٢٥
ربنا يسعدك يارب وييسرلك امرك كله ، انتى جميلة وتستاهلى كل الخير حقيقي وانا معاكى لو احتاجتى اى حاجة 💖💖
تم النشر الأربعاء، ١١ يونيو ٢٠٢٥
انا بخير الحمد لله ❤❤ واتمنى حضرتك تكوني بخير انا احسن الحمد لله وبدأت افهم نفسي شويه شكرا جدا لنصايحك ❤ حضرتك فدتيني جداا❤❤❤
تم النشر الأربعاء، ١١ يونيو ٢٠٢٥
اول حاجه محتاجة تكتبي انتى حابة تشوفى نفسك ازاى الفترة اللى جاية ، محتاجة تتعلمى ازاى تفصلى ذهنك الحاضر عن اللى بيحصل حواليكي ، انتى مش مطلوب منك تغيري الكون انتى مسئولة عن نفسك 👌🏻 ، حطى خطة ليومك والزمى نفسك بتحقيقه ، بين كل 20 دقيقة خدى بريك خمس دقايق ، لما تحسي ان فى مشاعر هتسيطر عليكي ، امسكى ورقة وقلم واكتبيها على طول حتى لو هتقطيعها بعدين بس ماتخليهاش تسيطر عليكي ، فى خطوة مهمة وحلوة وهتفرق كتير ف نفسيتك ، اكتبي امتنانك وانجازاتك ، حتى لو حاجات بسيطة مع الوقت هتحسي بتغير ف نفسيتك كبير باذن الله 🌸🌸
تم النشر الأربعاء، ١١ يونيو ٢٠٢٥
ازيك النهارده يارب تكونى بخير وقدرتى تحددى اولوياتك النفسية 🌸🌸
تم النشر الأربعاء، ١١ يونيو ٢٠٢٥
تمام أنا على طول كدا ودايما عاوزه ادافع عن اخواتي واقولهم الصح من الغلط واحضنهم وكدا بس بحاول أقلل ده لانه بقيت نفسيتي وحشه وبقيت بتئذي بس بخاف لو مدافعتش عنهم هم وبيضربوا او مطبطبتش عليهم يكرهوني او يتئذوا نفسيا خاصة انه انا الوحيده فيهم اللي بهتم بإني احضنهم واطبطب عليهم واقولهم كلام ايجابي يشجعهم ممكن علشان بحس نفسي زمان مكانهم وكإنه دول هم وانا صغيره فبطبطب عليهم علشان ميكونش عندهم احتياج عاطفي بس برضوا طاقتي بتخلص وبحس نفسي تعبت ابعتيلي طرق اركز بيها على نفسي وكدا يا ريت❤
تم النشر الأربعاء، ١١ يونيو ٢٠٢٥
لعرض الإجابة في فدني اضغط هنا