Asma gamaleldin

ازيك عاملة ايه 🥰 كونى أرحم بنفسك على نفسك ، مش لازم كل حاجه نقف عندها وكأنها نهاية الدنيا ، كل حاجه وكل موقف بنمر بيه بحياتنا زى ما وجعنا أكيد علمنا ناخد بالنا المرة الجاية ، وهيجي موقف غيره ويمكن شبهه بردو ووارد جدا نتألم منه ويوجعنا بس هنبقى أقوى من المرة اللى قبلها اكيد وكل مرة كدا ، طبيعي تبقى متضايقة من الاذى والظلم اللى مريتي بيه ، طبيعي قصة حب يعنى اخدت منك طاقة ومشاعر وامان ، وادتك عدم ثقة ويمكن حسيتي انه مش هتعرفى تحبي بعده ، بس الحقيقة انه لأ ... هتحبي وهتتصانى وهتتشالى ف العين ، مش هينفع نقف على اى موقف وكأنه نهاية الكون ، لازم نتقبل فكرة انه مش شرط كل الناس تكون زيي ، ولاشرط طالما صُنت وحبيت وراعيت الاقى مقابل زيه او حتى ربعه ، كل المشكلة ف سقف توقعاتك عالى ، متوقعة من حبيبك يحافظ عليكي ، ومتوقعة من صاحبتك تتمسك بيكي ، ومتوقعة ومتوقعة ...... الى مالا نهاية ، طيب محتاجين نشغل على نفسنا حبة ، ونعرف احنا محتاجين ايه من اللى حوالينا ، وليه بنلاقى الاذى من ناس بنحبهم ، طب جربتى تشوفى كل الجوانب من ناحيتك وناحيتهم ؟ حياتك ياترى واقفة عليهم ولا مكلمه؟؟ انتى بتحبي ايه ؟ بتعرفى تحتوى نفسك وتحبيها ؟؟ لما بتزعلى من حاجة او حد بتتكلمى وبتعرفى تعبري عن مشاعرك صح ؟

ازيك يا جميلة اتمنى تكونى بخير 🌸 ، اللى بتمرى بيه طبيعي جدا لانه لسة ماتعافتيش من تجربتك الأولى للاسف ، ويؤسفنى انى اقول للاسف ، ابن عمك زى ما وصى الرسول صلى الله عليه وسلم " اذا جاءكم من ترضونه دينه وخلقه ف زوجوه" . ، ف ادعى ربنا انه لو خير ليكي ربنا يألف بين قلوبكم ويهديكم سبل السلام ، مش ديما اللى بنعيشه وبيكون نفسنا فيه بيكون احسن حاجه لينا ، ديما حسابات ربنا لينا احلى وألطف مما تتخيلى ، احمدى الله على نعمته ، وانه رزقك بخطيب طيب السمعة والعشرة وحَسن الخُلق ، وانتى هتعيشي مع عشرته وأخلاقه ودينه . ربنا يصلح ذات بينكم ويهديكم سبل السلام . وربنا يقر عينكم ببعض ومبارك عليكي مقدما 🌸🌸

فى حاجة كتير ممكن تكون سبب لتقلب مزاجك انتى ما قولتيش سنك ودراستك او شغلك ، حالتك الاجتماعيه ، وهل التقلب دا مرتب بحدث معين او لا ، مع ناس معينة ولا لا ، فى احساس بالوحدة ف وسط اهلك ، بتحسي منهم بمعاملة متقلبة مثلا او شئ ، لو دا نمط حياتك انك بتقلبي على اى وكل حاجه ، ف احب اعرفك حاجه صغيرة سياسة الابيض كله او الاسود كله غلط ، وكل حاجه ف حياتنا ليها كذا رؤية وكذا منظور ، محتاجة تحتوى وتتعرفى على مشاعرك اكتر ، محتاجة تكتبي بتحسي ب ايه ، محتاجة تفهمى ايه اللى محتاجاه ، + محتاجة تعيشي مميزاتك ونقاط قوتك وتعرفى تستخدميها صح

لا يجوز الدعاء عليهم ولا على احد ، ادع باللهم اهدنى واهدهم لى ، او فوضت امرى للذى لا يغفل ولا ينام ، او حسبنا الله ونعم الوكيل ، اللهم اعنى على برهم واكفنى شرهم .

الاكل بيجى بسبب احساس معين ف بيخليك تشغل تفكيرك بالاكل ، بتكون متضايق او متعصب ، فكرت لما تحس انك عايز تاكل تشرب ماية الاول كتير ؟ ، طب جربت تلعب رياضة او تقرأ كتاب ، فكرت تفرع مشاعرك سواء بالكتابة او تتكلم مع شخص مقرب؟

احب اطمنك انه مش لازم يكون مرض نفسي ، وانه وارد نمر بحالة نحب فيها عزلتنا وانعزالنا بالرغم من وجود حوالينا ناس بنحبها وتحبنا . بس لدرجة ايه ول امتى وقد ايه بتاخد منك الاحساس دا ، ودا احساس بيكون مصاحب ل ايه ؟ وهل بتقدر تمارس حياتك العادية ولا بتنعزل تماما ؟ ولما بتوصل للمرحلة دى بتقول لحد بتتكلم مع حد ، ايه الطريقة اللى بتمارسها علشان تقدر تسيطر بيها وتتغلب على الاحساس بالضيق دا ؟؟ كل دى أسئلة مهمة جدا وان شاء الله هنقدر نفيدك 🌸

الاول نختار المسمي الصح ، مش نجتاوز نتعافى ، واول خطوات التعافى هى التقبل الماضي جزء من حياتك ، وجوده وتأثيره وابتلاءك اكيد علمك شئ او اخذ منك شئ مكنش مناسب ليكي دلوقتي . واللى ما عرفتيش وما قدرتيش تحققيه قبل كدا مكنش وقته يتحقق ، ودا الوقت اللى تحققى فيه حاجات كتير ، وقت ما قررتى تدورى على حل ووقت ما اخدتى القرار بانك محتاجة نصيحة متخصص يقدر يفيدك . الاول ممكن اعرف سنك وحالتك الاجتماعية ، وبتدرسي او لا او بتشتغلى ، وياريت لو اعرف بقالك قد ايه مش قادرة تحققى نجاحات ف حياتك؟؟

ازيك يا احمد يارب تكون ف احسن حال 🌸 انا حقيقي مبسوطة من وضوحك مع نفسك وانت بتشرح حالتك واللى بتمر بيه ، وفكرة محاولتك للتقبل دا إنجاز عظيم فعلا ، بس انت قولت انه انت روحت لدكاترة وعملت اشاعات وتحاليل وكله تمام اللهم بارك ، يارب ديما . طب ف حاجه مهمة ، انت متزوج وبتشتغل وهل انت بتحب شغلك دا ؟ ، بتشغل وقتك ازاى؟ وهل تواصلت مع اخصائى واشتغل معاك يقظة ذهنية او تمارين التنفس ؟ ، وبردو مهم وجود داعمين من الاسرة والاقارب ، مين اكتر حد قريب منك ؟ اتمنى تكون بخير ديما ❤️‍🩹

ازيك ياجميلة يارب تكونى بخير وف احسن حال ديما 🌸 مشاعرك جميلة جدا وحاسة بيكي وقد ايه انتى حابة تكونى بارة بمامتك وتعوضيها عن كل اللى شافته او كان نفسها تعيشه وما قدرتش ، وف نفس الوقت بتشيلى مسئولية انه اخوات الاصغر ما يعانوش واو يحسو بحاجة مش حلوة ، زى ما قولتي بتكونى ليهم ماما لحد ما انت زهقتى ، وبردو بتلومى نفسك . الحقيقة اللى حابة اقولها لك ، انه انت محتاجة تفكرى ف نفسك شوية وتشتغلى على نفسك انه ازاى تكونى انجح لنفسك قبل اى حد ،انتى قولتى انه داخلة على امتحانات ثانوية ودا تحديد مسار حياتك اللى جاية ، تعتقدى كتر شيلك حمل انه نفسية اللى حواليكي تكون احسن ، دا مش دورك ، دورك نفسك اولا ، دراستك هى مسئوليتك دينك وتنمية ذاتك ، ولو قدرتى انه تساعدى بجزء بسيط من طاقتك تمام مش بكل طاقتك ، محتاجة تفهمى انتى بتعملى كدا خوفا من الامتحانات ولا طول الوقت كدا ، لانه وارد جدا دا يكون بسبب قلق وتوتر الامتحانات وضغط المذاكرة لو اجابتك كانت انه طول الوقت كدا ، ف محتاجة تركزى بطاقتك على دراستك وفك توترك وقلقك ، وتقدرى تعملى دا بكذا طريقة لو حابة ابعتلك . بس خدى قرارك وافهمى مشاعرك صح . بالتوفيق 🌸

الشكر لله ياجميلة 🍀 ، ربنا يرزقك كل جميل ويخلف عليكى بالخير ويجعل بينكم موده ورحمه 😍

انتى اجمل صدقيني وكل مشاعرك اللى قولتيها بينت دا حقيقي انتى بطلة وهستناكى تطمنيني يا بطلة 💪🏻🌸🌸

ربنا يسعدك يارب وييسرلك امرك كله ، انتى جميلة وتستاهلى كل الخير حقيقي وانا معاكى لو احتاجتى اى حاجة 💖💖

اول حاجه محتاجة تكتبي انتى حابة تشوفى نفسك ازاى الفترة اللى جاية ، محتاجة تتعلمى ازاى تفصلى ذهنك الحاضر عن اللى بيحصل حواليكي ، انتى مش مطلوب منك تغيري الكون انتى مسئولة عن نفسك 👌🏻 ، حطى خطة ليومك والزمى نفسك بتحقيقه ، بين كل 20 دقيقة خدى بريك خمس دقايق ، لما تحسي ان فى مشاعر هتسيطر عليكي ، امسكى ورقة وقلم واكتبيها على طول حتى لو هتقطيعها بعدين بس ماتخليهاش تسيطر عليكي ، فى خطوة مهمة وحلوة وهتفرق كتير ف نفسيتك ، اكتبي امتنانك وانجازاتك ، حتى لو حاجات بسيطة مع الوقت هتحسي بتغير ف نفسيتك كبير باذن الله 🌸🌸

ازيك النهارده يارب تكونى بخير وقدرتى تحددى اولوياتك النفسية 🌸🌸

شكرا لكل كلامك

@ذكية جزانا الله واياكم 🌸

لا يجوز الدعاء عليهم ولا على احد ، ادع باللهم اهدنى واهدهم لى ، او فوضت امرى للذى لا يغفل ولا ينام ، او حسبنا الله ونعم الوكيل ، اللهم اعنى على برهم واكفنى شرهم .