أنا معلمة لغة عربية في مدرسة خاص متخرجة السنة دي
من عامين كنت قبل تخرجي دخلت في وسط الكتابة والتأليف وكنت فعلا في بدايات ظهوري ككاتبة وباحثة لغاية لما اتعرفت على شاب على الواتس اب في مجموعة لغوية وعجبني طريقة كلامه بالفصحى وطريقة تفكيره وبعد كده اتعرفنا على بعض وبقينا نتكلم لمدة عامين وعرفت انه متزوج وعنده أبناء فهمني انه عادي لو اتجوزنا زوجة ثانية بعد فترة وبناء على كده بقينا بنتكلم دايما اتعلقت بيه اوي وأظن هو كمان
وبعد فترة بدأ يتحول كلامه لطريقة جنسية رفضت وبعدت في البداية فكان بيضايق لغاية لما فهمني إننا كده بنقرب من بعض وعرفت انه بيشاهد محتويات إباحية وجنسية وبورن وبدأ يسحبني معاه في الطريق ده
لكن أنا مكنتش من جوايا راضية بالوضع ده ورفضاه تماما
احنا عمرنا ما اتقبلنا لكن قربنا من بعض هاتفيا
وكنت كل ما احاول أبعد معرفش وأقرب منه ثاني
لغاية ما النهاردة بعد تماما وقررت ابدأ حياتي من أول وجديد وحذفت كل وسائل التواصل الاجتماعي علشان مضعفش وأرجع ثاني
أنا مش زعلانة ولا ندمانة على أي حاجة عملتها
وعارفه إن ربنا هيعوضني خير أكيد وهيوفقني في حياتي الي جاية
انا خايفة بس من الأعراض والوجع والضعف الي هعاني منه الفترة دي وأنا لوحدي
وعارفه إني يعتبر في منتصف مراحل الإدمان للمواد الي كان بيبعتها ليا غير حبي وتعلقي بيه
مش عارفه أعمل إيه
الفكره مش ف المواد الادمانيه ، الفكره ف ايه اللي بيخليكي تروحي للمواد دي ، يعني لو قطعتي الاسباب المؤديه ليها + المحفزات عموما فبنسبة كبيره مش هترجعي ليها تاني + انه لازم تشغلي وقتك بأي حاجه مفيده لانه طبيعي لما تقفلي الحسابات بتاعتك ف هتلاقي وقت فراغ كبيره واكبر عدو للأنسان عامة هو الفراغ لانه دا بيت الشيطان اللي بيشكله زي ماهو عاوز شويه يعرضلنا لمواد ادمانيه ، شويه يعرضنا لحاجات تافهه لا نفع منها وشويه يسحبك ف سكه صعبه وهكذا ، وفبه قاعده حلوه شويه بتفيد ف الاوقات الرغبه ما تكون عاليه وهي قاعدة الخمس ثوان ، يعني ممكن تنفذيها علي شكل انه اول ما تهجم الرغبه عليكي ف فعل الشئ دا قومي اتحركي او امشي او شغلي اي حاجه تشغل مخك او تصرفه عن التفكير ف الشئ دا ، وادعي وقربي من ربنا ، واعتقد حته انك تبقي لوحدك هتبقي مؤذيه شويه ليكي فحاولي تشاركي حياتك مع صديقه او حتي عن طريق التطبيق دا ؤ لانه جزء من العلاج انك تشوف المشاكل دي عند الناس وتبدأ تساعدهم ف البحث عن حلول فدا بيديك حافز انه انت كمان تحمس نفسك وتكمل
تم النشر الخميس، ١٩ مارس ٢٠٢٦
فكرة إنك مش ندمانة ولا زعلانة دي مش هتساعدك تتغيري، أنتِ بتقولي مش ندمانة ولا زعلانة؟؟؟؟ إزاي مش ندمانة ولا زعلانه وأنتِ كنتِ فى علاقة غير شرعية ومحرمة، وبعدين ممكن سؤال؟ هو أنتِ ترضي على نفسك زوجك يخونك ويدخل علاقة وهو متزوج؟ طيب ما بالك بمشاعر زوجته هو وبعدين واضح جدًا جدًا ان الشخص عامل علاقات لأن مدمن إباحية، فأنتِ دخلتي علاقة محرمة وكمان مش شخص متزوج ومدمن إباحية، وأيضًا بتقولي مش زعلانه ولا ندمانة لا أنتِ المفروض تزعلي على نفسك جدًا جدًا لأنك عملتي ذنب وتوبي وتستغفري وتعرفي إنك شاهدتي إباحية مش بس دخلتي علاقة محرمة الله يردك إليه ردًك جميلًا ومفيش حاجه إسمها حب فى علاقة لا ترضى الله.... وكمان العلاقه دي لو رجعتي واستمرتي فيها حياتك هتتدمر جدًا؟ صح هتعدي بفترة ألم بس عادي أهون من إنك تعيشي فى ذنب
تم النشر الأحد، ٢٢ مارس ٢٠٢٦
بصي اولا ربنا يعينك على الفتره دي لحد ما تعدي منها بسلام كل اللي اقدر انصحك بيه انك تشغلي نفسك قدر الإمكان وحاولي اتعرفي على ناس جديده صحاب او ناس ليهم نفس اهتماماتك ومعرفش ده هيفيدك ولا بس ممكن تجربي تقعدي مع نفسك وتسجلي لنفسك ريكوردات او تكتبي زي ما تحبي وتحاولي تكوني صادقه مع نفسك وكأنك بتفصصي الذكريات وكل اللي حصل وجمعيهم ببعض وابدأي شوفي اللي كتبتيه كأنك حد تاني واسالي نفسك هل انتي شايفه ان تصرفاته دي تدل على حد بيحبك اصلا؟ وهل دي العلاقه اللي كنتي بتحلمي بيها او ده الشخص المناسب ليكي؟ انتي بتقولي بقالكم تقريبا سنتين ف طبيعي كل حاجه جت بالتدريج وممكن تكوني اتعلقتي بيه بس مش شرط ده يكون حب حاولي ترجعي لقبل كده من قبل ما تعرفيه لو كنتي تعرفي انه هيعمل كل ده هل كنتي هترضي تدخلي العلاقه دي من الاول؟ ولو هو بيحبك طيب ليه مخدش ولا خطوه فعليه ليه عايزك موجوده بشكل معين مفيد ليه بس في حين ده هيستنزفك ويأذيكي جدا ف صدقيني الحياه فيها ناس احسن بكتير وكونك حد مش قابل الغلط وبعدتي عنه وخدتي الخطوه دي فانتي حد شجاع وكويس من جواه بلاش تخسري كل الحلو اللي جواكي عشان حد مهما كان لأنك تستاهلي حد اصلا يتعب ويحاول عشان يعرف يوصلك ويكون جنبك بالحلال ويحافظ على الحلو اللي عندك مش يستنزفه وفكري في نفسك وشخصيتك انتي لأنه مهما كنا بنحب حد فاللي نقدر نكمل معاه حد يخلينا احسن ونحب نفسنا اكتر مع الوقت مش العكس وطبعا انا معرفش حالتك دلوقتي بس لو الموضوع متفاقم اوي عندك وحاسه انك تشغلي نفسك مش كفايه فلو تقدري شوفي دكتور او اي حد قريب منك تتكلمي معاه وتحاولي بس تطلعي اللي جواكي وصدقيني مع الوقت هتبقي اقوى بس حاولي تشوفي الصوره على حقيقتها مش من خلال مشاعرك لانها في الغالب هتضعفك كتير وتخليكي يمكن تحسي انك خسرتي وربنا يوفقك ويعوضك خير
تم النشر الخميس، ١٩ مارس ٢٠٢٦
مبدأيا هذه كانت علاقة سامة تماما تماما تماما ، أي طلب من طرف في علاقة بهدف تغيير الطرف الآخر و جذبه في طريق يختلف عن شخصيته بحجة الحب و الوعود الكاذبة فما هو إلا استغلال للمسميات و المشاعر لديكي للوصول إلى رغباته الجنسية كما أن لا مبرر للخيانة أيا كان نوعها او ظروفها ، لست ضد التعدد او انتقده ، و انما اذا كان شريكك لا يرضيك ، فمن حقه أن يعلم ، و من حقه ان تصارحه و تخيره ما بين ان يكمل او ان يمضي بحياته ، فعدم احترام لخصوصية شريكه و كبريائه و ثقته كانت ستنقلب عليكي يوماً ما، وبالتالي و بإختصار شديد من غرضه الزواج يقدم على أفعال و خطوات واقعية و من غرضه شئ اخر و يتحجج بالزواج يقدم وعود فقط ، هذا بالنسبة للعلاقة ، بالنسبة لشعوك ب الإدمان فهو للأسف حقيقي و لكن حلوله ابسط ما يكون ، فإدمان هذا النوع ما هو إلا مؤشر لإفتقادك إلى شريك في حياتك ، انتبهتي للمؤشر ممتاز ، ابتعدي عن الإدمان و صبي تركيزك في التطوير من نفسك لتكوني زوجة و أم ناجحة يطمأن لها القلب و تسكن لها الروح ، أما عن تعلقك به فهو ليس تعلق لشخصه و انما تعلق لشخصك ، انتي تحبين و تفتقدين نسختك من نفسك التي كنتي عليها معه ، ولكن المفاجأة انه لم يصدر لك هذا الإحساس من كوكب اخر بل هو بداخل من الأساس ، كل ما قام به هو تحفيز مجموعة صفات معينة هي موجودة لديكي ، ولا يوحد ما يمنع أن تستعيديها بنفسك مره اخرى و لكن هذه المره بدون محفز خارجي ، و بالتوفيق 😊
تم النشر الخميس، ١٩ مارس ٢٠٢٦
نعم يا عزيزتي، التغيير ممكن تمامًا ، وأنتِ دلوقتي في أول خطواته القوية! أنا فخورة بيكِ جدًا إنكِ قدرتِ تقرري الابتعاد وحذفتِ التواصل، ده إنجاز كبير يثبت قوتك الداخلية. ربنا هيعوضكِ خير كتير، زي ما أنتِ عارفة، وهيفتحلكِ أبواب التوفيق في حياتك المهنية والشخصية. بخصوص الخوف من الأعراض والضعف: الإدمان ده (سواء على التعلق أو المحتوى) زي أي عادة سيئة، أعراض الانسحاب طبيعية زي القلق، الفراغ، أو الرغبة في الرجوع – بس هي بتمر خلال أسابيع قليلة لو التزمتِ. أنتِ مش لوحدك، وده مش ضعف، ده جزء من الشفاء. نصائح عملية خطوة بخطوة (ابدئي النهاردة): روتين يومي إيجابي : حددي جدول صارم – صلاة النوافل، قراءة قرآن يوميًا، ومشي 30 دقيقة يوميًا في الهواء الطلق. ده هيملأ الفراغ ويجدد طاقتك. ارجعي لكتابتك : أنتِ كاتبة وباحثة! خصصي ساعة يوميًا للتأليف أو الكتابة عن اللغة العربية. – هترجعي لنفسكِ الأولى وتجذبي ناس إيجابيين. حماية نفسكِ : حطي كلمة سر قوية على الجوال، واستبدلي الوقت ده بسماع محاضرات دينية، لو رجعتِ الرغبة، قولي "أعوذ بالله" وقومي اغسلي وجهكِ بمية باردة. دعم روحي : ادعي ربنا كل ليلة: "اللهم ارزقني الصبر والقوة وأبدلني خيرًا مما أنا فيه". تذكري قوله تعالى: {إن الله مع الصابرين} . الألم ده مؤقت، وهيخليكِ أقوى. لو حسيتِ إنكِ محتاجة دعم أكتر، ابحثي في Fedni عن أسئلة مشابهة زي "التغلب على التعلق العاطفي" أو زوري صفحة الخبراء https://www.fedni.net/experts – فيه متخصصين في الإرشاد النفسي الإسلامي هيساعدوكِ. أنتِ قوية يا معلمة، ومستقبلكِ مشرق! 💪❤️
تم النشر الخميس، ١٩ مارس ٢٠٢٦
لعرض السؤال في فدني اضغط هنا