ايه رأيكو في مشكلة إطلاق البصر والشخص ازاي يغض بصره بالذات لو كان كتر التركيز مع الناس بيرهقه نفسيا
الموضوع كله إنك بتدي اللي حواليكي تركيز زيادة فبتتعبي فبدل ما تفضلي متابعة أول ما تاخدي بالك إنك ركزتي زيادة مع حد شيّلي عينك فوراً وكمّلي عادي من غير ما ترجعي تبصي تاني ولا تفتحي حوار في دماغك خديها حركة سريعة وخلاص ومش مطلوب تبقي مش شايفة حد الطبيعي إنك تشوفي اللي حواليكي بس من غير تثبيت وتدقيق نظرة عادية وتعدّي وخليكي وانتي ماشية مثلا عندك حاجة شاغلة تركيزك طريقك أو حاجة بتعمليها أو حتى فكرة في دماغك لأن الفراغ بيخلي عينك تروح لوحدها وده اللي بيتعبك وكل ما تقللي متابعة الناس وتخلي تركيزك رايح لحاجة ليكي انتي هتلاقي الموضوع هدي لوحده ولو المكان زحمة أو فيه ناس لافتة ده طبيعي يصعّب الموضوع فمتحاوليش تمسكي كل تفصيلة ولا تتابعي كل حد خلي نظرك هادي وعدّي ومتكبريش الموضوع على نفسك عشان متفضليش مركزة فيه طول الوقت لو حصل وبصيتي زيادة شوية عادي فوقي بسرعة وكمّلي من غير ما تقعدي تلومي نفسك اللي بيفرق إنك كل مرة تاخدي بالك ترجعي نفسك تاني.
تم النشر الأربعاء، ٢٩ أبريل ٢٠٢٦
تصدقي لسه ناشر فديو امبارح عن الموضوع ده 😅 بس بطريقه كوميديه شويه 🌷🤍 بس بصي بنت الحلال الموضوع محتاج منك قرصة ودن لنفسك في الأول عشان ترتاحي بعدين أول حاجة خليكي فاكرة إن ربنا مطلع عليكي في كل لحظة فاستحي منه وتاني حاجة النظرة دي زي السهم المسموم بتوجع قلبك إنتي وتخليكي مشتتة فوفري طاقتك لنفسك وبلاش تطلقي بصرك في اللي ملوش لازمة وأول ما تلاقي عينك راحت لفي وشك بسرعة واستغفري عشان النظرة الأولى ليكي والتانية عليكي ودايما ادعي ربنا يطهر قلبك ويشغل عيونك بذكره وطاعته ومع الوقت هتلاقي الموضوع بقى سهل وبقيتي ملكة في نفسك ومرتاحة من وجع الدماغ ده كله وربنا يوفقك ويثبتك يارب
تم النشر الأربعاء، ٢٩ أبريل ٢٠٢٦
السلام عليكم ورحمة الله وبركاته. هل غض البصر عرض ولا مرض. في الغالب هو عرض عن مرض. المرض هو نسيان الدار الآخرة {أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَاسِقُونَ (16) اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ (17) إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ} اما بننسى احنا هنا ليه بيطول علينا الامد فبيقسى القلب ده طريق معلوم جربه الانسان كتير وذكره ربنا في كتابه. الحل الصحبه الصالحه، معايشة سيرة النبي والصالحين، معايشة الدار الآخرة. وكما قال ربنا {اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ } الحياة مجاهده وكما قال النبي ان الرجل ليعمل بعمل اهل الجنة فيما يبدو للناس حتى لا يكون بينه وبينها الا زراع فيعمل بعمل اهل النار فيدخلها وان الرجل ليعمل بعمل اهل النار فيما يبدو للناس حتى لا يكون بينه وبينها إلا ذراع فيسبق عليه الكتاب فيعمل بعمل اهل الجنة. فيدخلها او كما قال . الحياه مجاهده باكد عليها عشان هي دي حقيقتها ممكن في لحظه يحصل حاجه تغيرها. كان قارون من علماء بني إسرائيل ويذكر انه كان من السبعين الذين حملوا التوراه. وخسف به لذنبه . وكان إبليس من اعبد الخلق كما في الاسلرائيليات فعصى فلعن. والانسان لا يدري من اي ذنوبه يكون عذابه. وحتى الذنوب الصغيره هي عظيمه لعظم الخطأ في جنابه عزوجل. خرج آدم من الجنه لاكله من الشجره
تم النشر الأربعاء، ٢٩ أبريل ٢٠٢٦
أهلاً بك! مشكلة "إطلاق البصر" شائعة جداً في زمننا ده، خاصة مع التواجد الاجتماعي الكبير، وهي تحدي حقيقي للنفس. الإسلام يأمرنا بغض البصر (قال تعالى: "قُلْ لِلْمُؤْمِنِينَ يَغُضُّوا مِنْ أَبْصَارِهِمْ" - النور:30)، لكن التركيز الزائد عليها ممكن يرهق نفسياً، فالسر في التوازن والتدريج. نصائح عملية لتغض البصر بسهولة: ابدأ صغيراً : حدد "مناطق آمنة" زي النظر للأرض أو الهاتف (بمحتوى مفيد)، وكل يوم زد دقيقة. مش لازم تكون مثالي من أول يوم! شغل عقلك : لما تشعر بالإرهاق من التفاعل مع الناس، ركز على مهمة عملية زي قراءة كتاب، أو تذكر أهدافك اليومية. جرب تطبيقات تذكير قرآني على الموبايل. دعاء وروتين يومي : قول "اللهم ارزقني غض البصر" بعد كل صلاة، وصم يومين في الأسبوع (الاثنين والخميس). الإرهاق النفسي ده علامة إنك بتحاول بجدية، فكن رحيم بنفسك واستمر. لو عايز دعم أكتر، ابحث في فدني عن أسئلة مشابهة زي "غض البصر"، أو زور صفحة الخبراء https://www.fedni.net/experts لاستشارة متخصص نفسي إسلامي. أنت قادر، خطوة بخطوة! 💪❤️
تم النشر الأربعاء، ٢٩ أبريل ٢٠٢٦
ركز قدامك او علي الارض واعتبر الباقي مش موجود
تم النشر الجمعة، ١ مايو ٢٠٢٦
لعرض السؤال في فدني اضغط هنا