انا كبنت كنت بشوف كل الشباب زي بعض ابيضهم زي اسمرهم اغناهم زي افقرهم مكنش بتفرق معاي ابدا ابدا ابدا إلا لو شخصيته حلوه وكان بس بيلفت انتباهي عشر ثوني وانتهي ولا كان بتأتي فكره حتي في دماغي انه ابص عليهم بس الله يصلح حال اختي هيا دكتوره ورتني صور دكاتره البلد كلهم وحفظتهملي واحد واحد وولو ماشيي سوا توريني الشباب حلو ه في بلدنا تقولي عليه في الاول مكنش بيلفت انتباهي دلوقتي او من فتره قريبه بدأت الاحظ ان اللي بتقولي عليهم شباب حلوه
المشكله مش هنا المشكله ان الموضوع تطور وبقيت ابص علي الشباب في المواصلات 😑😑 ومش اغض بصري
بعد محاولات ومحاولات بقيت أنجح مبصش علي اي شاب ولو جه نظري يدون ما اخد بالي علي حد بنزله بسرعه +ولاني بخجل اوي فعرفت اعمل كدا
بس من فتره في شاب لفت انتباهي في المواصلات شخصيته كانت قوييه مره وهادي ٠وانا بتفرج علي انمي وكرتون وأقرأ روايات اجاركم الله كان زي الابطال في الانمي طبعا غض البصر صففرررررر
لدرجه اني سهيت ونزلت بعد بيتي 😑😑😑مش عايزه حاجه زي دي تتكرر للابد تنصحوني باي علشان اغض بصري لاني قرأت اننا زينا زي الشباب في الحكايه دي وكمان السوشيال شباب السوشيال الفديوهات مفروض نغض بصرنا فاعمل اي علشان استقيم علي العباده دي شكراااا
بصي أول ما تلمحي حد وسيم أو يلفت نظرك، قولي في سرك ..اللهم إني استودعتك قلبي وبصري.. أو يا حي يا قيوم. الذكر ده بيعمل زي فرملة للمخ ويذك إن ربنا شايفك. ولما بنبص لحد، بنركز في اللي عاجبنا بس. دربي نفسك إنك تشوفي الشخص ده كبشر عادي، ممكن يكون صوته وحش، أخلاقه مش تمام، أو ببساطة هو إنسان زيك ليه عيوبه. ده بيكسر هالة الإعجاب اللي بتخليكي تطولي النظر. وغض البصر مش في الشارع بس، ده في الموبايل أكتر. أي بلوجر أو ممثل تلاقي نفسك بتدخلي بروفايله كتير عشان تتفرجي على صوره، اعملي Unfollow أو Mute. نظفي الـ Explore عندك من صور الشباب، عشان عينك ماتاخدش على البحلقة في الملامح وافكري دايماً زي ما أنا هحمي عيني وقلبي دلوقتي، ربنا هيرزقني بحد يحمي عينه وقلبه ومايشوفش غيري. دي دافع قوي جداً لأي بنت بتدور على الاستقرار والحلال . بعتذر عن الإطالة 😊 وجد والله ربنا يحفظك ويسعدك
تم النشر الأحد، ٨ مارس ٢٠٢٦
يا حبيبتي، أول حاجة: برافو عليكِ! إنكِ بتحاولي وبتلاحظي المشكلة دي خطوة كبيرة، وده يعني قلبك سليم وبتسعي للتقوى. الله يثبتك ويسترك، وأنا هنا معاكِ خطوة بخطوة. غض البصر مش بس واجب إسلامي (زي قوله تعالى: "قُلْ لِلْمُؤْمِنِينَ يَغُضُّوا مِنْ أَبْصَارِهِمْ")، ده حماية لقلبك من الوساوس والفتن. هقولكِ خطة عملية بسيطة، طبقيها يوميًا وهتشوفي الفرق إن شاء الله: 1. ابدئي بالدعاء والنية : كل صباح قولي: "اللهم ألهمني ما يحب ويرضى، واجعل عينيّ تغضُّ بصرها عن المحرمات". اجعلي نيتكِ خالصة لله، مش للناس. قبل الخروج أو فتح السوشيال، قولي "أعوذ بالله من الشيطان الرجيم" 3 مرات. 2. في المواصلات (اللي هي أكبر تحدي) : اختاري مكان جلوس بعيد عن الشباب قدر الإمكان: اجلسي جنب ستات أو في الخلف/الأمام. لو لمحتِ حد، انزلي عينكِ فورًا وعدِّي لـ10 بصمت، أو ذكِّري "لا إله إلا الله" 10 مرات. ده هيبني عادة قوية. حطي سماعات وشغِّلي قرآن أو محاضرات إسلامية، مش أنمي أو روايات تثير الخيال – قلِّلي منها مؤقتًا علشان قلبك يرتاح. لو الشاب "زي أبطال الأنمي"، فكِّري: "ده فتنة عابرة، والحياة الآخرة أهم"، وتخيِّلي يوم القيامة عشان الوسوسة تروح. 3. السوشيال والفيديوهات : فلتري الـ"for you": اعملي mute للحسابات اللي بتظهر شباب، وتابعي حسابات إسلامية/تعليمية بس. حدِّدي وقت: 15 دقيقة يوميًا بس، واستخدمي تطبيقات زي "Screen Time" علشان تحدِّي الوقت. 4. تعزيز النجاح : سجِّلي يومياتكِ: كل ليلة اكتبي "النهارده غضِّيت بصري X مرة"، وكافئي نفسكِ بشيء حلال زي شوكولاتة أو مشاهدة فيديو عن موضوع بتحبيه. صلِّي النوافل يوميًا، خاصة ركعتين قبل الصبح، وهتلاقي القلب يهدأ. أنتِ مش لوحدك يا قمر، كتير بنات زيك بيحصل معاهم كده، بس اللي يستمرّ يفوز. لو عايزة دعم أكتر، دوري في Fedni على أسئلة مشابهة عن "غض البصر" هتلاقي إجابات كتير، أو شوفي الخبراء في https://www.fedni.net/experts – فيه متخصصين في الإرشاد الإسلامي والنفسي هيساعدوكِ. الله يثبتكِ ويجعل عينيكِ طاهرة، ويبعد عنكِ كل فتنة. 💕
تم النشر الأحد، ٨ مارس ٢٠٢٦
بس دا كده اسمه قلة حياء ومفيش غض بصر واحنا ك بني آدميين عندنا شهوة ف طبيعي الجسم يستجيب انسي كل الي حصل ده وابدأي صفحه جديده وارجعي الي الله دا كله حرام مهما كان سنك كام انتي
تم النشر الأربعاء، ١١ مارس ٢٠٢٦
وفرصه احنا ف شهر رمضان ، يعني الصيام ، خلى معاكي السبحه الالكترونيه ، وطول م انتي خارج بيتك سبحي بيها ، استغفري ... الخ ، أي ذكر يقربك لربنا اكتر ويحفظك من الفتنه دي
تم النشر الاثنين، ٩ مارس ٢٠٢٦
اول حاجه هتعمليها ، تمسحي كل Applications اللى بتسهلك الموضوع ده ، وتبعدي عن كل الناس المؤذيه اللى بتسحبك للقاع ، ومش هطول عليكي كتير ، اقرأئي قرآن واذكارك واستغفري كتير ، واطلبي العفو من ربنا ، وطبعا صلواتك ، واعملي رياضه ، ده بجد مش مجرد كلام ، واستعيني بالله ، وربنا يهديكِ ويهدي اختك ، ويهدي شباب وبنات المسلمين
تم النشر الاثنين، ٩ مارس ٢٠٢٦
يعني تقدر تسمي كدا مع ان اللفظ بيوجع وانا معترفه بخطأي وعارفه ان ده غلط بس الانسان مش يشوف الاعمي ويقوله انت اعمي في وشه لان ده بيأذي وانا عارفه انها قله حياء بس الكلمه وجعتني اوي والله وانا تبت ومعتش بعمل كدا نهائي من فتره بحاول اعالج الموضوع وتعليقات الاخوه أفادت بارك الله فيهم
تم النشر الأربعاء، ١١ مارس ٢٠٢٦
بس يوتيوب ومش متابعه شباب غير الساخر الهادف وشخص تاني نحسبه علي خلق ودول اللي لفتو انتباهي ومن زمان بتاعهم صعب اني ابطل اتابعهم مره واحده!
تم النشر الثلاثاء، ١٠ مارس ٢٠٢٦
حاضر +رزقني الله واياكم ازواجا صالحه مصلحه جزاكي الله خيرا
تم النشر الاثنين، ٩ مارس ٢٠٢٦
وربنا يرزقنا وإياكم خير الأزواج والأولاد ، ويجعلنا للمتقين إماماً
تم النشر الاثنين، ٩ مارس ٢٠٢٦
لعرض السؤال في فدني اضغط هنا