سـمـ ـاء

جربت العلاقة المريضة دي قبل كدا كنا تلاتة أنا و بنت عمي و واحدة صاحبتنا كمان مش هقولك كنت بحب صاحبتنا التالتة دي قد اي لدرجة ان كنت احس لو مشوفتهاش في يوم يبقى فيه حاجة غلط؛ المهم هي كانت مواقف كتير بس اللي فاكراه اوي ان كنا ماشيين احنا التلاتة جمب بعض عادي قامت واخدة بنت عمي و ماشية من جمب تاني كإنها بتقولي ابعدي عننا او انتي مش مننا عارفة الموضوع بيوجع أوي بس انتي عارفة ممكن و غالبًا بيعملوا كدا ليه ؟؟ عشان الغيرة غالبًا غيرانين منك حتى مش محتاجة تعرفي السبب؛ المهم لو سيبتك منهم و ركزي مع دراستك و نفسك لما عملت كدا لقيتها بتحاول تكلمني بكل الطرق طبعًا كنت مبلكاها من كل النواحي و ماسحة رقمها لدرجة إن خلت بنت عمها تكلمني و تقولي انتي كان معاكي رقمها متكلميها قولتلها إن شاء الله و طبعًا دا محصلش و مكنتش عاوزة اكلمها تاني أبدًا لإن حسيت بخيانة عارفة لما تعشقي حد و يكون قريب أوي منك و تحسي بخيانة منه كدا؛ عمومًا أعتقد الموقف دا حصل معايا شبه موقفك أتمنى تعرفي تتعاملي و هو انك تتجاهليهم تمامًا هما غالبًا غيرانين منك و عاوزين يوقعوا ثقتك بنفسك و الله أعلم عشان مظلمهمش و ا قنعي نفسك إنك كنتِ معاهم مش أحسن حاجة و منغيرهم أفضل بكتير

و عليكم السلام و رحمة الله و بركاته، بلا شك كتيب المفاهيم هيفيدك جدا بس لازم تتعاملي معاه بذكاء بمعنى إن الناس اللي هتبقى داخلة عارفة تستخدمه غير الناس اللي هتبقى داخلة متعرفش شكله عامل ازاي حتى بمعنى آخر احنا مثلا مدرسين الثانوي عندنا خلونا نطبع كتيبات المفاهيم و نحل امتحانات السنوات اللي فاتت بيها عشان نعتمد بالحل عليها مش من الكتاب الأساسي و دا طبعا خلانا داخلين الامتحان حافظين كتيب المفاهيم عامل ازاي و السؤال هعرف أجيب اجابته منين دا طبعا هيفرق في السرعة و التركيز؛ اطبعي(كيمياء، فيزياء، رياضة، ياريت لو كل المواد بس اعتقد الانجليزي مش هينفعك اوي) حاجة كمان بقا تعمليها في آخر كام شهر ف ثانوية أعتقد خلاص فاضل بتاع شهر، شهر و نص بالكتير ألا و هي إنك تذاكري ف دوشة و جو مش مريح يعني مثلا الجو هيحرر متشغليش المروحة و اقعدي حلي امتحانات في الحر شغلي فيديو مظاهرات ع اليوتيوب و اقعدي اسمعيه الموضوع يبان غريب جدا في البداية بس (دا يعودك على تشتت لجنة الامتحان) بما ان فيه ناس هتعيط و ناس تصوت و ناس تتوتر فانتِ لما تجهزي نفسك من دلوقت دا يفيدك جدا و بالنسبة لورقة الامتحان فكل اللي تفكري فيه مثلا اقعدي قولي لنفسك يا ترى لما اروَّح هعمل ايه المهم أخلص الامتحان و اروَّح أكون مبسوطة اني خلصت من المادة الفلانية و ربنا يهون عليكو إن شاء الله و يوفقكوا و يطلعكوا منها مجبورين

بالنسبة لي أؤمن بعلم الفراسة فهو علم يعتمد على استنباط بواطن الأمور من ظواهرها فقد كان العرب قديمًا يتسمون بالفراسة؛ حتى أن الشخص اسمه يؤثر على شخصيته و حياته و صفاته ما بالك بملامحه !! كما قال رسول الله ﷺ‌: ‌‏﴿‏اتقوا فراسة المؤمن، فإنه ينظر بنورِ الله‏﴾؛ و لو تعمقت في الأمر و بحثت فيه ستجد أن شيوخ كبار كتبوا فيه منه: كتاب الفراسة للإمام فخرالدين الرازي، و كتاب السياسة في علم الفراسة لشمس الدين الأنصاري؛ كما أنك ستكتشف أن الصفات مرتبطة حقا بالملامح اذا بحثت عن ملمح معين او كذا

عارفة لما تصاحبي بنوتة صاحبتك و تكونوا قريبين جدًّا من بعض فجأة يحصل بينكوا اي تاتش فتتفركش صحوبيتكوا و كنتي متعلقة بيها و بصحوبيتها و دلوقتي مش قادرة تكلميها و بتحاولي تتعافي من علاقة زي دي عارفة صحبتك دي هتشوفيها قدامك ممكن هتسمعي صوتها مرة ممكن هتعرفي أخبارها ممكن حد هيكلمك عنها ف يوم من الأيام ممكن !! ( الشباب دول كان كل اللي بينك و بينهم كام شات على كام تطبيق ببلوك متقدريش توصليلهم و لا تعرفيهم تاني ... و خلاص خلصت حكايتنا) ؛ العلاج من العلاقة دي بيبقى صعب أوي مش بحبطك و الله و لا بعجزك بس انا أعرف الحالات دي فالمقصد من كلامي إنك لازم تختاري انك تتعافي من دا و دلوقت لان دا مش بيبقى سهل هترجعي كتير تبقي عاوزة تفكي البلوك و ايدك هتاكلك تدخلي تقوليله ازيك اقطعي كل حاجة ممكن توصلك ليه ممكن يكون الموضوع أخد جانب تاني بس لإني مش حبالك تفضلي ف الأذى متعلقيش نفسك أكتر من كدا نفسك الحقيقية أو المزيفة بتقنعي نفسك انك كدا مش انتي و انك بشخصية تانية ؟؟ إنت كدا مش بتاخدي حقك هتفضلي متعلقة بيه هو هينسى القديمة انتي هتتوجعي اكتر انو نساكي و حب شخصية مُفَبركة انتِ المَأْذِيَّة

من وجهة نظري تفكيرك غلط و غالبًا دا هروب من الواقع و رسم عالم خيالي بسبب افتقادك للأمان من الوسط المحيط لازم تتخلصي من التفكير دا و تخرجي من دايرة الأفكار دي الموضوع مش هيبقى سهل بس تقدري إن شاء الله؛ تخيلي مثًاا إنك مستنية شخصية معينة بالمحدودية دي بنسبة كام في المية هيتقدملك شخص كدا، سبحان اللّٰه أعرف بنات يقولوا مستحيل يتجوزوا حد من الشرطة عشان هيبقوا قاسيين عليهم و هيكبلوا حريتهم شتان بين الفكرين الموضوع بس معتمد على تفكير كل شخص، مش بلومك عمومًا، كلنا ممكن يكون عندنا أفكار مغلوطة محتاجة تتعالج و ربنا ييسر لنا أمورنا جميعًا

السلام عليكم و رحمة الله و بركاته أحب أقولك اللي انتي فيه دا قطعا و غالبًا بسبب نفسيتك؛ الوجع النفسي بيقلب ع الجسد كله حرفيًّا و مجربة دا قبل كدا تحسي إن جسمك واجعك بدون أسباب واضحة كل ما تخرجي من وجع يجيلك غيره و في مناطق غريبة حرفيًّا كمان ممكن يكون حسد أو عين متراكمة في جسمك فانتي اللي تقدري تحددي هو نفسية و لا حسد غير كدا النفسية هتقلب معاكي بأفكار سلبية بردو و حاجات تانية زي انك تكوني حاسة انك مش قادرة تعملي حاجة أو انك في دايرة مش عارفة تخرجي منها لو طُلِب منك حاجة ممكن متعرفيش تأديها كويس يعني بشكل عام بتحسي ان حياتك مش عارفة تمشي كويس

أعتقد إن ممكن أفيدك في حاجة زي كدا إن شاء اللّٰه أولًا فوق أي حاجة تقبل جسمك و شكلك لإنك مش هتقدر تتغير غير لما تتقبل الأمر و احمد ربنا ع نعمه الواسعة دا لصحتك النفسية و لو مش قادر ادعي ربنا بكدا؛ نيجي للفعل بقا أولًا إنت بعد كدا مش هقولك تقطع حاجة لا، عارف ليه ؟؟ لإنك هتيجي شوية و هتزهقك و هترجع لنقطة الصفر تاني كُلْ كل حاجة بس بكميات صغيرة يعني مثلًا في الوجبات الأساسية حاول تاكل أكل و تنوع بقدرالإمكان بروتين و نشويات ـ طبيعية ـ فاكهة و خضار و حاول متاكلش بين الوجبات الأساسية و طبعًا انت تكون حاسس بنفسك متفضلش تاكل لحد ما تشبع؛ (نحن قوم لا نأكل حتى نجوع، و إذا أكلنا لا نشبع) ؛ و اعمل تمارين في البيت و لو نص ساعة كل يوم حتى أو تنزل چيم ؛ هنيجي للأهم بقا و هوا الصيام عليك بقا بصيام الإتنين و الخميس و الثلاث أيام البيض من كل شهر هجري (اكتمال القمر)، العلماء اكتشفوا بالفعل إن الأيام دي الأكل اللي الجسم بياكله بيزيد وزن الجسم أكثر من الطبيعي؛ و حاجة كمان طلع صدقات و حتى لو حاجة بسيطة جدًّا بالذات لو هتجيب حاجة لحد قريب منك لو عندك اخت صغيرة مثلًا ممكن تجيبلها حاجة و انت راجع مثلًا، مامتك، بباك، حد غالي عليك ... ممكن يكون الموضوع غريب شوية بس انت لما تعمل دا بدافع جبر الخاطر، انت كمان ربنا هيجبر بخاطرك و يحقق مطلبك ... توكل على الله و واحدة واحدة و ربنا هيوفقك بإذنه

يجب ألا تعتمد أو تشخص أي مرض بمجرد أنك شعرت ببعض من أعراضه؛ من أعراض السكر أيضًا التبول ليلًا و كثرة الجوع و ضبابية الرؤية و تنميل الأطراف و فقدان الوزن و التعب و الإرهاق و الشعور بالحكة خصوصًا إن كنت تجاوزت سن الثلاثين و كان وزنك زائد و عانيت من مقاومة الإنسولين بالإضافة إلى وجود أشخاص تعانيه من العائلة فغالبًا سيكون من النوع الثاني و عليك تحليل سكر صائم إذا كان معدل سكر الدم أكثر من أو يساوي ١٢٦ مليجرام و بعد الإفطار بساعتين أكثر من أو يساوي ٢٠٠ مليجرام ليس بالضرورة أنك تعانيه كتبت هذه المعلومات لتوعية الناس فقط

بصي الأول عارفة إن تأثير الأهل و الأب ليه تأثير نفسي كبير عليكي اوكي الموضوع مش هيبقى سهل انك تتقبلي ان المفروض اقرب الناس ليكي بعيد عنك محتجاكي بس تعرفي إن كلنا جمال و محدش اتخلق وحش بس المشكلة ممكن تكون انك حاطة معايير جمال في دماغك مش مظبوطة البنت اتخلقت جميلة عشان هي اتخلقت كدا احنا اتخلقنا جمال كل واحدة مميزة باللي فيها: شخصيتها، كلامها، اسلوبها، تفكيرها، و الجمال مش كمنظر خالص الجمال بإنك تعرفي تحبي و تتحبي و عشان تشيلي من دماغك فكرة الثقة و كدا دا ممكن الأفكار دي تكون بتاكل في دماغك و بتسلب منك طاقتك عارفة ايه الحل ؟؟ الحل هو إنك تركزي على حياتك مش على الشكل و معايير الجمال المنافقة ركزي ع الحلو اللي فيكي حتى لو مش شايفة نفسك جميلة شكلًا -دا طبعا اكيد هتكتشفيه و لو بعدين- ... ركزي على نفسك من جوا خلقًا، أخلاقًا، جمال روحاني، الناس بتحب تقعد جمبك مثلًا و تصاحبك بيرتاحوا لقربك و طبعا لو الموضوع مرهقك جدًا عادي ممكن تحاولي تتخطيه بانك متفكريش فيه دلوقت و قولي لنفسك هأجل الكلام فيه بعدين لحد ما اكتشف نفسي و ركزي على حاجة معينة ف حياتك هي و بس مثلا: مذاكرتك، عاوزة تتعلمي حاجة جديدة، علاقتك بربنا و تقربي منه، علاقتك بشخص معين في عيلتك ... و حتى لو هتركزي على شكلك شوفي ايه اللي مدايقك في شكلك و حاولي تغيريه للأحسن

عارفة يعني ممكن يكون سبب اللي انتِ فيه انك بتقولي كنتِ(البنت الدحيحة اللي مش بتبطل مذاكرة) ممكن اللي انتِ فيه دا لإنك زهقتي من اللي كنتِ بتعمليه قبل كدا او لانك كنتِ منغلقة على نفسك اوي فلما بصيتي برا القوقعة اللي كنتِ فيها اتشتتي او غفلتي؛ مش هلومك بس حاولي ... حاولي ترجعي نفسك القديمة بل و أحسن كمان ... عارفة كل واحد لينا بيجيله وقت و بيقع بيقع اوي بتجيله فترة و بيبقى تايه مش عارف هو ايه اللي جابه هنا و ايه اللي بيعمله و عشان مين؛ ممكن متكونيش لبستي و اهتميتي عشانه علفكرة يمكن لانك حسيتي انك عاوزة تطلعي و تغيري من نفسك (قولتي انك طول كام سنة كنتِ بتذاكري و تقريبا مكنتيش بتعملي حاجة غير كدا ) فيمكن عشان كدا اول ما جيتي تصاحبي، صاحبتي واحدة بتاعة تيك توك كل احترامي ليها و الله يمكن هي أحسن مننا عند ربنا و عرفتي شاب من كلامك انه لسة مش شخص بالغ فكريا انك تفكري فيه اصلا المشكلة مع نفسك من جوا و الحل جواكي ركزي مع نفسك و شوفيها عاوزة ايه و ايه اللي بتحبه و اعمليهولها و صاحبيها و براحة على نفسك خليكي هينة عليها لو معاملتيش نفسك بلين مين هيعاملك كدا ؟؟؟

حسنا يمكنني إفادتك قليلا بما أنني مررت بنفس الأمر تقريبًا؛ عندما انتهيت من المرحلة الثانوية كانت الأمور غير مستقرة تمامًا و الأيام كانت تمر بالبطئ كنت أحاول النجاة فقط؛ لـٰكن ما أريدك معرفته هو ألا تقلقي كل شئ يأخذ وقته لترجعي لسابق عهدك بنفس الروح المتلهفة و المثابرة و المنجزة خذي وقتك لا تثقلي على نفسك اذا كان شهر شهرين و حتى لو سنة يمكنك فقط محاولة العيش و الاستمتاع بيومك و ركزي في دراستك و مع عائلتك يمكنك اكتشاف مواهبك و تنميتها، مثلا أنا عندي موهبة الرسم و أحاول تشجيع نفسي على الأمر؛ الهوايات تساعدك على معرفة نفسك و الارتباط بها و مصاحبتها و تبعدك عن التشتت (و هذا ما تريدينه، أليس ذلك؟) إن حل التشتت هو: التركيز ... إبقي على تركيزك بكل ما أوتيتِ من قوة فقط التركيز اشغلي عقلك و وقتك بشئ واحد فقط لمدة معينة و حاولي ان تستثمري كل وقتك و جسدك و كل شئ فيه و لن تشعري بأنك تُسلبي أو وقتك يُنهب مِنك مهما كان الشئ: تعلم القرآن الكريم، تعلم الدين و أحكامه، علم معين في محط اهتمامك، موهبة معينة، عمل منغمسة فيه، اللغات ... و ما إلى ذلك

تعرف المشكلة ف مصر و مش بس مصر غالبا الشخص اللي بيفوز، او بيكسب الناس، العلاقات، او المواقف، هو الشخص اللي عنده ذكاء اجتماعي و اللي يعرف يتعامل في الشارع عشان كدا فيه ناس كتير بتتخلى عن نفسها و عن اللي حباه في سبيل انها تحس بنفسها ضمن المجتمع و وسط الناس بس انت معملتش كدا انت فضلت ع الحاجة اللي حاببها و مخرجتش منها. الصراحة للأمانة انت بردو لازم تعرف تتعامل مع الناس آه الموضوع بيبقى صعب و كدا بس ع الأقل عشان ف المستقبل او غالبًا هتحتاج دا

ايوا غالبا بشوف ان في حاجات كتير بسمعها او اعرف فكرتها بتحمل معنى أعمق بكتير من مجرد مسلسل او فيلم عابر و بردو ممكن تكون بتحمل فتن و عراقيل للمشاهد فنحذر بردو

عارف لو حبيت نفسك و قدرتها و فهمتها هتستغنى إنك تقعد مع الناس و مش هتحب غير ان تبقى لوحدك

ممكن بتحس بالوحدة لإنك مش قادر تصاحب و تتأقلم مع نفسك و تحبها

الموضوع بيبقى محتاج كشف مش مجرد سؤال يعني حتى لو دكتور هنا قالك ايه اللي ممكن يكون عندك هو ميعرفش حالتك بالظبط يعني مينفعش تشخيص من ع النت

اذكري ربنا و ادعي دايما و ربنا هيُقف جمبك و ينصرك بإذن الله

آخر ما كنت بزهق و بجيب أخري كنت بقول يلا تيجي زي ما تيجي اقفلي كل الضغط و التوتر بشئ من اللامبالاه الخفيفة

الأكل شهوة و لازم تتغلبي عليها؛ كلي زي ما سيدنا محمد ﷺ علمنا كلي بس لما تجوعي و لما تاكلي متشبعيش الموضوع هيكون صعب في الأول بس مرة ف مرة هتقدري و تتعودي و ربنا هيباركلك في وزنك و جسمك جدا إن شاء اللّٰه

الشكر للّٰه يا جميلة

بيبقى كتاب فيه كل مفاهيم مواد المنهج و بيلموه منكو بعد اللجنة و يسلمهلكوا كل امتحان لو تقصدي بيرضوا تحلو فيه فلا أو تاخدي منه حاجة فأكيد ... محدش يقدر يقولك حاجة

مقولتلكيش أقعدي خالص بس عادي اسعي بس براحة على نفسك فترة تقومي و فترة تقعي و أديها ماشية محدش حياته مثالية يعني و ربنا يوفق

و بعدين إنتِ لسة بنوتة صغيرة ١٦ سنة حد قالك قومي اشتغلي و حققي اللي مبيتحققش ليه بتحرقي ف نفسك متستمتعي بحياتك و لحظاتك بأقرب الناس ليكي دلوقت

انتِ من كلامك إنك ما شاء الله بتدوري على نفسك و تطوري نفسك في الدين و العلم و كدا و دا كويس أوي أكيد مش هتفضلي طول عمرك بتسعي و تشتغلي و بس يعني شوية تقومي و شوية تقعي ممكن تكوني مكبرة الموضوع بس شوية حاولي تخرجي من دايرة أفكارك و تشوف الموضوع من بعيد هل إنتِ فعلا غلط دلوقت

أمراض القلوب اللهم إننا نستعيذ بك منها؛ و لو اتجوز ستات الدنيا كلها هيفضل كدا ربنا يهديه

عارفة ممكن تجيبي اتنين بيتخانقوا بلغة تانية انتي مش فاهماهم عموما بس فيه دوشة و خلاص عشان الموضوع يبقى أهدى و فعال بردو

ماشي ممكن في الأول تشغلي قرآن لصوت قارئ عالي شوية أو سورة انتِ حفظاها فتتشدي معاها (بشكل ما عشان تعودي نفسك تركزي و متتشتتيش)؛ بس سمعت إن القرآن لو شغال جمبك تسمعيه لو مش هتسمعيه توطي الصوت فا مش عارفة بقا الصراحة من الناحية دي بس فيديو المظاهرات هيفيدك جدا ممكن تبدليه بحاجة تانية تكون بتضيع التركيز عشان تقدري تسيطري على نفسك و تركيزك، و ربنا يوفقك إن شاء الله

الشكر لله يا جميلة

الامتحان مش من برا المنهج و لا حاجة بس بيعتمد على مذاكرة و فهم الشخص يعني مثلا مثلا عندك معادلات الحديد هو جايبهالك قدامك اهي و عاوزك تجاوبي سؤال هتلفي و تدوري خمسين لفة عشان تجيبيه بس عاوز حد فاهم و دماغه شغالة

المدرسة بتسلمه ليكو

غالبا هو شايف نفسه تحت اوي فبيحاول يرفع من شأنه قدامك و الله أعلم عشان مظلمهوش و بعدين مجالكيش مرة تفكير ان ممكن يكون بيقول نفس السيناريو دا لخمسين بنت تانية ابعدي عن الناس اللي بتتكلم كتير دي اسلمي منهم غير كدا معلش بس حرام هتعلقي نفسك بيه و خلاص عارفة لو قفلتي معاه انتي الأول يا هيدور عليكي عشان كنتي بتسمعيه يا غالبا لا لانه بيحكي كدا لكذا حد عشان يحاول يثبت نفسه لانه شايف نفسه ضعيف و شايفك مجرد شخص بيحكيله شوية كلام ، يا اما احتمال تاني ان هو اللي يرميلك كل احاديثه و كلامه و يخلع فمتعلقيش نفسك بحاجة مش فإيدك و بعدين فوق كل دا حرام

الشكر لله أتمنى أكون فيدتك و ربنا يوفقك إن شاء الله

لو ملقتيش النتيجة دلوقت ف درجات امتحاناتك مش لازم تكون هنا ممكن تكون اتعلمتي الحاجة دي غيرت منظورك للأحسن تفكيرك خلاتك شخص واعي أكتر ربنا شايلك تعبك لبعدين طريق مقبلة عليه ربنا يوفقك فيه و متعرفيش منين ‌‏﴿إن الله لا يضيع أجر من أحسن عملا‏﴾

منتي للأسف مش هتقدري تطلعي من دا غير بالصبر و المجهود النفسي و ربنا حطك هنا عشان هتقدري تخرجي إن شاء الله منها إنتِ نفسك قولتي إنك تقدري تصلحي الأمور و عشان تبقي عارفة الناس كلها عندها مشاكل بس فيه فرق بين الناس اللي بتقوم تحل مشاكلها و الناس اللي بتخاف و تفضل قاعدة لو فضلتي قاعدة المشكلة مش هتتحل إنتِ إن شاء الله قوية و شجاعة و تقدري تخرجي من اللي إنتِ فيه و الدليل إنك دخلت و سألتي إن حد يقدر يساعدك لإنك فعلا عاوزة تتغيري للأحسن و إن شاء الله ربنا يوفقك

عشان تبقي عارفة طبيعي حاجة زي دي تحصل عقلنا في الطبيعي أغلب الأفكار اللي بيجيبها سلبية؛ كل ما فكرة وحشة تيجي ممكن ترفعي ايدك كدا و تفرديها و تقولي لا استوووووب بَطَّل تفكر كدا أنا كويسة و ربنا هيوفقني و هكون مبسوطة

يعني مثلا إنت قولتي إنك بتذاكري و مهتمية بدراستك ربنا يباركلك دي حاجة لواحدها المفروض تكوني فخورة بيها أنا بذاكر عشان إن شاء الله ربنا يكرمني و أجيب مجموع كويس في ثانوي و أدخل كلية كويسة و أرفع راس أهلي

أكيد في نظرة لنفسك كويسة ممكن تذكريها ممكن تيجي تفكري أنا فيا حاجة واحدة كويسة و مليون حاجة وحشة لا ركزي ع الكويسة بس

احنا واخدين بالنا انك مش مستحملة و عندك ضغط نفسي كبير بس دا بردو اللي تقدري انتي تحددي سببه لانك مذكرتيش أسباب تخلينا نقدر ندي نصيحة، و العلاج يبقى ف إيدك و جواكي لإنك اللي مريتي بتجاربك الخاصة اللي ثابت فيكي الأثر المرهق و غالبًا النصيحة هتكون عامة مش خاصة بمشكلة معينة يعني مثلا انتي بتقولي تراكمات من ٦ سنين ممكن مثلًا تقوليلنا على اكتر حاجة مأثرة فيكي و حد ممكن يفيدك

حلو إنك شايفة إن عندك عيوب دي لوحدها ميزة بس تتعلمي تستخدميها صح هتفضلي تقولي انا وحشة ف كذا و كذا و كذا و لا هتتحركي لقدام و لو خطوة بسيطة و تقولي هتغلب عليها و احسن من نفسي لان مفيش حد معندهوش مشاكل و لا أخطاء

طب مش ممكن ع الأقل لما تيجي تشتري تروحي معاها تنقي الحاجة اللي عاوزاها انتي طالما كدا كدا هتجيب ممكن تكون بتعمل كدا عشان توفر الحاجة هتغلى بعدين

لو فيه حاجة مدايقاكي كلميني كمجربة حال الثانوية قبل كدا كانت سنة صعبة و كنت محتاجة حد جمبي يوجهني فلو فيه حاجة كلميني أنا معاكي

بالنسبالي أكبر مشكلة مكنتش بعرف أظبط نومي الموضوع كان مؤثر معايا جدًّا بس المهم تحاولي تلمي الدنيا أول بأول مع المراجعة و أعتقد كتب المراجعات النهائية نزلت دلوقت فُكك من اللي في الأول دول و ادخلي على المحافظات و الامتحانات علطول طبعا لو تقدري اللي في الأول مع المحافظات يبقى فُل أوي

حاولي تذاكري كذا مادة في اليوم متركزيش على حاجة واحدة

طبيعي كنت واخداها قاعدة مفيش جدول بيمشي ف ثانوية عامة المهم تطلعي من يومك بإنجاز و لو قليل

حلو عاوزين الحل نعرف فين المشكلة (افتقاد الاحساس بالأمان)؛ المشكلة بدأت منين ؟؟ من الوسط المحيط بشكل أو بآخر؛ دا اللي شوفته من كلامك اتكلمي مع الناس اللي بتدايقك عن الحاجة اللي بتدايقك غيروا من نفسهم خير و بركة مغيروش خير و بركة بردو مش هتقدري تغيري الناس ... حاجة مش بإيدك، فتبدأي رحلة مع نفسك بالسلام الداخلي تدعي ربنا الفراغ دا يتملي و تبدأي رحلتك مع نفسك بإنك تحسسي نفسك بالأمان و تفهميها أكتر و تحبيها و تقدريها حاجة بس عشان لو مهتمة بخبايا النفس و إنك تعرفي نفسك و تحللي تصرفات اللي حواليكي القرآن الكريم طبعًا هيعلمك كل حاجة نور رباني أول بعدين كتب دكتور محمد طـٰه هتفهمك العلاقات النفسية و أحاسيسك اللي جواكي و ازاي تقدري تتعاملي مع جواكي

لا أحسنلك عشان ميكونش ظلم بس بردو تاخدي بالأسباب و ترقي نفسك بالرقية الشرعية و توكلي على اللّٰه

الحل هو الاستعانة بالله خليكي دايما على ذكر الله و ادعي ربنا يخرجك من اللي انتي فيه على خير و كل اللي حاسة بيه اكتبيه في نوتة و اقنعي نفسك انك إن شاء الله هترجعي نفسيا و جسديا أحسن من الأول كمان إن شاء الله

طبيعي تكوني خايفة عليهم أوي لانهم أولادك بس الوسواس دا مش طبيعي لازم تسيطري عليه بانك تذكري ربنا دايما و تقولي لا كل ما الأفكار دي تجيلك

تبقى لازم تحلل سكر صايم و بعد الفطار بساعتين و إن شاء الله خير ربنا يسترها إن شاء الله

معاك في حتة انه ناس بيلوموا الشخص الغلط يعني اصلا هما الناس المحترمة دي منزلين التطبيق و داخلين بكل حرج و حاسين بالاهانة و داخلين يقولوا ساعدونا يا جماعة الخير تقوموا مهزئينهم -بشكل محترم- يعني عملتوا ايه انتو بجد انتو نزلتوهك سابع أرض حرفيا بس حتة الإرادة يعني لا الإرادة بتبقى حل ف أوقات كتير؛ فالإرادة مش تبع الشغف خالص علفكرة

ديولينجو جميل جدا كبداية و هيبدأ معاك بداية كويسة و كمان airlearn جميل جدا بيلم المواقف المتشابهة و عندك الكورسات كتير بردو على مختلف المنصات و ع اليوتيوب ممكن تبدئ بكورسات اللغات بتاعت الثانوي او اي مرحلة صغيرة بحيث تكون البداية هينة عليك