و عليكم السلام و رحمة الله و بركاته، بلا شك كتيب المفاهيم هيفيدك جدا بس لازم تتعاملي معاه بذكاء بمعنى إن الناس اللي هتبقى داخلة عارفة تستخدمه غير الناس اللي هتبقى داخلة متعرفش شكله عامل ازاي حتى بمعنى آخر احنا مثلا مدرسين الثانوي عندنا خلونا نطبع كتيبات المفاهيم و نحل امتحانات السنوات اللي فاتت بيها عشان نعتمد بالحل عليها مش من الكتاب الأساسي و دا طبعا خلانا داخلين الامتحان حافظين كتيب المفاهيم عامل ازاي و السؤال هعرف أجيب اجابته منين دا طبعا هيفرق في السرعة و التركيز؛ اطبعي(كيمياء، فيزياء، رياضة، ياريت لو كل المواد بس اعتقد الانجليزي مش هينفعك اوي) حاجة كمان بقا تعمليها في آخر كام شهر ف ثانوية أعتقد خلاص فاضل بتاع شهر، شهر و نص بالكتير ألا و هي إنك تذاكري ف دوشة و جو مش مريح يعني مثلا الجو هيحرر متشغليش المروحة و اقعدي حلي امتحانات في الحر شغلي فيديو مظاهرات ع اليوتيوب و اقعدي اسمعيه الموضوع يبان غريب جدا في البداية بس (دا يعودك على تشتت لجنة الامتحان) بما ان فيه ناس هتعيط و ناس تصوت و ناس تتوتر فانتِ لما تجهزي نفسك من دلوقت دا يفيدك جدا و بالنسبة لورقة الامتحان فكل اللي تفكري فيه مثلا اقعدي قولي لنفسك يا ترى لما اروَّح هعمل ايه المهم أخلص الامتحان و اروَّح أكون مبسوطة اني خلصت من المادة الفلانية و ربنا يهون عليكو إن شاء الله و يوفقكوا و يطلعكوا منها مجبورين
بيبقى كتاب فيه كل مفاهيم مواد المنهج و بيلموه منكو بعد اللجنة و يسلمهلكوا كل امتحان لو تقصدي بيرضوا تحلو فيه فلا أو تاخدي منه حاجة فأكيد ... محدش يقدر يقولك حاجة
تم النشر الأحد، ١٧ مايو ٢٠٢٦
معلش سؤال تاني ، كتيب المفاهيم بنستلم كل جزء ف مادته ولا بنستلمه ككتيب ف اول امتحان؟ ، و بيرضوا نحل وراه ولا بيرفضوا؟
تم النشر الأحد، ١٧ مايو ٢٠٢٦
عارفة ممكن تجيبي اتنين بيتخانقوا بلغة تانية انتي مش فاهماهم عموما بس فيه دوشة و خلاص عشان الموضوع يبقى أهدى و فعال بردو
تم النشر السبت، ١٦ مايو ٢٠٢٦
ماشي ممكن في الأول تشغلي قرآن لصوت قارئ عالي شوية أو سورة انتِ حفظاها فتتشدي معاها (بشكل ما عشان تعودي نفسك تركزي و متتشتتيش)؛ بس سمعت إن القرآن لو شغال جمبك تسمعيه لو مش هتسمعيه توطي الصوت فا مش عارفة بقا الصراحة من الناحية دي بس فيديو المظاهرات هيفيدك جدا ممكن تبدليه بحاجة تانية تكون بتضيع التركيز عشان تقدري تسيطري على نفسك و تركيزك، و ربنا يوفقك إن شاء الله
تم النشر السبت، ١٦ مايو ٢٠٢٦
هو موضوع المظاهرات ده صعب شوية ، اشغل قرآن مثلا ونا بذاكر عشان اعود نفسي؟
تم النشر السبت، ١٦ مايو ٢٠٢٦
إن شاء الله ، كويس انك قولتيلي انا مبعرفش اذاكر غير ف هدوء تام مجتش ف بالي موضوع اللجنة ده خالص
تم النشر السبت، ١٦ مايو ٢٠٢٦
لعرض الإجابة في فدني اضغط هنا