وعليكم السلام ورحمة الله وبركاته، انت بقصتك ذكرتي جانب ايجابي لزوجك انه صبر وكان يواسيكي لما تأخرتو بالخلفا، وهاد مؤشر انه زوجك طينته طيبة ومش سيء، واذا قال اذا رحتي ما بترجعي على ما اظن انه بسبب خوفه انه تروحي هدد هاد التهديد (ببنتك)، انا ما بدافع عنه بس ما بدي كمان بسبب كل الي صار معك الشيطان يسكرها برجهك ويقربك للطلاق، لانه ابدا ما بنصح تتطلقي، لازم تكوني ذكية بعلاقتك مع اهل جوزك. اولا يا حبيبتي دائما بقول استعيني بالله واحسني النيّة، ما تحاولي تعملي مؤامرات او خطط بسبب تعاملهن السيء مثل ما كتير متزوجات بيعملو بعد الظلم، كوني دائما بطريق الحق وكل خطوة شوفي اذا هاي بترضي ربنا ولا لا. بدي منك ما تشكي لزوجك عن اهله الا بأشد الحالات، كيف مكان بيضلو اهلو، وزوجك رفيقك وحبيبك وكل اشي صح، بس في امور لازم تخليها بينك وبين ربنا عشان تحافظي على العلاقة... شو الحل؟ حاولي افتحي من طرفك صفحة بيضا تجاه اهل زوجك، انا عارفة انه في ناس ما بتستاهل والله عارفة؛ بس كمان عارفة انه بعد النية الصافية والاستعانة بالله بتتيسر كل الامور، هاد ما بعني تكوني ضعيفة وشخصيتك ضعيفة بس زي مقلتلك كوني ذكية بالعلاقة، وحاولي مثلا لما تكونو قاعدين مع بعض اذكري مواقف حلوة معهن قبال زوجك، ولما تحسني العلاقة حسنيها كمان معهن حتى لو زوجك مش موجود... وبالاستعانة بالله شخصيتك بتصير اقوى، بعينك على كل الخطوات، لهيك ما في خطوات محددة الله يصلح بينكم
لعرض الإجابة في فدني اضغط هنا