كيف أصير واثقه بنفسي ؟ انا عندي رهبه وخوف وخجل من التحدث أمام الجمهور مثلاً
السلام عليكم ورحمه الله وبركاته حتى الاشخاص اللي هم واثقين في نفسهم ممكن يبقى عندهم من التحدث امام الجمهور ليه لانه التحدث امام الجمهور والتحدث امام مجموعه من الاشخاص على المسرح كده دي مهاره ومهاره بتحتاج تدريب ممكن يكون شخص شاطر جدا وعنده علم وكل حاجه بس ما بيعرفش يتكلم قدامه وبياخد وقت بيتدرب فيه يكون في اشخاص بيدربوه ازاي توقف ازاي تتكلم تحط ايدك فين تحرك ايدك ازاي تبص للناس ازاي دي مهاره وحاجه بنتدرب عليها ممكن تعملي بس بحث كده عن الباب وتبداي تشوفي تلاقي في ناس بتشرح الموضوع بشكل بسيط وازاي بنوقف نتكلم قصاد الجمهور بناخذ بالنا من ايدي بنعمل ايه زي ما نحط صوتنا زي نتفاعل مع الناس وهكذا حاجات بسيطه جدا ولكن هتحتاج كده او كده هتحتاج تدريب ادرب نفسي في الاول هدرب نفسي وانا لوحدي واحط قدامي حتى لو جبت كده يعني عرايس دباديب وحطيتهم قدامي واعتبر ان هم دول الجمهور دي هتبقى اول خطوه عادي جدا ان انا افتح الكاميرا واسجل لنفسي واشوف انا شكلي عامل ازاي شكلي توتري عامل ازاي طيب لا هاخذ بالي من الحاجات دي وهكذا عشان تبقي شايفه الناس شايفينك ازاي هتقدري تاخدي النقط دي لو المساله بقى مساله ثقه بالنفس عموما فاحنا هنا هنسأل نفسنا سؤال انا ليه مش واثق في نفسي اصلا ااا انا شايف نفسي ازاي وده مهم قوي على قد ما انا شايف نفسي على قد ما الناس هتشوفني فده مهم جدا جدا ان انا النقطه دي اناقشها مع نفسي انا شايف نفسي ازاي ولو في حاجات انا شايفها في نفسي مش كويسه ابدا اشوف هل انا نظرتي لنفسي صح ولا نظرتي غلط ومحتاج ان انا ابدل النظره دي بنظره احسن.
تم النشر الجمعة، ٢٧ يونيو ٢٠٢٥
ممكن تخشي يوتيوب تسمعي برودكاست ازاي تتعاملي مع المشكله دي بشكل كويس وبلا رجعه وممكن تقراي كتب عن نفس المجال وهيبقي احسن بكتتير كمان لانها بتبقي تفصيليه اكتر وأفضل وممكن حتي تتكلمي مع تشات جي بي تي ويقترح عليكي فديوز او كتب وممكن تتكلمي معاه تدربي وتطبقي عملي الحاجات الهتبقي في فديو از يوتيوب وتقوليله حسه بايه وهكذا نقاش حلو جدا
تم النشر الاثنين، ٣٠ يونيو ٢٠٢٥
حضور ورش تدريبية والمشاركة في انشطة مجتمعية جماعية ولو الموضوع بيكون فيه اعراض جسدية زي زيادة معدل ضربات القلب او تعرق أو صعوبة في التنفس يبقى المتابعة مع متخصص نفسي
تم النشر الاثنين، ٣٠ يونيو ٢٠٢٥
مرحباً، شكراً على ثقتك بمشاركتي تحدياتك، وهذه مشاعر طبيعية كثير مننا يمر بها خصوصاً عند التحدث أمام الجمهور. الثقة بالنفس والتغلب على الخوف والخجل ممكن يتطوروا مع الوقت ومع بعض الخطوات المدروسة، وأنا ذكية هنا لأساعدك. إليك بعض النصائح العملية التي تساعدك تبني ثقتك بنفسك وتتخلصي من رهبة التحدث أمام الجمهور: التعرف على مصدر الخوف حاولي تفهمي السبب الحقيقي للخوف: هل هو الخوف من الخطأ؟ من الحكم عليك؟ أو من فقدان السيطرة؟ لما تعرفي السبب، يصير أسهل تعالجيه. التحضير الجيد حضري الموضوع أو الكلام اللي رح تتكلمي فيه بعناية. جهزي نقاطك الرئيسية ومرريها عدة مرات. التدرب أمام المرآة أو مع صديقة موثوقة يساعدك تثقي أكثر. ابدئي بخطوات صغيرة لا تضغطي على نفسك بالتحدث أمام جمهور كبير في البداية. ابدئي مثلاً بالحديث أمام مجموعة صغيرة أو حتى أمام نفسك، ثم زيدي العدد تدريجياً. فكري بطريقة إيجابية بدل ما تركزين على احتمالية الخطأ، ركزي على نقاط قوتك والرسالة اللي تبغي توصليها. كوني لطيفة مع نفسك، ما في داعي للكمال. استخدمي التنفس الطبيعي وتنظيم الصمت لا تشعري بأن لازم تملئي كل لحظة كلام، أحياناً الصمت البسيط يدعم حضورك ويعطيك فرصة ترتيب أفكارك. تذكري أن الجميع معرض للخطأ خجلك وخوفك طبيعيان، وهذا لا يقلل من قيمتك أو من قدرتك على النجاح. ممارسة الرياضة والأنشطة الاجتماعية تساعد على تحسين الحالة النفسية وبناء الثقة بشكل عام. اطلبي المساعدة عند الحاجة إذا كان الخوف أو الخجل شديد لدرجة تعيق حياتك، يمكن تستفيدي من جلسات مع مستشار نفسي أو مدرب ثقة بالنفس، ويمكنك العثور على خبراء في هذا المجال عبر صفحة الخبراء في فدني. أخيراً، كوني صبورة مع نفسك، كل خطوة تقومين بها هي إنجاز جميل. وممكن دائماً ترجعيني هنا لو حابة تشاركي تقدمك أو تطلبي نصائح إضافية. هل تحبي أساعدك بأفكار أكثر تحديداً حول موضوع معين أو موقف معين يسبب لكِ الخوف؟
تم النشر الجمعة، ٢٧ يونيو ٢٠٢٥
وكيف اتخلص من الحاجه دي
تم النشر السبت، ٢٨ يونيو ٢٠٢٥
اضافه جميله جداً جداً❤️🩹❤️🩹❤️🩹❤️🩹❤️🩹
تم النشر السبت، ٢٨ يونيو ٢٠٢٥
ابداي اتكلمي مع نفسك وعبري عن رأيك المجتمع مش هيقتلك لو قولتي رايك انتي مطالبه تقولي اللي عايزاه لانك بشر وخليكي حقوق وابني ليكي قدام نفسك ثقه قبل العالم الخارجي وكبري من قيمة نفسك قدامك لاني ده هينعكس ع بره وابداي اتعلمي اي حاجه صدقيني ده بيكبر منك جدا ويزود الثقه اتعلمي في مجالات مختلفه اتجحي في مجالك واثبتي وجودك
تم النشر السبت، ٢٨ يونيو ٢٠٢٥
الموضوع مش محتاج كلام كتير الموضوع ده بيتحقق بالصبر والتدريب الكتير والتدرج في المهمات مره اتكلم قدام اهلك مره قدام اصحابك ووسع الدايره كل شويه وكمان ان يكون عندك معرفه بالشيء اللي هتتكلم فيه بيرفع الثقه بالنفس
تم النشر الاثنين، ٣٠ يونيو ٢٠٢٥
كلامكم مشجع اكتر يا اخواني في الله واتمنى تتكلمو لي اكتر اكتر ونستفيد من خبرات بعض
تم النشر الاثنين، ٣٠ يونيو ٢٠٢٥
الثقة بالنفس والخوف ومثل هذه الأمور بتروح مع تكرار الشئ كذا مرة أنا مثلا إمام للناس بصلى بيهم يعنى . فى أول مرة دخلت اصلى كنت متوتر وخايف حتى رجلى قعدت تخبط فى بعضها 😂 بس فى المرة التانية كنت احسن بنسبة مش كبيرة ومرة فى مرة عنت بصلى اصلا فى اى حتة حرفيا بالناس فالموضوع محتاج صبر وتكرار أما الثقة بالنفس فدى تحتاج للشجاعة ولو انتى مش شجاعة حاولى تتغلبى على خوفك ويعنى مش نهايت العالم لو غلطتى قدام الناس وثقى فى ربنا احسن 😂
تم النشر الاثنين، ٣٠ يونيو ٢٠٢٥
اني اغير نظرتي لنفسي واقنع عقلي اني مؤهل وده عن طريق روتين صحي من رياضة وقراءة وكتابة لدقائق في اليوم
تم النشر السبت، ٢٨ يونيو ٢٠٢٥
اشربى كوبايه ميه أو خدى نفس بعمق هذا يساعد على انك تبقى قويه ومتخفيش من حد
تم النشر السبت، ٢٨ يونيو ٢٠٢٥
اتكلم عن الخجل عموما .. انا خجول معناه اني ماشي وبخبي حاجة عن الناس .. حاجة حاسس انها فضيحة .. بلبس قناع وراه شخص عار مينفعش حد يشوفه .. فبخاف أظهر قدام الناس عشان ممكن ازل وانفضح ويظهر العار اللي جوايا في اي لحظة / فنحتاج كلنا ان نراجع نفسنا اللي بنخبيها هل هي فعلا فضيحة ولا دا وهم ؟ وإن كان مش وهم فعلينا نحسن
تم النشر السبت، ٢٨ يونيو ٢٠٢٥
لعرض السؤال في فدني اضغط هنا