لفت نظري إن عندك فضول كبير للتعلم، ودي حاجة حلوة فعلًا.. بس حاسة إنك حاطة في دماغك إن في يوم هتوصلي لمرحلة تقولي فيها خلاص أنا عرفت كفاية،، مع إن المرحلة دي غالبًا مش بتيجي.. طب أسألك كام سؤال كدا..لو واحدة غيرك كانت عاملة نفس اللي انتي عملتيه..ختمة قرآن وكورسات وبتحاول تطور من نفسها كنتي هتشوفي إنها معملتش حاجة؟ ولا كنتي هتشوفي إنها فعلًا بتجتهد؟ ولو حد مدحك على حاجة عملتيها،،بتصدقيه وبتفرحي؟ ولا أول رد بيبقى لا لسه معملتش حاجة.. دي حاجه عاديه؟ بحس إن سقف توقعاتك من نفسك عالي أوي،، فمهما تعملي هتلاقي عينك رايحة للي لسه ناقص..يمكن عشان كده الإحساس بالجهل مبيخفش مش لأنك فعلًا جاهلة لكن لأن كل ما تتعلمي حاجة بتبصي على اللي متعلمتيهش.. حاولي تبطلي تعرفي من كل مجال شوية، واختاري حاجات فعلًا تهمك و ركزي فيها..لأن مفيش حد هيعرف كل حاجة لكن أي حد يقدر يبقى فاهم بجد في اللي اختاره... وبالمناسبة،،، متعديش على ختمة القرآن كأنها تفصيلة صغيرة دي حاجة تستحق تفرحي بيها. ولو بتحبي الكتب شوفي الجلاد تحت جلدي. افتكرته وأنا بقرأ كلامك.
بصراحة أعتقد إن الكلام اللي كنتي بتسمعيه وإنتي صغيرة ليه دور كبير. لأن الطفل لما يتعود يسمع إنه مهما عمل لسه مش كفاية طبيعي يكبر وهو بيعامل نفسه بنفس الطريقة.. ولو تقدري تشوفي أخصائي نفسي أنصحك بده فعلًا..أعتقد هيساعدك تتعاملي مع الموضوع لأنه مرهق وفي نقطة كمان،،انتي شايفة إيه الهدف اللي نفسك توصليله؟ أو اي معني الحياه بالنسبة لك و الاثر اللي عايزه تسيبيه لنفسك؟ يمكن لما يبقى عندك هدف واضح تركيزك يبقى على الحاجات اللي هتقربك منه بدل الإحساس إن لازم تعرفي كل حاجة.. وربنا يرزقك راحة البال ويطمن قلبك ويخليكي تشوفي نفسك بعين أرحم شوية لانك مجتهدة فعلًا.. بالتوفيق 🤍
تم النشر السبت، ٢٥ يوليو ٢٠٢٦
طيب جربتي تدوري على يوتيوب عن الموضوع ده؟ بحس هتلاقي ناس بتحكي نفس اللي بتمري بيه ويمكن تسمعي حاجة تفرق معاكي أو تخليكي تفهمي نفسك أكتر.. وبصراحة أنا عندي حاجة شبه كده ساعات بقلل من أي حاجة أعملها مع إن جزء من دماغي بيبقى عارف إني عملت كويس بس برضو ألاقي نفسي بقول كان ممكن أحسن..الفرق إن عندي الموضوع أخف شوية...و د اظن سمعت عنه تقريبا كانو بيقولو اسمه متلازمة الشاطر او مش فاكره اوي بصراحه ...فمكنتش متخيلة إنه ممكن يوصل للدرجة اللي وصفتيها.
تم النشر السبت، ٢٥ يوليو ٢٠٢٦
@𝙰𝚜𝚖𝚘𝚛𝚊 ࣪ حتى لأن دا طبعي أصحابي بدأو يقولولي أنتِ منافقة وكلام جارح شوية، عشان بقولهم أنا مش مذاكرة كويس ولأزم أراجع أي مادة بقول عليها أنا معملتش أعلى حاجة فيها ودا من وجهة نظري لكن هما شايفين دا نفاق، محدش يعرف الألم وإنك نفسك تقولي الحمدلله ذاكرت كفاية الحمدلله ميعرفوش أن في حد نفسه يقول كلمة كفاية أو أنا تمام
تم النشر السبت، ٢٥ يوليو ٢٠٢٦
طلعت الأولى صح ومش أول مرة بس كنت بجلد نفسي علي أي دقيقة ضيعتها وإني كان ممكن أذاكر أكتر وأتعلم أكتر، جلدت نفسي علي أي وقت ودقيقة ضاعت، وممكن أفكر في حاجة هي المفروض تخلص وانسى أن دا إنجاز.....!!
تم النشر السبت، ٢٥ يوليو ٢٠٢٦
عندي سؤال..لما قلتي انك لما طلعتي الاولي ع الدفعه اللهم بارك يعني كنتي بتجلدي نفسك صح؟.. طيب بتجلدي نفسك علي اي بقا؟ مستنيه تطلعي اي اكتر من الاولي مثلا
تم النشر السبت، ٢٥ يوليو ٢٠٢٦
ماشي جربي الكتاب و ان شاء الله يفيدك..بالتوفيق
تم النشر السبت، ٢٥ يوليو ٢٠٢٦
انا عندي هوس المثاليه بالمناسبه و بصراحه هوا فعلا مرهق اوي اوي
تم النشر السبت، ٢٥ يوليو ٢٠٢٦
@𝙰𝚜𝚖𝚘𝚛𝚊 ࣪ مش عارفـة دا هو مثالية ولا إيه بس انا تعبت حاسه الموضوع بقى مرهق
تم النشر السبت، ٢٥ يوليو ٢٠٢٦
@𝙰𝚜𝚖𝚘𝚛𝚊 ࣪ أنا شوفت الكتاب بس معايا كتاب أبي الذي أكره وباقي كتب د. عماد رشا كلهم معايا بس بلاحظ كل الكتب نفس المغزى، بس هشتري الكتاب طالما السؤال جاب الكتاب في دماغك سمعت ناس بتقول هو بيعالح المثالية والكاملية بس أنا معنديش مثالية أنا مش راضية عن نفسي مش عارفة بس هشتري الكتاب ممكن فعلًا أستفاد وشكرا كمان مرة على كلامك 🪷
تم النشر السبت، ٢٥ يوليو ٢٠٢٦
طيب أنتِ جلد الذات عندك عالي..بالنسبه للكتاب اللي قلتلك عليه قريتيه او حتي ناويه تجربي تقريه يعني؟؟
تم النشر الجمعة، ٢٤ يوليو ٢٠٢٦
بس بجد أنتِ ما شاء الله عليكِ اللهم بارك انجزتي حاجات حلوه اوي
تم النشر الجمعة، ٢٤ يوليو ٢٠٢٦
يمكن عندك هوس المثاليه صح؟؟
تم النشر الجمعة، ٢٤ يوليو ٢٠٢٦
@𝙰𝚜𝚖𝚘𝚛𝚊 ࣪ جزاكِ ربي خير الجزاء على كلامك وفهمك ودعمك. أنا مش بروح لكل مجال بالعكس، أنا بحدد الأول يعني مثلًا: ختمت القرآن أتعلمت للغة جديدة ألماني الحمدلله ومعايا الإنجليزية حلو وأتعلمت مهارات كتيرة غير القراءة بفضل الله حاليًا الكتاب 300 وبدرس القرآن حاليًا بالقراءة. أصلًا أكتر عيب أو ممكن ميزة مش عارفـة بجد إني بتعمق في الحاجة، يعني لو بدأت للغة أو حاجة مش بقدر أسيبها إلا وهي متقنة، ودا متعب علطول شايفة أن دا مش كفاية أما جانب المدح أنا مش بفرح خالص، أنا بطلع الأولى على دفعتي وبكون قاعدة بجلد نفسي، لو شوفتي أي خطة من خططي ممكن أنتِ نفسيًا تتعبي بس أنا بعمل خطة متعبة وبفضل الله بتخلص معايا بس بقول كان المفروض تكون مضغوطة أكتر...
تم النشر الجمعة، ٢٤ يوليو ٢٠٢٦
لعرض الإجابة في فدني اضغط هنا