اول شئ وديه تعتبر محاولة .. ادي لنفسك فرصة اسالي نفسك انتي ليه مش متقبلة الشخص ده؟ حاولي تعرفي الاسباب، هل المسأله قبول فقط .. نفسيا ؟ خدي وقتك ولكن مش كتير بس لازم تحددي موقفك في اسرع وقت. لان فكرة افتعال المشاكل ده ارهاق للشخص نفسه، صارحيه بانك مش مرتاحة وانه هو مفيش فيه اي عيب ولكن انتي مش حاسه ب ارتياح في العلاقة نفسها. وده مش بطر على النعمة، ولكن الزواج قبول .. ورفض. مش غصب بالعافية .. حتى لو كان شخص كويس. لان فيه عادي ناس كويسين جدا ومش بيكون فيهم اي عيب باين ولكن ممكن طرف يكون مش مرتاح، وممكن يكونوا الطرفين وينفصلوا بهدوء وباحترام. وربنا يوفقك ويلهمك الصواب
ف انتي خدي وقتك وفكري .. وشوفي هل هتقبلي الشخص كما هو او لا.
تم النشر الخميس، ٧ مارس ٢٠٢٤
بصي الفرصة اللي بتيجي واحنا مش جاهزين ليها .. هي مش بتبقى فرصة. تبطر ع النعمة او قبولها ده بيعتمد ع مدى قبول الانسان .. وبيختلف من شخص لاخر.
تم النشر الخميس، ٧ مارس ٢٠٢٤
عملت قبل كدا استخاره وجيت في مره قولتله معلش انا مش عاوفه اذا كنت مرتاحه ولا لاء بس سيبني لمدة ٣ ايام افكر واستخير ولما عملت استخاره حلمت اني بدور عليه عشان اقوله موافقه عليك مش عارفه دي نتيحيه الاستخاره ولا دا عشان بفكر ولا اي كنت وقت الحلم مرتاحه ولما صحيت كدا بعد الضهر افتكرت الحاجات الي مدايقني ف رجعت ادايقت
تم النشر الأربعاء، ٦ مارس ٢٠٢٤
انا لو عارفه احدد موقفي مكنتش سألت انا اول مره اتحط في مواقف زي دي ومش عارفه اذا كنت مرتاحه ولا دا عشان انا متوتره تايهه خايفه اخسره واكون بتبطر لانه انسان كويس ويعتمد عليه بس احيانا بحس بخنقه واحيانا اقول عادي بس مش فرحانه زي البنات
تم النشر الأربعاء، ٦ مارس ٢٠٢٤
ليه مش رفضه من الاول مع انه كان واضح مش عارفه ليه وافقت بجد حسيت اني كنت في غيبوبه وفقت بعد ما اتخطبت بأسبوع مع اني كنت رافضه نفس الحاجات من اول قعده معاه وتاني قعده قولت موافقه مش عارفه ليه وافقت مستغربه نفسي والمشكله اني كملت لبعد الخطوبه
تم النشر الأربعاء، ٦ مارس ٢٠٢٤
اه ممكن علشان اتعودتي عليه مش اكتر .. ولكن التعود حاجه، وانك تتقبلي الشخص بكل ما فيه حاجه تانية، ف ياريت فعلا تحددي موقفك بسرعة في الموضوع ده .. حتى لو كنتي اتعودتي عليه. لان بعد كده هترجع نفس النقاط ديه تضايقك ف شخصيته.
تم النشر الأربعاء، ٦ مارس ٢٠٢٤
اما عن كونه شخص من ايام زمان .. وعقلاني وهادي ده شئ ممكن يتقبله شخص، وممكن لا .. وكونه مليان برضه فيه شخص يتقبل ده وشخص تاني لا. ف اه ممكن تنسحبي من الموضوع طالما انتي مش متقبلة الموضوع. بس هل ليه اخدتي الموقف ده دلوقت؟ علشان الحاجات دي طبيعتها بتبقى ف الاول .. يعني بتحسم في المقابلة الاولى .. او الثانية!
تم النشر الأربعاء، ٦ مارس ٢٠٢٤
وبعدين لما قعد حوالي نص يوم ميرنش عليا عايزه اتكلم معاه مش عارفه اعمل اي ممكن عشان اتعودت ع وجوده مش عارفه
تم النشر الأربعاء، ٦ مارس ٢٠٢٤
طيب منا حسيت الاتنين انا كنت مرتاحه حسيت اني رجعت اتنفس
تم النشر الأربعاء، ٦ مارس ٢٠٢٤
الاسباب اللي ذكرتيها، فيه سبب منهم مش مقنع بصراحه وهو الكلية القمة، يعني احنا بنحاول نحارب الموضوع ده .. لان المنظومة اصلا غلط، فنقوم نشجع الموضوع ده اكتر، ما بين كليات القمة وكليات الشعب! هو ايه ذنبه ف الكلية ؟ التنسيق هو اللي اختار، وف نفس الوقت اي كلية مهمه .. اي كلية محدش يقدر يستغني عنها .. يعني المدرس في الخارج بيقبض اعلى مرتب، وله اهميه كبيرة بره عن اي شئ، لانه معلم اجيال، هو اللي بيعلم ويطلع المهندس والدكتور .. ف فكري ف الموضوع لان السبب بصراحه غير مقنع بالمرة.
تم النشر الأربعاء، ٦ مارس ٢٠٢٤
تاني شئ فكرة انك تعملي توقعات في اي علاقة ديه ظالمة جدا، لانك عامله توقعات ممكن متكنش حقيقية اصلا، ف ياريت تبعدي عن التوقعات وتركزي على الارض ..
تم النشر الأربعاء، ٦ مارس ٢٠٢٤
الممنوع مرغوب .. ف ده اللي انتي حسيتي بيه، يمكن بابا لما شافك كده حب يعمل الموضوع ده، علشان يشوفك هتبقى مرتاحة وخلاص الامر هينتهي او هتبقى مضايقة وعايزاه.
تم النشر الأربعاء، ٦ مارس ٢٠٢٤
لما بابا قال انهارده هنفركش حثيت اني مرتاحه بس لما عدي وقت شويه حسيت اني عايزه اتكلم معاه مش عارفه دا معناه اي
تم النشر الأربعاء، ٦ مارس ٢٠٢٤
من وقت ما اتخطبت له وانا تايهه اوووي وكل الي حواليا ملاحظين اني تايهه
تم النشر الأربعاء، ٦ مارس ٢٠٢٤
اما لما يجي بقا يهزر ويتكلم بطريقه معينه بالاسلوب بتاع الناس القديمه دي بدايق وحاجات تانيه انا عارفاه مفيش داعي لذكرها مش عارفه يعني اي ارتياح ومش عارفه اذا كنت مرتاحه معاه ولا لاء
تم النشر الأربعاء، ٦ مارس ٢٠٢٤
وممكن عشان انا كنت حاطه توقعات معينه في شريك حياتي ف مش عارفه اتخلى عن التوقعات دي ولا ارفضه واستني الأفضل ولا اعمل اي
تم النشر الأربعاء، ٦ مارس ٢٠٢٤
يعني من طريقه كلامه هو عشان محترم بيتكلم زي بتوع السبعينات وكمان مليان شويه وكنت عايزاه في كليه من كليات القمه او ممكن مش مالي عيني مش عارفه اوقات بضحك وهزر معاه واكون عادي ودا لما يجي يتكلم معايا بجد زي انه بيتكلم في حاجات مهمه زي لما كون واقفه في مشكله ويقعد يحلها معاي وكمان لما يجي ينصحني او يتكلم في حاجه هو فاهم فيها
تم النشر الأربعاء، ٦ مارس ٢٠٢٤
هو في شويه حاجات بس حساه مش سبب
تم النشر الأربعاء، ٦ مارس ٢٠٢٤
لعرض الإجابة في فدني اضغط هنا