السلام عليكم، هو الأفضل طبعا متدخليش حتى لو الموضوع مضايقك وانت قلتِ الحمد لله مش بتعملي كده. طبيعي يكون شعورك ناحية أخوك مأثر على نظرتك للأمور والحكم على تصرفها ممكن ميكونش حيادي من ناحيتك، وغالبا كمان هيعتمد على عوامل تانية زي طريقتها لما بتقول الكلام ده وهل ده أسلوبها في العادي ولا مرات ولا أسلوبها عامة في المعاملة. فيه أزواج بيكون هزارهم بين بعض كده وعادي بالنسبة لهم وممكن يبان للي خارج العلاقة إنه ميصحش وفيه ناس كلامها في الهزار أو مضايقة الطرف التاني أو إنها (ترخم) عليه بيكون مش مقبول بالنسبة للغير وفيه ناس حتى لو بتهزر كلامها (دبش) زي ما بيقولوا. فالموضوع من ناحية متوقف على أخوكِ ورد فعله وطبيعة علاقتهم... ممكن هو متفهم طبيعتها، ممكن متعرفيش مثلا بعد ما تمشوا بيعاتبها أو يخاصمها أو أيًا كان وهي بتحاول تغير لكن بتقع بعد كده... محدش عارف. بالنسبة لك، اركني اللي حصل على جنب وشوفي هي أخلاقيا ودينيا وباقي تعاملاتها عاملة إيه وحددي إذا هتفضل علاقتك بها سطحية وفي حدود مكانتها كزوجة أخ أو إذا كانت كويسة وأنتِ بس كنتِ حساسة بسبب حبك لأخوك.
تمام
تم النشر الأحد، ٧ ديسمبر ٢٠٢٥
أنا مش عارفة قلت إيه ضايقك، لو رجعتِ قرأتِ كويس هتلاقيني قايلة (اركني اللي حصل على جنب) مش أنتِ اللي تركني على جنب.. فيه فرق كبير... ردي كان عام عشان أنا مش مكانك ولا حضرت الموقف، ضربت لك احتمالات مش أكتر يمكن لما تفكري فيها تخفف من حدة الموقف عليكِ وتقلل زعلك. لا غلطت فيكِ ولا استخفيت ولا حتى قلت لك متزعليش... فيه فرق إني أقول لك (متدخليش حتى لو الموضوع مضايقك) وإني أقول لك (ملكيش حق تزعلي) وأنا مقلتش كده خالص. وفيه غيري قال لك متدخليش فمش عارفة ليه اتعصبتِ مني أنا. أعتقد إنك محتاجة ترجعي تقرأي ردي بهدوء ومن غير عصبية أو عامة اعتبري إني مجاوبتش، اللي يريحك. وأرجو زي ما قلتِ لي أراجع أسلوبي أنت كمان محتاجة تراجعي أسلوب ردك عشان ممكن تجرحي بتسرعك ناس كانت حابة تنصح أو ناس أكبر منك عمرًا بكتير. تحياتي.
تم النشر الثلاثاء، ١٨ نوفمبر ٢٠٢٥
مفيش حاجة اسمها هزار بين الازواج في هزار ينفع ادم الناس وهزار مينفعش
تم النشر الثلاثاء، ١٨ نوفمبر ٢٠٢٥
ثالثا واخيرا
تم النشر الثلاثاء، ١٨ نوفمبر ٢٠٢٥
والله انا بحكم وعارفة اخويا انه مبيقبلش حد يقل منه وعارفة انه اتضايق حتى لو مخدش رد فعل ومش مسموحلك تقولي ليا لفظ زي اركني على جنبك لانه برضو ميخصكيش لانه اخويا وثانيا انا عارفة حدودي وهارفة ان حقي ازعل لان في اهالي ممكن يمسكو فيها بسبب اللي عملته وسبق وقلت احنا ناس فحالنا ومش بتعمل مشاكل راجعي اسلوبك فالاجابات لانه مستفز وفي تقليل من احساس الغير
تم النشر الثلاثاء، ١٨ نوفمبر ٢٠٢٥
لعرض الإجابة في فدني اضغط هنا