لو كنتي معزومة عند اخوكي ولقيتيه مثلا هزر هزار يمكن بالنسبالها بايخ بس عادي وانتي ووالدتك قاعدين ولقيتي رد فعلها انها شاطت اخوكي برجلها في رجله هل حقك تزعلي وتاخدي موقف منها؟؟!
ولو كل مرة حد يمدحه انه كان حلو وهو صغير تقوم قايلة كان وحش وتقلل منه قدام أهله
انا بقول لأمي تصرفها ضايقني أوي وفيه تقليل كدا وتحقير قالت لي ملناش دعوة بس أكيد انا مش عايزة اعمل مشاكل بس هفضل فاكرة التصرف بتاعها
وأي مزايا هقدمها لها هرجع فيها لان اسلوبها مش احسن حاجة معاه وهي أكيد لو اخويا مد ايده عليها اكيد هتزعل
السلام عليكم، هو الأفضل طبعا متدخليش حتى لو الموضوع مضايقك وانت قلتِ الحمد لله مش بتعملي كده. طبيعي يكون شعورك ناحية أخوك مأثر على نظرتك للأمور والحكم على تصرفها ممكن ميكونش حيادي من ناحيتك، وغالبا كمان هيعتمد على عوامل تانية زي طريقتها لما بتقول الكلام ده وهل ده أسلوبها في العادي ولا مرات ولا أسلوبها عامة في المعاملة. فيه أزواج بيكون هزارهم بين بعض كده وعادي بالنسبة لهم وممكن يبان للي خارج العلاقة إنه ميصحش وفيه ناس كلامها في الهزار أو مضايقة الطرف التاني أو إنها (ترخم) عليه بيكون مش مقبول بالنسبة للغير وفيه ناس حتى لو بتهزر كلامها (دبش) زي ما بيقولوا. فالموضوع من ناحية متوقف على أخوكِ ورد فعله وطبيعة علاقتهم... ممكن هو متفهم طبيعتها، ممكن متعرفيش مثلا بعد ما تمشوا بيعاتبها أو يخاصمها أو أيًا كان وهي بتحاول تغير لكن بتقع بعد كده... محدش عارف. بالنسبة لك، اركني اللي حصل على جنب وشوفي هي أخلاقيا ودينيا وباقي تعاملاتها عاملة إيه وحددي إذا هتفضل علاقتك بها سطحية وفي حدود مكانتها كزوجة أخ أو إذا كانت كويسة وأنتِ بس كنتِ حساسة بسبب حبك لأخوك.
تم النشر الاثنين، ١٧ نوفمبر ٢٠٢٥
اكيد معاكي حق تزعلي بس دي حاجة بينهم ويمكن هما كان حصل بينهم حاجه في اليوم دا فهي كانت مدايقة منه اه تصرفها غلط قدامكوا بس في الاخر دي حاجة بينهم بلاش تدخلي بينهم بدل ما تخربي بيت اخوكي واتعاملي معاها عادي ولو انتي مدايقة اوي ممكن وانتي بتهزري معاها تقولي انه مكنش ينفع تتصرف كدا قدامكم وتاخدي الموضوع بضحك وهزار
تم النشر الأحد، ١٦ نوفمبر ٢٠٢٥
مفيش حاجة اسمها هزار بين الازواج في هزار ينفع ادم الناس وهزار مينفعش
تم النشر الثلاثاء، ١٨ نوفمبر ٢٠٢٥
بس حتى لو هزار او هي علطول كدا عيب فحقها الاستظراف والبواخة او ان حد طبعه كدا مش مبرر
تم النشر الثلاثاء، ١٨ نوفمبر ٢٠٢٥
معرفش بس بحسها بتتعمد تحرجه
تم النشر الثلاثاء، ١٨ نوفمبر ٢٠٢٥
سؤال في محله هي فعلا كدا علطول؟
تم النشر الاثنين، ١٧ نوفمبر ٢٠٢٥
السؤال بقا ده العادي بتاعها والموقف ده بس
تم النشر الاثنين، ١٧ نوفمبر ٢٠٢٥
عارفة ان في ناس ممكن كانو يمسكو في حد لو عمل كدا في ابنهم لكن اكيد عشان احنا ناس في حالنا مش بنتكلم
تم النشر الاثنين، ١٧ نوفمبر ٢٠٢٥
منا مبدخلش بس زي ماقلت في حجات كنت هعملهلها لقيتها متستاهلهاش لان اخويا مش قليل وميستهلش حاجة زي كدا
تم النشر الاثنين، ١٧ نوفمبر ٢٠٢٥
هيا مين
تم النشر الاثنين، ١٧ نوفمبر ٢٠٢٥
لعرض السؤال في فدني اضغط هنا