السلام عليكم ورحمه الله وبركاته
أنا بيجي ليا رعشه في أوقات مختلفة وأحيانا مع اصطحاب وجع حرقان في الأذن بسب سائل الاذن
2- بحب اعيش قصه في مخي رومانسيه عشان أنام بس أحيانا بخاف ينزل سائل شهوه مذي بس التفكير في الموضوع بيعملي وسواس يعني افرض نزل وهكذا
3- دائما بفكر بطريقة سلبيه وبخاف أخسر صداقة حد بحبه ودايما بفكر أنه تتغير عليا بس شوية مواقف زي ينشر استوري ومش يرد عليا أو يشوف استوري بتاعي مش يعمل حاجه وهكذا
4- امي من النوع الشاكاء دائما وبتسوء الظن أو الاصح لما تكره شخص بتراقبه في كل حركه وتعدل عليه وهكذا وبتعمل كدا عشان خداعها أو ظلمها أو غيران منها وتعقد تحكي وانا بخاف اسوء الظن معها علي الناس بس بخاف من الذنب بس احيانا مش دايما معها حق وكل لما اقولها مش لينا دعوة تتضايق عليا وبس جبولي حل يريحني ويريحه
عليكم السلام ورحمة الله وبركاته ١. الرعشة في كل الجسم؟ وحع الأذن استشيري طبيب أذن . . ٢. تحبي تعيشي قصة رومانسية دي حاجة عادية وكتير بيعمل كدا كوسيلة تهدئة بس المهم التفكير يبقى بحدود ونرتبط بالواقع شوية . . بتخافي نزول سوائل ليه؟ هل القصة اللي بترسميها في تخيل لعلاقة زوجية؟ المذي شيء لاإرادي ومش أي خيال بسيط بيعمله ولو حصل فهو مش ذنب . . الخوف مش من نزول ولكن الخوف من احتمال انه يحصل . . لأن معناه انك آثمة؟ وبتفترضي اسئلة ومخاوف ودا بنسميه وساوس الحل فيها انك توقفي افتراضات وتقولي لنفسك لما يحصل حاجة حقيقية هتصرف، دلوقتي مافيش حاجة حصلت! ٣. الخوف من الفقد ممكن تعلق وممكن خوف من الهجر وممكن احساس بالوحدة وممكن حاجات تاني دي نحددها حسب شخصيتك ومعرفتنا بك مش من مجرد وصف موقف . . وحطي لنفسك قاعدة : العلاقات المحترمة مابتقعش من مجرد استوري أو وقت رد . . ٤. مشكلة ولدتك مشكلة تخصها ومش لازم تلبسي نفس النضارة بتاعتها بس مهم نعرف أهلنا مش من حقنا نقومهم بأسلوب شديد هي والدتك مش بنتك عشلن تعنفيها وتثبتي انها غلط حتى لو غلطها واضح . . لو عندها حق اسمعي لها ولو معندهاش حق انصحي بشكل غير مباشر . . ذكرتي كذا مرة بشكل صريح وبين طيات الكلام الإحساس بالذنب والخوف من الذنب انتبهي انك متعمليش جلد لذاتك . . حاولت أوضح لك اللي وصفتيه واساعدك يكون عندك شوية وعي ولكن دا مش حل الحل انك تتواصلي مع أخصائية نفسية تسمع منك وتقيم وضعك عشان تقدر تقدم لك حل فعلي ومناسب لك.
تم النشر الاثنين، ١٧ نوفمبر ٢٠٢٥
لعرض السؤال في فدني اضغط هنا