السلام عليكم، أولا، ربنا يصلح أحوالك ويوفقك. للأسف كثير من الأهل بيعتقدوا إن استخدام أسلوب المقارنة بالغير واللوم بعنف على أي تقصير هو أسلوب تشجيع للأبناء رغم إنه بيأتي بنتيجة عكسية في كثير من الأحيان بالإضالة إنه في رأيي بيزرع الكراهية والحقد تجاه أشخاص تانية. سواء هم تربوا على الطريقة دي في حياتهم أو ده اعتقادهم للتربية الصح، صعب تغيير الأهل وتفكيرهم خاصة إذا حاولت الكلام وإقناعهم ولقيتِ مفيش فائدة. فالحل هو تجنب الصدام قدر الإمكان وإذا حصل موقف زي اللي ذكرتِه حاولي تجنب الرد كلمة بكلمة لأن للأسف الرد بالرد بيخلي الموقف يتصاعد والأصوات تعلى وهي تتعصب عليكِ أكتر. ركزي على دراستك وخلي معظم وقتك في تعلم مهارات وحاجات تفيدك والأوقات اللي هتقضيها مع أهلك زي ما قلتي تجنبي الصدام وخلي ردودك هادية ومتحاوليش تدافعي عن نفسك، خلي إنجازاتك هي اللي تتكلم عنك. ادعي ربنا دايما واستعيني به وإن شاء الله هيوفقك للخير. بالتوفيق.
لعرض الإجابة في فدني اضغط هنا