إجابة علي السؤال: كيف أتجاوز مشاعر الذنب والندم بعد التورط في هذه العلاقة واستعيد طمأنينتي؟

يا بنت الناس فوقي واعرفي إن اللي بيبتزك وبيعاملك بالقطارة ويخليكي ترخصي نفسك ده مش بيحبك ولا عمره هيحبك ده حد بياخد منك غرضه ومضيع وقت ورامي عليكي ذنب ويستغل تعلقك واحتياجك للأمان عشان يكسر نفسك ويعيش دور الضحية، اقطعي أي تواصل معاه وبلوك من كل حتة وما تخافيش من أي تهديد أو ابتزاز عشان هو أجبن من إنه يعمل حاجة والتوبة بابها مفتوح ربنا غفور رحيم وساتر وما ترجعيلوش تاني مهما حاول يزن أو يمثل إنه بيحبك وركزي في حماية نفسك وتصليح حياتك من غير ما تضيعي عمرك ونفسيتك في علاقة سامة ومؤذية زي دي. واول حاجة هتعمليها دلوقتي انك تعمليله بلوك من كل حتة وما تديش لنفسك ثانية واحدة تفكري ولا تسمعي منه كلمة واحدة ولا حجة عشان هو هيحاول يضغط عليكي ويا بنت الحلال لو فكر يهددك بأي حاجة ما تخافيش خالص ولا تظهريله نقطة ضعف واعرفي ان مباحث الإنترنت في مصر بتاخد الحاجات دي بسرية تامة بتليفون واحد على ١٠٨ وتجيبه الأرض في ثواني وهو أجبن من إنه يعمل حاجة وبعد كده امسحي كل الشات والصور اللي عندك وما تسيبيلوش اثر على تليفونك واقعدي مع نفسك استغفري ربنا وتوبي توبة نصوحة وخليكي واثقة ان ربنا ساتر ورحيم واشغلي وقتك ومخك بحاجة مفيدة بدل التفكير واعرفي ان اللي حصل ده درس يتعلم منه وعمرك ما ترخصي نفسك تاني عشان اللي يحبك يجي من الباب مش من الشباك وأرجعي اهتمي بالقران الكريم انزلي حلقات تتعرفي على صحبه صالحه متسيبيش نفسك لاي أفكار ... الماضي ماضي لما ربنا يكرمك وتنخطبي خطيبك مش من حقه يعرف حاجه عنك تمام ..وجد والله ربنا يحفظك ويسعدك

إجابة من Esmat Ali

تم النشر الأربعاء، ٢ سبتمبر ٢٠٢٦

9 تعليق

@mai mahfouz مش عايز اغيره غير لما اغيره في الحقيقة..حطيت صوره قبل كدا بس خفت ومسحتها بس هشوف هعمل حاجه اكيد 😅