محتاجه حل ومواسيه نا عارفه اني غلطانه نا مسلمه ومختمره وخاتمه القران عامة
انا عندي 17 سنه ونص يعتبر السنه اللي فاتت كنت عامله سناب جديد وما كنتش فاهمه فيه قوي فكان فكنت بعمل بعمل ادد لناس كثيره اعرفها وما اعرفهاش وكده
فالمهم في واحد دخل لي وما اعرفش وكده واكتشفنا ان احنا الاتنين من نفس البلد وكده كنا بنتكلم كأصحاب وما اعرفش ايه، هو أكبر مني بسنه ونص وانا كنت بدأت أعجب بصراحه بس مبينتش فالمهم مش عارفه ايه اللي حصل مش فاكره عامه التفاصيل بس انا بعتت له صور بشعري وهو شاف فيديوهات جسمي باين طبعا مفهومه وكده
طلب مني ان انا اجي له البيت قال لي هنتقابل ونشوف بعض وعايزه اقول لك على حاجه وما اعرفش وما تخافيش وما اعرفش ايه انا هحضنك بس وما اعرفش إيه وانا مش عارفه انا وافقت ليه ان انا اروح واوافق ان هو حتى يلمسني ما اعرفش انا وافقت ليه وانا عارفه ان انا غلط وعارفه كل حاجه فالمهم وانا بحضنه بقول لنفسي هو ايه اللي انا بعمله ده هو ايه هو انا ازاي كده هو انا ازاي بقيت كده وكنت متضايقه قوي من نفسي
فبعد كده بقيت اروح له البيت اروح له كذا مره والوضع اتطور والموضوع مستمر بقى وطبعا كل مره كنت ببقى مش عارفه انا بوافق أروح ليه بس هو كان بيكون واحشني يعني بكون عايزه اروح ليه هو عشان اتكلم معاه هو او اقعد معاه هو واشوفه مش عشان حاجه ثانيه
وطبعا هو كان كل الحاجات اللي حصلت قبل كده طبعا كانت بضغط منه كان يقعد يزن عليا ابعت له فيديوز وصور ودد يقعد يزن علي اروح له يزن عليا يزن ما اعرفش ايه طب عشان خاطري طب ما اعرفش ايه طب لو بتحبيني طب وهكذا وانا عارفه ان انا غلط ومستمره ليه انا ما اعرفش
المشكله ان هو بيكلمني لمزاجه كلمني يوم ويسيبني ايام وبيعلقني كثير كثير هو بيكلمني كده اللي هو بيحسسني ان انا بشحت منه الكلام وقبل كده كذا مره سيبنا بعض يعني مثلا بعد الموضوع لما روحتله اول مره خالص بشهرين راح قال لي ماما عرفت وما اعرفش ايه ولازم نسيب بعض وما اعرفش وكده وفعلا سابني وبعدها باسبوع راح رجع لي تاني
انا فاكره كل التفاصيل انا بس التفاصيل يعني لو حكيتها هيبقى الوقت طويل قوي هحكي كثير قوي يعني فالمهم سيبنا بعض كذا مره وكان كل مره هو اللي بيرجع لي فيها وفي مره فاتحته في الموضوع الكلام ده في شهر اربعه السنه دي ان انا متضايقه من ان انا كل شويه بروح ليه الحاجات اللي بتحصل بينا يعني وكده راح هو قال لي ما انا كمان متضايق وما اعرفش ايه
و حسسني ان انا مش مهمه خالص بالنسبه ليه وقعد يقول لي وانا كمان وما اعرفش ايه وكده مع ان انا وقتها لما شفت كلامه قعدت اقول هو ازاي هو انا ازاي قبلت ان انا ارجع اتكلم معاه تاني بعد ان هو كان مستغني عني كده وان هو انا ولا في باله انا كذا مره قعدت اقول له خليك جنبي قول لي كلام يطمني قول لي مش هسيبك قول لي ما اعرفش بس انا ما شفتش ده منه خالص ولا حتى في تصرفاته
بس هو بيقول لي بحبك ما اعرفش ايه انا عارفه اني مش كل حد يقول لي بحبك يبقى بيحبني بس انا بس انا بجد والله انا مخنوقه انا متضايقه انا تعبت من كتر ما انا كاتمه ومن كتر من الموضوع ده ما حدش ينفع يعرفه فانا تعبت ما بقاش في غير نفسي بس اللي اتكلم معاها تعبت والله من الاوفر ثينكنج وزهقت تفكير بس تفكير تفكير وانا تعبت من كتر التفكير
وما عنديش حد احكي له لان الموضوع ما ينفعش يتحكي لحد ولما بروح اتكلم معاه هو بيحس ان كده بقى مش بيحسسني بأي حاجه هو يقعد يقول لي ضميرك اللي يشتغل عليا ده وما اعرفش ايه والمشكله ان انا دلوقتي عايزه اسيبه بس مش عارفه مش عارفه بجد وانا متعلقه بيه قوي وبحبه قوي والله بحاول اعمل له كل حاجه هو عايزها بس هو عمره ما افكر فيا انا انا بجد تعبانه ومش عارفه اعمل ايه
السلام عليكم، طيب حبيبتي، ده شخص واضح جدا إنه بيستغلك بحقارة ومش عاوز منك غير حاجة واحدة وأنتِ فعلا متفرقيش معه لا مشاعر ولا قلب ولا أنتِ كشخصك تفرقي معه ولا فارق معه أي إحساس بالذنب أو تأنيب الضمير، ومش بعيد يكون فيه بنات غيرك بيستغلهم بنفس الطريقة، سواء وأنتِ موجودة أو في الفترة اللي بيبعد فيها عنك. ومامته مش عرفت ولا حاجة، دي كلها حجج فارغة. وقت ما بيزهق بيبعد أو يتحجج ووقت ما بيحب يرجع عشان يستغلك بيرجع وهو عارف ومتأكد إنك ضعيفة قُدامه وهترجعي. *** اعتبري نفسك في حرب شرسة مع شيطان. مع شيطانين كمان على فكرة مش شيطان واحد... شيطان جن بيوسوس لك ويخليكِ تضعفي قُدام مشاعرك وتنسي كل حاجة وتروحي تقابليه، وشيطان إنس عرف يستغل مشاعرك واحتياجك العاطفي ويعلقك به عشان ياخد اللي عاوزه. *** لو عاوزة تخسري كل حاجة وأولهم نفسك وسمعتك فكملي معه. عاوزة مصلحتك اعملي المستحيل عشان تقطعي العلاقة دي وتبعدي عنه. ** أهم حاجة طبعا تتوبي لربنا عن اللي فات وتستعيني به يقويك على شيطانك وعلى ضعفك ويبعد أذى الشخص ده عنك ويكفيكِ شره، كرري كتير (حسبي الله ونعم الوكيل) *** انهي العلاقة دي تماما وخليكِ حاسمة في رفضك إنك ترجعي له مهما رجع أو حاول يستميلك بكلامه ومبرراته وفكري نفسك دايما بحقارته وبكل الأسباب اللي لازم تبعدي عشانها، خلي ربنا دايما قُدام عينيك وقت ما شيطانك يوسوس لك ترجعي وفكري في أهلك لو عرفوا وفي سمعتك. تخيلي أسوأ سيناريو ممكن يحصل لو الموضوع ده اتعرف وفكري في النتائج وخوفي نفسك وقت تحسي ضعفها. *** ويا ريت تحاولي تاخدي صورك وفيديوهاتك منه أو تخليه يحذفها ولو حاول في أي وقت يهددك تواصلي مع مباحث الإنترنت وهم يساعدوكِ. *** وأرجع وأؤكد عليكِ التوبة والاستعانة بالله و(حسبي الله ونعم الوكيل) باستمرار، وإن شاء الله ربنا يثبتك على التوبة والهداية ويبعد عنك شره وشر غيره.💚
تم النشر الثلاثاء، ١ سبتمبر ٢٠٢٦
أنا فاهمة إنك تعبانة جدًا ومخنوقة، وإنك بتحسي بالذنب والتعلق في نفس الوقت، وده شعور صعب جدًا على قلب بنت في سنك. أول حاجة أقولها لك: أنتِ مش لوحدك في الندم ده، وإنك عارفة إنك غلطانة ده خطوة مهمة جدًا، لأن الاعتراف بالخطأ هو بداية التصحيح. اللي حصل كان فيه ضغط وتلاعب واضح من الشاب ده، هو كان بيستغل إعجابك ويزن عليكِ لحد ما توافقي، وده مش حب حقيقي، ده استغلال. أنتِ مش غلطانة في إنك أعجبتي بيه، لكن الغلط كان في الاستمرار رغم إنك كنتِ شايفة إن الوضع بيأذيكِ نفسيًا ودينيًا. من منظور إسلامي، التوبة باب مفتوح دايمًا، وأنتِ لسه صغيرة وليكِ فرصة كبيرة تبدئي صفحة جديدة. ابدئي بخطوات عملية: أولها إنك تقطعي التواصل تمامًا، حتى لو هو رجع يزن أو يقول كلام حلو، لأن الاستمرار هيزود تعلقك ويخليكِ أضعف. ركزي على نفسك دلوقتي، على دراستك أو هواياتك أو أي حاجة بتديكِ شعور بالقيمة، وادعي ربنا كتير يقويكِ ويبعد عنكِ الفتنة دي. أنتِ تستاهلي حد يحترمك ويقدرك، مش حد يعلقك ويخليكِ تحسي إنك بتشحتي الكلام. أنا شايفة إنك قوية أكتر مما تتخيلي، وإنك قادرة تخرجي من الدائرة دي لو قررتِ. خدي وقتك في التفكير بهدوء، واكتبي اللي بيحصل في مذكرة عشان تشوفي الصورة كاملة. لو حسيتِ إنك محتاجة تتكلمي أكتر، ابحثي عن أسئلة مشابهة على فدني عشان تشوفي تجارب بنات تانيين وتاخدي منظور أوسع. أنتِ مش لوحدك، وربنا معاكِ.
تم النشر الثلاثاء، ١ سبتمبر ٢٠٢٦
تمام شكرا حبيبتي
تم النشر الثلاثاء، ١ سبتمبر ٢٠٢٦
دا مش تعلق ، انتي مجرد ما هتبعدي فترة تجبري نفسك وتبعدي انتي هتنسيه ، لإن دا مش تعلق ، احنا عندنا نقص في العواطف ف احنا بنحب إن احنا نكون محل اهتمام ، عاوزين نعوض النقص دا بأي طريقة متوفرة قدامنا ، فدا مجرد تعلق مؤقت ، هيزول لما تبعدي وتفتحي عينك تعمَّقيها لقدام بإن في غيره احسن منه بكتير ، جربي كدا قارنيه بحد ذات خلق ودين وجمال ، هتنفري منه ، التعلق دا مؤقت متحطيهوش سبب يمنعك إنك تبعدي .
تم النشر الثلاثاء، ١ سبتمبر ٢٠٢٦
طيب يا قلبي بعيد عن إن العلاقة دي حرام من أساسها كدردشة لكن توصل للمس ! يا حبيبتي انتي غالية ، انتي تعرفي إن قبل الإسلام المرأة دي كانت عبدة تُحتقر ، يوصل بيهم لوأد البنات حتي ربنا قال في القرآن ﴿وَإِذَا الْمَوْءُودَةُ سُئِلَتْ * بِأَيِّ ذَنْبٍ قُتِلَتْ﴾ كانت المرأة مُجرَّد عار ، تُهان ، تحتقر ، حتي لما كانت تتزوج مكنش في حاجه اسمها هنسمع رأيها بل كان غصب ، وكانت تُضرب وتُعامل كصفقة ، لحد لما جه الإسلام وحرَّم وأد البنات بل وحتي جعل إن اللي يُحسِن تربية البنات ويُحسِن إليهن هيكونوا سبب لدخوله الجنة ، جه الإسلام وحرر المرأة من العبودية والتظلم ، وجعلها ملكة علي عرش الرجل ( قلبه ) ، جعل الجواز برأينا الأول ، جعلنا جواهر وغاليات وبقا لينا كلمة ورأي ، حتي زمان كان جواز المرأة بدون شيء ، دلوقتي عشان تتجوزي في الإسلام لازم الراجل يدفع مهر عشان ياخدك ، زمان كنا سلعة للبيع والشراء ، أما دلوقتي الوضع اتغير ، الإسلام غيَّر كل حاجة ، بقينا جواهر مش أي حد يلمسنا ولا يشوفنا ، فليه بعد ما ربنا جعلنا ملكات وغاليات نيجي احنا نقلل من نفسنا ، نلبس لبس مش هو الزي الشرعي ، نحلل الإرتباط بدون خطوبة ، وووووو وغيره لسا انا بحكيلك كل دا لي ؟ عشان عاوزة أخليكي تستشعري نعمة دينك وإن ربنا ميِّزنا وفضَّلنا وخلانا معزَّزين مكرَّمين غاليات ، عشان تحمدي ربنا علي نعمة الإسلام وتستشعري ندم من قلبك ، ربنا معملش حاجه غير وكانت خير لينا فليه نتَّبع خطوات الشيطان !
تم النشر الثلاثاء، ١ سبتمبر ٢٠٢٦
فاهمه وعارفه كل ده وعمتا نا لبسي شرعي اصلا فاهمه بس نا من كتر حبي ليه وتعلقي بيه بقيت بوافق ع كل حاجه بيقولها فهماني طيب ونا عارفه اني غلطانه مقولتش اني م غلطانه
تم النشر الثلاثاء، ١ سبتمبر ٢٠٢٦
اه مسلمه
تم النشر الثلاثاء، ١ سبتمبر ٢٠٢٦
مسلمة ؟
تم النشر الثلاثاء، ١ سبتمبر ٢٠٢٦
فدوني
تم النشر الثلاثاء، ١ سبتمبر ٢٠٢٦
لعرض السؤال في فدني اضغط هنا