بص يا قلب اخوك من جوا في جملة جميلة جداً أنا سمعتها بتقولك ان الجامعة دي هي المراية المصغرة للمجتمع الكبير يعني انت في حياتك لازم طبيعي هتقابل اشكال شبه كده كتير وارد جداً يبقى مديرك في الشغل كده او زميل ليك في الشغل بردوا كده بس انت بتكمل عشان مستقبلك و مصلحتك فعشان كده خصوصاً في الزمن ده يا تعافر بأيدك وسنانك عشان تنجح وتوصل للي انت عاوزه او تستسلم و ترمي حلمك ورا ظهرك خالص بسبب شوية حاجات تكتشف انك كنت ممكن تعديها هي دي سنة الحياة طبيعي جداً تبقى مجبر تتعامل مع النوعيات دي. بص بقى من الاخر هقولهالك نصيحة من اخ لأخوه حاول على قد ما تقدر متخليش حاجة تعكنن عليك او تقلبلك مودك انت بتقول هو سرسجي وصايع ورباية شوارع حلو اغلب النوعيات دي عشان تكون عارف بيبقوا جبنا جداً بس هما بيحبوا يظهروا في الدور ده عشان يدارو خوفهم أصلا انت متخيل فحاول زي ما بتقول ساعده لو طلب منك حاجة على قدر المستطاع و لو بيدايقك انت شخصياً اشتكيه إنشاءالله لو هتوصل تعملوا محضر عدم تعرض عادي جداً بتحصل و خليك دايما في وسط صحاب مش شرط كتير بس على الاقل صحاب كويسين تثق فيهم يبقوا في ظهرك وقت العوذة صدقني موضوع تبقى لوحدك او ملكش صحاب او مش عايز اتصاحب ده حاجة قرف و مش حلوة على نفسية الشخص إطلاقاً. و في الاخر يعني حتى لو في كذا حد بيخاف منه عشان خلقته دي حاول تخليك مختلف ايه يعني ما هو باني ادم زيه زيك مش عزرائيل جهنم بيحضر معاكوا هو ،امشي دايما بمقولة لن يصيبنا إلا ما كتبه الله لنا و لا نخاف سوا الله و لا تبين اي ملامح خوف او حاجة اتعامل عادي و براحة و تجنبه على قد ما تقدر و حقك متتنازلش عنه بس المهم يتاخد صح مش شرط تبقى بنفسى طريقته اخدان الحق حرفة زي ما بيقولوا، يارب اكون قدرت افيدك بحاجة ولا مؤاخذة على الخطاب ده كله بس انت عارف المواضيع اللي زي دي الكلام فيها طبيعي هيبقى كتير يعني لو اتكلمنا كمان بالتفصيل الدقيق هكتبلك تلاتة مقالات شبه كده على الاقل وانت وشطارتك في تحمل القراية بقى 😎😎😎
لعرض الإجابة في فدني اضغط هنا