ازيكو ي جماعه ..
انا شاب عندي ١٨ سنه
أولى جامعه
مشكلتي في الجامعه ذات نفسها ..
انا بطبعي طول عمري في حالي و مبحبش اضايق حد و اللي بيطلب مني حاجه بديله عنيا الاتنين ، معايا واحد في الكليه أعوذ بالله فيه كل الصفات اللي تخلي الواحد ينفر منه ، سرسجي ، كلامه دبش ، معندوش حاجه اسمها الملافظ سعد ، دايما يتكلم بطريقه مش حلوه معانا و حتى مع الدكاتره ، اول ما هتشوفو عينك مش هتبقى مرتاحه ، و مش عايز
تقرب منه ،متكبر ..
زي ما تقول كده ، عنده عقده نقص بيطلعها على اللي حواليه ..
المهم انا دايما ببقى في حالي و بعيد عنه ، و بتجنب اساسا التعامل معاه ، بس هو بردو مش سايبني في حالي ، دايما يطلب مني زي قلم ورقه ، يسألني على المحاضرات فين .. انا معنديش مشكله هساعده و انا مبسوط عادي ، لكن مشكلتي في طريقته و تعامله معايا ، أو معانا ..
دايما بيعاملنا اننا اقل منه و بيتعمد يخوفنا منه
مشكلتي بقا اني كل ما البني ادم ده يكلمني او يتعامل معايا انا يومي بيقفل ، و يمكن كمان بجد اقعد فتره كبيره كأيام مخنوق ، لاني بطبعي عندي حساسيه زايده و أرق بليل بقى و كلام من ده
و للاسف بضطر اساعده رغم معاملته ، لاني مش قادر اواجهه .. بسبب اللي مريت به و انا صغير في التعامل مع الفئه دي من الناس ( البلطجيه و السرسجيه ) ... دايما مكنتش اعرف اخد حقي منهم
فكبرت على كده و ببقى مقلق و انا قريب منهم و ضربات قلبي سريعه و كده
اعمل ايه يا جماعه ارجوكم اللي يعرف يفيدني، انا كل يوم بحس اني جُبن العالم كل متجمع فيا ، لا هعرف اكون بيت و لا هعرف اخد حقي و لا حق ناسي و اهلي لو اتعرضوا لحاجه لقدر الله
انا كل ما ابقى نازل الكليه مزاجي حلو البني ادم ده يقفلني ، مش قادر و مش عارف اتجنب المعامله معاه
جبان ؟, مين قالك كده ، الافلام ، المسلسلات (الرمضانيه) ، خيالك ، مين هو الشجاع ، و يعني ايه ، و يعني ايه جبان ، مبدأيا علشان اجاوبك فأحنا محتاجين نعيد تعريف بعض المسميات الغلط ، الشجاع مش اللي بيرمي نفسه في النار ، الشجاع اللي بيقدر يطلع من الموقف الصعب او المشكلة بأقل الخسائر ، الجبان اللي بيهرب من المواقف ، ما بيتعاملش أصلا ، يعني لو انت ما بتروحش الجامعة إطلاقا علشان الشخص ده ولا حتى الامتحانات فوقتها بس هتبقى صفة الجبن عندك عاليه شوية و برده ما ينفعش تصف نفسك و قتها انك جبان ، طيب يعني ايه بقى الخروج من الموقف بأقل الخسائر الممكنة و ازاي ده بيتعمل ، أولا انت بتتعامل مع اي موقف او مشكلة بناء على تجاربك فيها ، لو حياتك و انت صغير كلها خناقات فأنت هتحل كل مشاكلك بالخناق زي الشخص ده ، أما لو انت مش من محبين العنف فهتلاقي نفسك تلقائي بتتجنب الصراعات مش ضعف منك و انما هذا هو انت ، دي طبيعتك ، حب نفسك زي ما هي ، و فكرة ان مافيش عندك القدرة اللي تحمي بيها اهلك ، فمتحسبش دي زي دي ، اوعى ، يعني انا تقريبا شخصيتي و طبيعتي قريبة منك بشكل كبير ، لكن عندي مبدأ ، طالما هضطر استخدم العنف ، طالما الشخص ده هيوصلني ان استخدم عنف معاه ، يبقى لازم يكون في زوون إزهاقه و اراقته ، يعني دفاع عن النفس او العرض ، في الحالتين دول هركن كل الهدوء و الدبلوماسيه و السياسية و الرزانة و هدفي مش هيبقى الضرب او الخناق لأ خااالص انا ما بحطش نفسي في الزوون دي ، وقتها هيبقى انهاء وجوده تماما ، لكن طالما الشخص ده ما دخلش الزوون دي ، يبقى الحكمة تظل الصفة السائدة ، ثانياً ، اتعلم تقول لأ ، مش عايز تتعامل معاه ، تجنبه ، طلب منك حاجه اعتذر منه بأدب ، مش خوف منه ، وانما علشان ده انت ، تخطى حدوده يبقى تشتكي علشان انت في جامعة مش في حارة ، و في قانون و في قوانين للسلوك فمش سايبه هي ، و دايما حط في حساباتك ايه اكتر حاجه ممكن تحصل ، و خلي خطتك انك تخرج منها بأحسن طريقة ، و صدقني لو خيالك حلو و خصب و فعلاً اتوقع اسوأ سيناريو و حطيت خطتك له ، اسوأ سيناريو ده عمره ما بيحصل ، و هتبقى انت الكسبان ، و بالتوفيق 😊
تم النشر الأربعاء، ١ أبريل ٢٠٢٦
أهلاً بيك في فدني! أنا ذكية، وفهمت تماماً اللي بتمر بيه.. دي مشكلة شائعة في الجامعة، أنت مش جبان خالص، أنت بس حساس وبتحافظ على هدوئك، وده قوة مش ضعف. اللي مريت بيه زمان خلى الجسم يتفاعل كده (ضربات قلب سريعة)، بس نقدر نغيره خطوة خطوة. خلينا نعمل خطة عملية عشان تقفل الصفحة دي: 1. حدود واضحة بلباقة (بدون مواجهة كبيرة) : لما يطلب قلم أو ورقة: قول "مش معايا دلوقتي" أو "أنا محتاجها أنا كمان". قولها بهدوء وابتسامة صغيرة، وامشي فوراً. مش لازم تساعده كل مرة، ده مش واجبك. لو سأل عن المحاضرة: "روح شوف الدكتور" أو "مش فاكر بالضبط". كررها كل مرة، هيمل ويروح لغيره. 2. تجنب الاقتراب : غير مكانك في الصف، اجلس مع ناس تانيين إيجابيين. لو بيجي يقعد جنبك، قوم وروح مكان تاني بهدوء (زي "هروح أجيب مية"). في الكلية، خليك مشغول بنفسك: ركز في المحاضرة، اكتب، أو اقرأ هاتفك. متردش على كلامه الدبش، تجاهله زي الهوا. 3. بناء ثقتك الداخلية (عشان القلق يقل) : كل صباح قبل الجامعة، قول لنفسك 3 مرات: "أنا أقوى من كده، ومش هيأثر فيا". تخيل نفسك بتقوله "لا" وأنت هادئ. مارس في الحياة اليومية: في السوق أو مع بياع، قول "لا" لحاجة صغيرة. هتتعود تدريجياً، والضربات هتهدى. لو حسيت بالخنقة، خد دقيقة لوحدك في الحمام أو برة، وفكر في حاجة حلوة زي هدفك في الجامعة (هتخرج دكتور/مهندس إيه؟ ركز عليها). 4. من منظور إسلامي سريع : الله قال "وَاصْبِرْ وَمَا صَبْرُكَ إِلَّا بِاللَّهِ"، الصبر ده مش ضعف، ده قوة. ادعي ربنا يقويك ويبعد عنك الشر، وتذكر إن اللي زيه هيندم يوماً ما. أنت هتقدر، يا بطل! أول أسبوع هيبقى صعب شوية، بس بعد كده هيبقى عادي وهتحس بقوتك. لو عايز تطور الثقة أكتر، ابحث في فدني عن "التعامل مع الزملاء السلبيين"، هتلاقي إجابات كتير. ولو محتاج استشارة نفسية متخصصة، روح صفحة الخبراء هنا: https://www.fedni.net/experts. قولي إيه رأيك في الخطة دي؟ هتجربها؟ أنا معاك! 💪❤️
تم النشر الثلاثاء، ٣١ مارس ٢٠٢٦
مش كل الناس ينفع ننصحها يعنى (لسلامك النفسي) تجنبه احسن وبالاخص اما يكون الشخص دا عصبى متكبر مش كويس اخلاقيًا و لو حاولت تنصحه ان طريقة تعامله مع الناس مش كويسه حتى لو كلمته بهدوء الشخصيه دى صعب التعامل معاها علشان كدا ابعد عنه حتى لو طلب منك ورقه قلم تجاهله ومش ترد عليه وابعد عنه واقعد فى مكان مختلف عن مكانه دا كله علشان تحمى نفسك ولو عطيت (ثقه لنفسك) انك قد اى حد يقدر يقف قدامك هتكون قدها بس انت بتقول لنفسك العكس بسبب ماضى علشان كدا متردد و خايف دايما ولكن عزز ثقتك بنفسك و حط حدود بكل ثقه علشان (تحمى نفسك) علشان مفيش حد يجبرك على حاجه انت مش عايزها
تم النشر الثلاثاء، ٣١ مارس ٢٠٢٦
طيب ليه مش تقوى شخصيتك ؟ برضو مش بقولك خليك متهور ورد عليه وتجيب لنفسك مشاكل بس على الاقل مش تسمحله يهينك او يعاملك كأنك خدام عنده
تم النشر الأربعاء، ١ أبريل ٢٠٢٦
شوف هو شخص فقير من القيم والمبادئ وأنت ربنا أداك شئ من المبادئ والحدود اللي مش هتتعداها ان شاءالله... فلو أخذت قرار الصدام معه مش هتقدر عليه للسبب ده .... هو معندوش حدود يعني يعمل أي حاجة يشوه سمعة يشتم يجيلك البيت وأي شئ ممكن تتخيله لدرجة والعياذ بالله القتل ..... ١-فتمسك بقيمك ومبادئك ٢-وركز على التعافي النفسي أول ما ترجع البيت لأنك لو كتمت في نفسك هتتدمر عالمدى البعيد ٣-وحاول الإبتعاد عنه قدر الإمكان واديله اللي هو عايزه لكن ببرود شديد عشان ميتعودش عليك
تم النشر الأربعاء، ١ أبريل ٢٠٢٦
حاول تقعد في مكان بعيد عنو ولو طلب منك قلم او ورقه او اي حاجه قللو مش معايا اسف وقوم واقعد في مكان بعيد عنو انا عارفه ان مجرد وجودو في نفس القاعه مسببلك ضغط نفسي فحاول تقعد بعيد عنو ولو الكليه عندك فيها تسجيل مواد وكده متسجلش مادتك معاه ولو في صحاب مشتركين بينكم عرفهم انك مش بترتاح للشخص ده وابعد عنهم لما يتجمعو ..وبس ربنا ىقويك يا رب 💗
تم النشر الأربعاء، ١ أبريل ٢٠٢٦
لعرض السؤال في فدني اضغط هنا