السلام عليكم، أنتِ لسه 18 سنة يعني ممكن نقول الارتباط أو المشاعر دي حصلت في فترة مراهقة، وغالب البنات والشباب بيمروا بالمرحلة العاطفية دي ونادرا ما المشاعر بتكمل لبعدها وتتحول لحب طول العمر. هي فترة متقلبة والمشاعر لسه خضراء وبتتغير وتتنسي وتدخل مشاعر جديدة تحل محلها، فلا تجلدي نفسك زيادة على اللي فات، وكمان لا تقرري قرارات مستقبلية زي الزواج والارتباط تحت تأثير مشاعر مؤقتة أو حتى إحساس بالذنب تجاه شخص. بالنسبة لي أنا شايفة 18 سن صغير للتفكير في الارتباط (وأقصد هنا ارتباط رسمي، وطبعا مش محتاجة أقول بلاش خالص غير الرسمي)، رأيي الأفضل إنك تركزي الأول على نفسك ودراستك لو بتدرسي حاليا وطوري أكتر من شخصيتك وتفكيرك بحيث في الوقت المناسب تعرفي تختاري الشخص الصح وتبقي فاهمة يعني إيه زواج ومسؤولية لأن الموضوع أكبر بكتير من الحب والمشاعر المتغيرة. لو حصل بعد كده إن ابن خالتك أو أي شاب مناسب وقتها تقدم لخطبتك فصلي استخارة وافتحي مجال للمقابلة وتحديد إذا يصلح يكون شريك حياة أو لأ. وربنا يوفقك ويختار لك الأصلح.
حاضر، واياكى ي حبيبي 🤍
تم النشر الثلاثاء، ١٦ يونيو ٢٠٢٦
لعرض الإجابة في فدني اضغط هنا