ده ضغط نفسي بسبب السنة اللي انتي فيها والحل إننا اولا نستعين بالله ونهون على نفسنا وندرك أن لا شيء بيدنا بل بيد الله وكل ما علينا السعي .. وربنا سبحانه وتعالى يقدر لنا الخير ثانيا نتوقف عن التسويف والتفكير الغير مجدي ونبدأ نقيم الوضع إيه اللي عليكي وإيه اللي انجزتيه وايه اللي ناقصك ثالثا نحط خطة مقسمة لقسمين قسم للي لسه مش بدأتي فيه وقسم للمراجعة على القديم رابعا لازم خطتك تشمل وقت ترفيه بين كل فترة مذاكرة والتانية .. لانه من غير كده النفس بتمل وتتفلت خامسا لازم عدد ساعات نوم كافية من ٨ ل ٩ ساعات علشان الجسم يرتاح ويقدر يعمل اللي عليه ويفضل يكون النوم في الليل علشان الجسم بيفرز هرمونات ومواد في الليل اثناء النوم مفيدة للنمو والصحة عامة سادسا لابد من الاكل الصحي المتوازن وشرب مياه كافية ده بيحسن التركيز والدراسة اخيرا طلب المساعدة مش غلط ولا عيب بس الاهم نتأكد إننا عاملين كل اللي علينا قبلها ..
لعرض الإجابة في فدني اضغط هنا