السلام عليكم، أولا ربنا يوفقك في دراستك وإن شاء الله تدخلي مجال تحبيه وتتفوقي فيه. بالنسبة لمشكلتك فمن حقك طبعا تختاري مجال دراستك وتصممي عليه وخاصة إنك مش حابة الدراسات الطبية، وكرهك للدراسة فيها هيؤثر طبعا على مستواك بعد كده وإنجازك في الكلية. هندسة صعبة أكيد لكن الطب كمان مش سهل. حتى بعد التخرج ممكن يكون أصعب في الشغل ونبطشيات وسهر وضغط ومشاكل مع المرضى وأهاليهم، فمش ده مقياس عامة لاختيار ده عن ده لان المجالين صعبين. ****** رفضك لاختيار أهلك وتصميمك على اختيارك ملوش علاقة بعقوق الوالدين، لكن ممكن يكون فيه عقوق إذا في طريقة نقاشك معهم تعصب وانفعال عليهم. فأنصحك، لو هتحاولي تتناقشي معهم تحافظي على هدوئك التام، أولا عشان ميحصلش عقوق بصوتك العالي عليهم وثانيا عشان الزعيق هيزود المشكلة وهيخليهم يعاندوا أكتر معك ويرفضوا رأيك ويتهموكِ بالعقوق زي ما حصل مع مامتك. الزعيق والانفعال هيخسروكِ كتير فاعملي جهدك مهما حصل منهم انفعال تحافظي أنتِ على هدوء أعصابك ونبرة صوتك، ويا ريت تختاري وقت هادي يكونوا مرتاحين فيه وأنتِ مركزة ونايمة كويس وتكوني محضرة قبلها اللي هتتكلمي فيه، يا ريت تقعدي مع نفسك قبلها بيوم وتكتبي في ورقة كل نقاط اعتراضهم وردودك المنطقية عليها وازاي تقنعيهم بوجهة نظرك وردك على كل نقطة وذاكري الكلام كويس عشان تعرفي تناقشيهم به بهدوء ووضوح. ومهم طبعا قبل كل ده تصلي استخارة وتتوكلي على الله وتسلمي له الاختيار هو يختار لك الأفضل لك بإذن الله. وبالتوفيق.
اه ان شاء الله هصلي استخارة بس المشكلة ان كل ما اقولهم عيب يقولوا قصاده ميزة يعني مثلا طب سنينه طويلة ومش هستحمل يقولوا لا عادي ممكن يتجوزوا ف كلية ويعيشوا حياتهم عادي طب في دم وألم وانا مش هستحمل يقولوا لا ممكن تختاري تخصص مفهوش الحجات دي وهتتعودي عادي كلها حجات عادية طب انا اصلا مش حابة المجال لا مفيش حاجة اسمها احب ومش احب كنا علمناكي لي وصرفناه عليكي ومفيش فايدة خالص وكمان انا بتكلم براحة الهدوء ماما اللي بتنفعل عليا
تم النشر الخميس، ٢٣ أبريل ٢٠٢٦
لعرض الإجابة في فدني اضغط هنا