مش عارفه ابدا منين بس نا بقيت معنديش شغف لحاجه بقيت باخد صدمه ان كان من قريب أو حبيب أو صديق بمنتهى البرود هو عاوز تمشي امشي مجتش احسن من مشيوا يمكن قله ثقتي في ناس بقت مرعبه بسب صدمتي في صحابي الي خذلوني اه تخذلت من صاحبتي عشره عمري عيشتني اسوء ايام انا واهلي فضلت تهددني بصوري كل ده عشان هي بتحب واحد جه تقدملي شافتني خونتها سوءت سمعتي بمعنا كلمه بعد م تحلت مشكله اديتها فرصه سامحتها رجعت لاسوء معايا خسرتني شخص عزيز عليا لم حكتلو ع ماضيا الي ميخصش حد اصلا اهلي شافوا مني قله ثقه بقيت بمسك فون كلم شباب ابعد عنهم بقيت باذي نفسي نفسيا. هربت مره من بيت روحت لصحبتي ك خوف من اهلي مش عارفه ليه عملت كده مشكله روحت لي اذتني يوم م هربت من بيت عندي فوبيا من اي شخص يحبني تخطبت لقرييي تعاملت بتقدير معاه وبثقه هو مقدرنيش في عفش يمكن وسبني بعد سنه من فرحت اهلي بيا أن بجيب جهازي مبقتش اعرف اعيط اهلي اه رجعوا احسن من لاول معايا بس نا نفسي اعيط مش عارفه ببقي صعبان عليا نفسي أن مش قادره اعيط
عارفة، الدنيا دي فيها اللي يخون واللي يذل واللي ما يقدرش الناس اللي بتحبه. بس ما تسمحيش للأشخاص دول يأثروا على ثقتك في نفسك ولا في اهلك. اهلك دول اللي وقفوا جنبك وسندوكي في أصعب اللحظات. أنا فاهمة إن موضوع الثقة ده صعب، بس خلي بالك إن مش كل الناس بتخون ومش كل الناس بتذل. إنت بإذن الله هتلاقي صحاب بجد بيحبوك ويقدروك. بس لازم تدي لنفسك فرصة تبني ثقتك من تاني وتسامحي نفسك على الأخطاء اللي عملتيها. وبالنسبة للبكاء، ده شيء طبيعي ومهم جدا للنفس. لازم تعرفي إن مافيش حاجة في الدنيا تستاهل تضيعي عمرك وراها. لازم تبطلى تأذى نفسك نفسياً كدة و تبدأى تحبى نفسك أكتر من كدة. إنتِ واخدة صدمة كبيرة من صاحباتك و خسرتى شخص غالي عليكى بس مهما كانت الصدمة كبيرة فإنتِ الأكبر والأقوى. عيشي حياتك واتعلمي من أخطاء الناس حواليك علشان ماتتكررش نفسها معاكي. كل اللي راح مش كان جدير بيكي واللي جاي هيكون أحسن بإذن الله لما تتعلمي من اللي فات. أنا معاكي في أي حاجة وعندي كل الثقة في قدرتك على التغلب على اللي إنتي فيه.
تم النشر الاثنين، ١٠ يوليو ٢٠٢٣
طيب اول حاجه بالنسبة لصاحبتك في الحقيقه بعد اللي عملتوا معاكي مكانش ينفع تاخد فرصة تانية ... ده من وجهة نظري ولكذا سبب:- اولهم انها خاينة والخاين ملوش امان. ثانيا ان ديه مش تصرفات حد بيخاف ربنا، او حتى عنده اصول. في يمكن جدا ان ده حصل علشان تعرفيها ع حقيقتها وتشوفي اللي ممكن كان مستخبي عنك، متزعليش من اللي حصل .. لان اللي حصل كان لازم يحصل علشان تشوفي كل الناس ع حقيقتهم. واللي حصل المفروض يعلمك .. المفروض يصقلك معرفة اكتر في الحياة وفي الناس .. مش يبعدك عنهم .. فكري في النص الايجابي. تاني شئ انتي اتعاملتي مع خطيبك بثقة ع اي اساس؟ هو كويس طبعا انك تقدري وتعاملي الاشخاص اللي حواليكي بطريقة كويسة ومحترمة ... بس الثقة ديه احنا المفروض بنديها للناس واحدة واحدة ... يعني ايه؟ يعني الثقة بتبنى مش بنديها للشخص علطول؟ ولازم الشخص للي ياخد درجة من الثقة يكون فعلا يستحقها .. ويستحقها بعد حاجات كتير المفروض تحصل علشان ينولها. ف اظن انك محتاجة تعرفي اولا ازاي تدي كل شخص قدره الاول. ومتحاوليش انك تعملي توقعات للاشخاص .. لان التوقعات ديه ممكن تدمر اي حاجه .. هتفرضي توقع وانتي مش عارفه ايه اللي ممكن يحصل؟ طيب وليه ...! يبقى بلاش نعمل توقعات خالص ولا وحشة ولا حلوة .. ونبدأ نتعامل مع الواقع اللي معانا. اتمنى ليكي التوفيق
تم النشر السبت، ٢٢ يوليو ٢٠٢٣
لعرض السؤال في فدني اضغط هنا