السلام عليكم ورحمه الله
انا مش عارفه اقول اي بس انا خايفه اوي انا دلوقتي عندي مشاكل ومش مبسوطه ومش عارفه المفروض اعمل اي يعني عيلتي مش مستقره كل واحد فينا ف وادي و صحابي دايما مع بعض و سايبيني ودايما حاسه اني مش مهمه ومليش قيمه وكلمتهم كذا مره ف الموضوع دا ومحدش مهتم
و نفس الوقت مش عارفه ابعد عنهم لانهم بيأذوني نفسيا ف حاجات كتير و كلنا عايشين ف بيت واحد بس كل واخد ف موبايلو محدش عندو استعداد يسمع التاني او نسيب التلفونات دي ونقعد نتكلم مع بعض زي اي عيله ومحدش مهتم يسمع اصلا
وانا تعبت ودايما مش مبسوطه ومش عارفه المفروض اعمل اي علشان ابقي سويه نفسيا دا غير اني معنديش ثقه فنفسي ومش بعرف اتعامل مع نفسي ودايما حاسه اني ولا حاجه و دايما بخاف علي زعل الناس ومش بهتم بنفسي ودا مش مقصود بس انا مش عايزه ابقي كده
انا عايزه ابقي واثقه ف نفسي ولو في حد بيدايقني بجد اقولو مش عايزه اعرفك تاني في وشه وابقي قويه وشخصيتي تتحسن للافضل أبقى الناس الي محتاجالي مش انا الي محتجالهم حاجه كمان انا حجزت موعد مع اخصائي نفسي ف تطبيق كده حيبقي بعد يومين بس خايفه لاني عمري ما كلمت حد وقولتو على الي جوايا وانا بتكلم وحاسه اني مش حعرف اتكلم او اعبر ومحتاجه مساعده بجد
انا كل مره بكتب وأحفز نفسي وبعد يوم الحماس بيقل وبنسي كل الي بستعد علشان اعملو مش عارفه اصلا استعد اهمل اي يعني مش عارفه انا شخصيتي حساسه جدا بس حاسه مش فاهمه مشاعري ومش حاسه بيها
ازاي حضرتك اتمنى اقدر افيدك، بصي انا كنت زيك بالظبط وحاسه بكل كلمه بتقولها وفاهماكي كويس بس انتي عشان تحلي الموضوع دا لازم تفهمي نفسك من جوه الاول تقعدي مع نفسك وترتبي حياتك اسئلي نفسك انا عايز اي من الدنيا دي بجد وهل صحابي الي بيأذوني هيفيدوني ف حاجه و اي اقصى حاجه ممكن تحصل لو خدت قرار وبعدت عنهم هل هيموتوني مثلا ولا اي حاجه لو انتي ف دراسه ف عادي حاولي تحولي دروسك منهم وتبعدي منهم ف المدرسه هتبقى لوحدك ف الاول انا عن نفسي خدت سنتين بنزل دروس لوحدي وكان الموضوع بيدايقني جدا ف الاول بالذات لو شوفتهم صدفه وكنت لوحدي بس صدقيني طنشيهم ولا كانهم موجودين لازم تحطي اولويات حياتك وتشوفي اي الاهم ثم المهم ركزي ف دراستك وحاولي تتفوقي هتلاقي انك اتشغلتي بحاجه حاولي تقربي من ربنا اكتر والموضوع دا هيفيدك جدا وهتحسي انك مش محتاج لحد اصلا اتفرجي فيديوز يوتيوب كتير عن المواضيع دي والمواضيع الي بتحبيها في قناة ع اليوتوب اسمها اخضر فيها فيديوهات جميله هتفيدك جدا انا عن نفسي لما اخدت قرار اني ابعد من صحابي كنت داخله اولى ثانوي دلوقتي انا داخله ثانويه عامه ولحد دلوقتي ملقيتش الصحاب الي ابقا قريبه منهم ولكن لقيت نفسي وفهمتها وشخصيتي بقت احسن بكتيرر وثقتي بنفسي بقت احسن بكتير بردو، لو اققدر اتواصل معاكي خاص ونبقى صحاب هبقا مبسوطه جدا
تم النشر الأربعاء، ٢١ مايو ٢٠٢٥
السلام عليكم ورحمه الله وبركاته طبعا لما بيكون العلاقه ما بينك وما بين اهلك يعني. مش قويه او في مسافه كبيره ما بينكم وما فيش تواصل كافي تلاقي نفسك بتحاولي توطلي علاقتك بالناس اللي بتتعاملي معاهم خارجيا وبتبقي خايفه لا تخسري علاقتك بيهم للاسف بتبقي عندك استعداد كده يعني من غير ما تحسي تعملي أي حاجه وتعدي لهم اي حاجه المهم تفضلي محافظه على صلاتك بيهم لان للاسف. الصله الاساسيه بتاعه البيت مش موجوده عندك ودي اللي بتاثر على شكل التعاملات دي لو جينا نقول انه ازاي تتعاملي مع نفسك صح فانت محتاجه تقبلي نفسك بالظروف المحيطه بيكي تبداي انت اللي تكوني مبادره لو عاوزه فعلا تغيري حاجات في نفسك حاجات في البيت حواليك او في الناس اللي انت بتتعاملي معهم وطبيعه الناس اللي بتتعاملي معاهم التغيير هيبدا من عندك انت وابدئي وتحملي المسؤولي انك انت تكوني مبادره في حاجات مش لازم نستناها تحصل من اللي حوالينا او ان هم يكونوا هم اللي بيقدموا المساعده لوحدهم لا احنا محتاجين احنا اللي نبدا علشان نبدا نشوف تغييرات ترضينا عن نفسنا وكمان تخلينا راضيين عن الوضع اللي حوالينا عشان نبقى ببساطه كده عملنا كل اللي في ايدينا الباقي ده اللي هو اللي مش في ايدينا خلاص مش هنزعل لما ما يحصلش منه اي نتيجه. يا رب تكوني يعني الجلسه اللي انت اخذتيها مع المختص فرقت معاكي او فادت ودي خطوه كويسه لو فدتك كملي فيها لحد ما تقدري تفهمي نفسك اكثر ان شاء الله وتتعاملي مع نفسك بشكل اوضح.
تم النشر الأربعاء، ٢٨ مايو ٢٠٢٥
وعليكم السلام ورحمة الله، أختي الغالية، ذكية معك وقلبي معك جدًا، كلامك فيه صدق وشجاعة كبيرة إنك شاركتي مشاعرك بصراحة. أول حاجة حابه أقولها لكِ: أنتِ لستِ وحدك، ومشاعرك هذه طبيعية جدًا، وكلنا بنمر مراحل صعبة في حياتنا، واللي بتحسي بيه من خوف أو قلق أو إحساس بعدم الأهمية، ممكن يتغير ويتحسن بإذن الله. خليني نساعدك خطوة خطوة: مواجهة الخوف من الحديث مع الأخصائي النفسي: خوفك من الكلام طبيعي جدًا، لأن الموضوع غير سهل نحكي عن دواخلنا مع حد جديد، بس الأخصائي النفسي موجود عشان يسمعك بدون حكم ويساعدك تفهمي مشاعرك بشكل أعمق. ممكن تبدأي ببساطة بالكلام عن الحاجات اللي بتزعجك، حتى لو بكلمات قليلة، ومع الوقت هتلاقي نفسك أكتر ارتياح. التعامل مع مشاعر الإهمال في البيت: الوحدة وسط ناس وبتحسي إنهم مش بيهتموا بك حاجة مؤلمة، خصوصًا لما الكل مشغول بالتليفونات. ممكن تحاولي تقترحي عليهم نشاط بسيط زي جلسة عائلية قصيرة يوميًا، حتى لو 10 دقايق، وتعرفي تعبرى عن رغبتك في التقارب والتواصل بسبب حالة الوحدة اللي بتحسي بيها. أهمية اهتمامك بنفسك أولًا: لما تكون الثقة بالنفس ضعيفة، بتكوني معرضة لتأثر مشاعرك بسهولة من تصرفات الآخرين. حاولي تبدأي تعتني بنفسك بحاجات بسيطة: مثلاً، كتابة يوميات صغيرة، تحديد اهتمامات تفرحك حتى لو بسيطة، ووفقًا لإسلامنا الحبيب، تذكري إن كل نفس هي أمانة من الله وتستحق العناية والاحترام. التدرب على قول "لا": لما حد يضايقك، لو قدرتي تكتبي أو تتدربي على قول "لا أريد الاستمرار في العلاقة دي"، بدون خوف أو ذنب، هتبدأي تحمي نفسك نفسياً. الشخص القوي هو اللي يحط حدود صح ويحافظ على نفسه. اختلاف المشاعر والحساسية: حساسيتك مش ضعف بل هي ميزة بتخليكي حساسة لما حوليك وتقدري تفهمي مشاعر الناس، بس لازم تتدربي على فهم مشاعرك وتقبليها، وده شيء ممكن الأخصائي النفسي يساعدك فيه جدًا. تحفيز نفسك والمحافظة على الاستمرارية: لما تحسي إن الحماس بيقل، جربي تذكري نفسك ليه بدأت، خدي خطوة صغيرة، وكرريها، وخلي عندك أهداف بسيطة واضحة. ممكن تستخيري الله في دعمك وتهدئي قلبك بالدعاء. أنا فعلاً فخورة بيك إنك بتطلبي المساعدة، وهتلاقي الدعم اللي تستحقيه، وإن شاء الله تكتشفي الجوانب الجميلة في نفسك وتعرفي تعيشي حياتك بثقة وفرح. ولو حبيتي، في تطبيق فدني عندنا خبراء نفسيون جاهزين يساعدوك لأن الدعم قد يحتاج متابعة مستمرة، ويمكن تراجعي قسم الخبراء في فدني وتختاري اللي يناسبك. أنا معاكِ وبأي وقت تحتاجي تتكلمي أو تسألي، ذكية هنا دايمًا معاكِ. كيف حابة نبدأ؟ هل عندك شيء معين تحبي تتكلمي عنه أكتر الآن؟
تم النشر الأربعاء، ٢١ مايو ٢٠٢٥
تطبيق اى ده مجانى ولا بفلوس
تم النشر الاثنين، ٢٦ مايو ٢٠٢٥
لعرض السؤال في فدني اضغط هنا