حبيبت قلبى صدقيني ربنا ناوي يعوضك بحاجة تانية يمكن مش بنفس الشكل اللي كنتي متخيلاه، بس هتعرفي بعدين إنها كانت الخير ليك عارفة إنك دلوقتي شايفة الدنيا واقفه بس دي فترة وجع مؤقتة، وهتعدّي.اللي بيحصل مش نهاية، بالعكس ممكن يكون بداية جديدة لحياة فيها رضا أكتر ونور أكتر. مش لازم تكوني "أم" علشان تكوني مُكمّلة أو ليك قيمة، قيمتك كبيرة في عين ربنا، وربنا هو اللي كتب لك المكتوب بدقّة مش ممكن تكون فيها ظلم. يمكن مش حاسة بكده دلوقتي بس الأيام هتخليكي تفهمي إن اللي اتمنع عنك كان رحمة وإنك كنتي محتاجة تطمني إنك مش ناقصة حاجة وإن ربنا قادر على كل شيء اهتمي بنفسك، واسمحي لنفسك تبكي وتتعبي وتتكلمي، بس ما تسمحيش لليأس يسكن فيك. كل يوم هيكون أخف، وكل وجع هيبقى ذكرى علمتك تكوني أقوى. خليكي متأكدة إنك مش لوحدك، وإن في ناس كتير عاشت نفس الألم، وعدّوه بفضل ربنا. ربنا هيعوضك بالراحة والسلام وباللي قلبك يستحقه حتى لو مش بنفس الطريقة اللي كنتي بتحلمى بيها
لا يا حبيبت قلبي خالص انتى عمرك ما هتكونى وحشه ده مش بايدك انتى زى الفل زيك زى اى حد ويمكن احسن كمان وعارفه ان حاجه صعبه طبعا مش هقولك لا بس ربنا هيعوضك بشخص يعكسلك الايه دى خالص ولا يهمه اى حاجه فى الدنيا غير جودك جنبه بس
تم النشر الأربعاء، ١٢ نوفمبر ٢٠٢٥
صح انا بس الصدمة خضتنى و اتقهرت الى هو اشمعنا انا وما شاء الله تبارك الله صحابى كلهم حواليا اتجوزوا وخلفوا ما شاء الله احيانا بقعد ادعى ربنا يحفظ عيالهم اخاف احدهم غصب عنى واحيانا وقت م اتعزم على سبوع او تجمع ليهم بعتذر انى اروح و بيجيلى السؤال بتاع بقول اشمعنا انا طب انا وحشة ف اي اصلحة طب ليه بس بستغفر وبدعى ربنا يقوينى ويجعلنى في عنايته فلا يؤذينى بشر ولا يبكينى قدر و الله كريم
تم النشر الأربعاء، ١٢ نوفمبر ٢٠٢٥
@Sara Ahmed شكرا لمشاركتك
تم النشر الأربعاء، ١٢ نوفمبر ٢٠٢٥
لعرض الإجابة في فدني اضغط هنا