أنا حاسه بقلبك قد إيه موجوع… ومقدره الخضة اللي عديتي بيها. أوقات تشخيص واحد بيخلي الإنسان يحس إن الدنيا اتقفلت فجأة… وإن كل اللي كان بيحلم بيه اتسحب من تحت رجليه بس خليني أقولك حاجة يمكن تكون هي اللمسة اللي محتاجاها دلوقتي… حياتك ماوقفتش هي بس اتلخبطت شوية، وده طبيعي جدا الفقد اللي بيحصل جوا النفس مش بسيط وحقك تتلخبطي وتعيطي وتخافي… وحقك كمان تدوري على أمل اللي إنتي فيه مش تقليل منك ولا عقاب… ولا دليل إنك وحشة أو أقل من حد بالعكس… الناس الطيبة أوقات بيتحطوا في امتحانات صعبة لأن ربنا عارف أد إيه قلوبهم واسعة وقد إيه يقدروا يقوموا تاني. وقصور المبيض مش نهاية الطريق… الطب بيتطور وفي قصص حصل فيها شبه المعجزة رغم إن الأرقام كانت صفر. مفيش حاجة على ربنا بعيدة بالنسبه للشخص اللي متقدم… صدقيني اللي بيحب بصدق مش بيقف عند التفاصيل دي. مهم إنه يعرف بس مش عشان يسيبك… لأ عشان يبقى داخل معاكوا على نور وصدق وراحة. وفي رجالة كتير بيختاروا الست اللي ترتاحلهم و تحكلهم على أي حاجة تانية… فيه اللي يفضل قلب حقيقي على كل الدنيا. ما تحرميهوش ولا تحرمي نفسك بسبب خوف… ادي لنفسك فرصة واديله فرصة يفاجئك برد فعله. وإحساسك لما تشوفي ناس مش مقدرين نعمة الأطفال… ده طبيعي لأن دا جوع جواكي لكن مش حسد الإنسان مش بيضعف لما يتوجع… بالعكس ده دليل إنه قلبه حي. ولو محتاجة حد يطبطب على روحك… إسمحي لنفسك تعيشي الوجع بس ما تفضليش لوحدك فيه. إتكلمي… إفتحي قلبك… وافكري إن ربنا ساعات يبعت لينا ناس في اللحظة الصح عشان يشيلوا معانا جزء من الحمل أنتي مش قليلة… ومش منتهية… ومش مكسورة. إنتي بنت قوية عديتي صدمة كبيرة ولسه واقفة على رجلك. ربنا قادر يبدلك خير… وبطرق يمكن عمرك ما تتخيلها إمسكي في الأمل… حتى لو بايد واحدة
حبيبتي ربنا يسعدك ويفرح قلبك ♥
تم النشر الأربعاء، ١٢ نوفمبر ٢٠٢٥
كلامك لمس قلبى بشكل لا تتخيليه والله كانك بتكلمى دماغى وعارفة تهونى عليها ربنا يسعدك ويفرجها علينا جميعا جزاكى الله كل خير
تم النشر الأربعاء، ١٢ نوفمبر ٢٠٢٥
لعرض الإجابة في فدني اضغط هنا