سلام عليكم. أقترح على حضرتك إن انطباعك عن كونه بيدي مساحة للستات بزيادة، يتحول من مجرد انطباع مرسل إلى مواقف معينة محددة. يعني على سبيل المثال بدل ما تقوليله متخليش الستات تاخد عليك، قوليله مثلا متناديش لواحدة باسمها بدون ألقاب، متتكلمش مع واحدة خارج كلام الشغل، الكلام يكون للضرورة بس. لما يكون فيه مواقف محددة هي موضع الشكوى، هيكون سهل جدا تتناقشوا فيها وتقيسوا مدى التزامه بيها. ولو فيه خلاف بينكم حواليها بمعنى إنه شايف مثلا إن أحد المواقف دي شيء عادي لا يصح الشكوى منه، تقدري حضرتك تطلبي منه تحكيم الشرع مثلا في النقطة الخلافية وتقدروا بسهولة تعرفوا حكم الشرع في المزاح مثلا مع زميلات العمل. وتقدري كمان حضرتك تطلبي منه التنازل عن الموقف اللي هو شايفه عادي ده إرضاء ليكي طالما هو شيء غير ضروري. محور كلامي إن التواصل مع الازواج هيكون أسهل كتير لما يكون موضع الشكوى واضح ومحدد.
لعرض الإجابة في فدني اضغط هنا