شخص متجوز و عريس بقالة سنة و عايز يتجوز التانية
و الحمدلله مقتدر و عندي كذا مشروع
الاولي اتجوزتها و انا بحبها و بعشقها و اتحوزنا غصب غن الاهل و للعلم انا و هي ولاد عمه و علشان نتجوز اطلق فيها امها و انا قاطعت ابويا و ابوها مش عاجبه الجوازه علشان النسب
لاني شخص ابويا و امي من مفصلين من و انا صغير و اسره مفككه و انا بنيت نفسي بنفسي و شيلت مسؤلية من و انا صغير و دلوقتي سني 21 سنه اتجوزت و شبكت و جهزتي نفسي بنفسي من غير جنيه من حد
و الحمدلله ربنا بعد الجواز فتحها علي الواحد
كان قبل الجواز ممكن دخلي كله ميكملش 3000 في الشهر و لكن بعد الجواز الوضع كلو اختلف جدا و بقيت بعمل اضعاف الرقام دا بمراحل
و دلوقتي عايز اتجوز التانيه و دا لاني مش مطمن من الزوجه الاولي لما بيحصل بينا مشكلة بتفكرني انها عاشت معايا ايام مكنش المفروض تعيشها و انها استحملت الفقر و الهم
و انها شرياني و الدليل علي كدا انها مش بتروح لاهلها تغضب او تعرف حاجه عن مشاكلنا و دا علشان اهلها محبب علي قلبها انها تتطلق
موقف بسيط مره اخدت موقف من اهلي علشانها و لما كلمتها لقيتها بتقولي محدش غصبك علي حاجه ولا ضربك علي ايدك
روحت مغضبها عند اهلها لقيت ابوها جايبها و جاي و بيقولي تطلقو ؟
كان الرد من ب لا بس لقيته بيقول لا ما هو لو هيكون في بينكم مشاكل تطلقو احسن و نفضها سيره
و من ساعتها انا مبقتش طايق التعامل مع اهلها و هي بقت بتعاير او كل شويه تفكر الواحد بحاجات دي
و دا حسسني بعدم امان و طمأنينة من نحيتها مع انتا بنحب بعض جدا
و هي بامانه غير مقصره في اي حاجة و حتي مشاكلنا محدوده جدا و لكن بدأت تزيد اخر شهر
و انا نفس الموضوع ولا مقصر معاها في كلمه ولا غيره و الحمدلله كل واحد فينا عارف التاني بالنسبة ليه اي
ف المهم انا بسبب عدم اماني دا فكرت اتجوز تاني
و فاتحتها في الموضوع
لقيتها بتقول لا و رافضه الفكره و بقي في نكد في البيت اكتر من الاول
ف انا بفكر اتجوز من وراها
ف محتاج حد يدلني علي الصالح يمكن انا غلط في حاجه
و بقرر تاني انا مش مقصر معاها في حاجه و هي نفس الموضوع برضو و احنا الاتنين بنحب بعض الحمدلله
في العادة الزوجة هي اللي محتاجة تحس بالأمان من ناحية زوجها مش العكس، ومستغرب فكرة الزواج الثاني علشان “تأمن نفسك” .. مين هيمنعك تتزوج تاني لو حدث طلاق لا قدر الله؟ لو أنت فعلا بتحب زوجتك حافظ عليها وميهمكش أهلها في حاجة، و الطلاق دة حاجة بإيدك أنت مفيش حد هيغصبك عليه وأنت بإيدك بإذن الله تشيل فكرة الطلاق من زوجتك بالمعاملة الحلوة أحيانا الزواج الثاني بيعوض الزوج عن النقص في زوجته الأولى أو يزيد الأمور تعقيدا، وبالوضع اللي أنت وصفته دة أعتقد الزواج الثاني ممكن يأثر سلبا على زواجك الحالي
تم النشر السبت، ٨ أغسطس ٢٠٢٦
لعرض السؤال في فدني اضغط هنا