انا سؤالي كبير شوية وهحاول اختصر علي قد ما اقدر انا مشكلتي يدأت من اربع سنين كنت بنت عندها احلام وطموحات ومتافئلة كان عندي 18 سنة كنت عايشة مع والدي وولدتي و عندي أخين حياة هادية ومريحة ومبسوطين فاجأة وبكون اي مقدمات مامتي اتغيرت 180 درجة وعايزة تتفصل عن والدي برغم ان مكنش فيه مشاكل ابدا يعني مشاكل عادية زيها زي اي بيت مش مشاكل كبيرة ووالدي بيحترم والدتي جدا وعمره ما عمل حاجة كبيرة لدرجة انهم ينفصلوا بس هيا كانت مصرة بحجه انها زهقت وتراكمات لعد 20 سنة جواز الموضوع كان صعب علينا جدا وعلي والدي وكذا مره والدي حاول انه يتفاهم معاها بس هيا رفضت وشخصيتها اتغيرت خالص بعد ما كانت ام حكيمة في تصرفاتها وكل حاجة بقت واحكة تانية أكنها بنت مراهقة بقت تعنل تصرفات غريبة تحط ميكب تلبء لبس بتاع بنات صغيره تعنل حاجات غريبة ومبقتش تهتم بينا انا اتعب او حد من اخواتي الصغيرين متهتمش وتنزل شغلها حاولنا كتير نتكلم معاها براحة ونفهم المشكلة بس للأسف هيا كانت اتغيرت واحنا مش فاهمين ليه لدرحة انها رفعت قضية علي بابا عشان تنفصل منه منغير ما يعرف وفي اللخر انفصلوا وبابا سبلها البيت واحنا قاعدين معاها بس مبقتش تهتم بيما هيا نفسها قالتلنا انا مش عايوة ااحمل مسؤليات تاني خلاص انا زهقت المهم يعتبر مبقتش اشوف ماما بسبب انها تروح الشغل الصبح وترجع اخر النهار وتعقد علي موبيلها ولا بتعملما اكل ولا تسألنا عملته ايه حتي ولا اي حاجة عديت بكل ده وبقيت اهتم انا بإخواتي وبنفسي ودخلت الكلية وعديت اول تلت سنين بنفس الوضع وجيت في سنة تالتة شاب كويس جدا حب يتقدملي وهيا كانت مبسوطة ومرحبة بالموضوع وفعلا اتقدم هو و أهله واتخطبنا مكنتش مهتمية بيا خالص يوم خكوبتي لدرجة اني تعبت ودخلت المستشفي بسبب اهمالها فيا واهل خطيبي وصحابي واهلي كانوا واخدين بالهم انها مش مهامة بيا خالص و اليوم عدي جت بعد الخطوبة انا مش عايزة الولد ده طب ليه هو عمل ايه وحش معملش حاحة بس انا خساه مش مناسب ليكي طب ليه اهله ناس كويسة وهو كويس جدا معايا هو كدة وبقت تعامله معامله وحشة هو واهله لدرجة انهم حسوا ومبقتش تخليني اشوفه ولا اي حاجة وسودت حياتي اكتر بدون اسباب لدرحة انها بقت تقولي ياارب تموتي وتشتمني بألأفلظ كتيير وحشة اووي واهل خطيبي وخطيبي مستحملين عشان هو شايف ان انا كويسة وان انا مش زيها بس هما اكييد ليهم درجة في التحمل وانا تعبت ولا عايزة تنزل معايا تجهزني ولا عايزة تيجي تشوف شقتي ولا عيزاني اشوفه ولا بتكلم اهله برغم انهم بيكلمونا وبيسألوا علينا ديما ومعاملتها وحشة وانا تعبت انا استحملت كتيير ومذ قادرة استحمل اكتر من كدة عرضنا عليها كتيير اننا نوديها لدكتور نفسي ورفضت قوالت حتي لو انا عندي حاله نفسيا انا عجباني وللأسف اهلها كلهم متوفين يعني باباها ومامتها جدو وتيتا متوفين ومفييش حد ليه حكم عليها اصلا هيا يعتبر عايشة دماغها وبس ومحدش ليه حكم عليها وبقت مهملة فينا اكتر واكتر ومش سيباني اتبسط بحيااتي ووالدي للأسف مش عارف يقف قصادها خالص عشان انا والدي غلبان شوية ومش عارف بقف قصادها وهيا تعبتلي نفسيتي وخلتني مش عايزة اعيش وتعبت بسبب تصرفاتها ده كدة بالمختصر في تصرفات كتير انا لو حكيت عليها محدش هيصدق وتصرفات كتيير متتحكيش انا مش عارفة اتصرف ازاي واعمل ايه انا تعبت اووي
المعاملة الكويسة اللى قدامكم هى شىء يحترم من بابا وماما . ده مش معناه ان مفيش اسباب ليها ...هى ممكن بس تكون حاجات مينفعش تقولها ليكم . من التصرفات اللى ذكرتيها ...هى واضح انها عندها جوع عاطفى ك انثى ...وممكن بابا مكنش بيعرف يشبعه بالشكل الكافى وده نوع التراكمات اللى للاسف لما ميتحلش يوص لكده وهى ىشخصيا بتكون مش عاوزه تعمل حاجة خلاص . وضع صعب طبعا خصوصا انكم كبرتم .....هى غالبا غيرانه من خطيبك انه بيعاملك كويس وانه بيظهر منه تصرفات حنينه عليكى وهى ممكن مفتقدة ده بشكل كبير وعشان كده عاوزه تطفشة عشان ميفضلش قدامها الحاجة اللى ناقصاها كده . الوضع صعب وربنا يعينك عليه ...للاسف هتصبرى عليها اولا ولو هتقدرى هتحاولى تعامليها بحنية واحتواء اكتر لانها عاوزة حد يطبطب ويقوها انتى حلوة وجميلة وايه الحلاوة دى ويسمعها كلام حلو اكتر ما يكلمها فى المسؤولية او يلومها على افعالها الحاليه او حتى ينصحها. ده اللى انا شوفته من التفاصيل اللى حكيتيها ...لو فى اى تفاصي تانيه اكتبيها وافكر معاكى اكتر
تم النشر الأربعاء، ٩ أغسطس ٢٠٢٣
مش عارف اقولك ايه بس ربنا يصبرك و يصلح حالها حاولي تتجنبيها و هي غالبا عندها حاله نفسيه و الله اعلم ممكن تكون محتاجه تروح لشيخ عشان ولاد الحرام كتير
تم النشر الثلاثاء، ١ أغسطس ٢٠٢٣
طيب اول حاجه محدش بيتغير من يوم وليلة ... حاولي الاول تقربي منها، تساليها مثلا عن اخبارها، هل هي محتاجه حاجه، هل فيه حاجاه مضايقاها .. حاولي تاخديها مثلا وتخرجوا وتبدأي تحكيلها مثلا وحاولي تخليها تتكلم عن حياتها قبل كده ..قبل الزواج وهي صغيرة .. هتشوفي نظرتها ايه بقى هل مثلا ف رايها انها افنت حياتها ف الزواج ومبقتش شايفة نفسها مثلا .. ف حست ان عمرها ضاع ومعملتش اي حاجه لنفسها .. حاولي تصاحبيها اكتر وتقربي منها. لو فضلت عل حالها برضه ولو محاولاتك معاها فشلت هل فيه امكانية انك تروحي تقعدي مع والدك؟
تم النشر الثلاثاء، ١ أغسطس ٢٠٢٣
بصي انا مش عارفه هي كده عندها ايه بس الي اعرفه ان مفيش حد بيتغير اوي كده غير لو فيه حاجه المهم انا حاسه ان من الاحسن تتجنبيها تماماا ومتبينلهاش انك متاثرة ب الي هي بتعمله حتى لو عملت ايه معاكي او اخواتك او خطيبك وعامليها انها عادي وتمام وكان مفيش اي تغير فيها ومتناقشيهاش في سبب تغيرها قللي المناقشات بينكوا على قد ما تقدري ومتتخانقيش معاها خاالص ايا كان الي عملته وحاولي تفهمي خطيبك لو بتكلميه و مامت خطيبك الوضع وان مامتك مش احسن حاجة بقالها فترة وخليهم متوقعين ان ممكن اي حاجه تطلع منها عادي ولو انتي شايفاه كويس وابن حلال تمسكي بيه وقوليله يعجل بالجواز ولو تقدري تقعدي انتي واخواتك مع باباكي لحد الجواز يبقى احسن كتير، وخلي علاقتك انتي واخواتك بباباكي قوية جدا عشان على حسب ما ذكرتي ان اخواتك اصغر منك ف ممكن يتاذوا نفسيا ويجيلهم امراض بعد كده بسبب امهم وانها بقت عامله كده ف عشان كده بقولك لو ينفع تعيشوا مع باباكي عيشة سوية بما انك قولتي انه غلبان وطيب يبقى احسن ليكي وليه ولاخواتك... وممكن يكون ده اصلا ابتلاء ليكي انتي طبعا اكتر واحده لانك شايلة الحمل كله بس اذا احب الله عبدا ابتلاه ربنا يخفف عنك ويهديهالكوا ويقويكي للحمل ده متخافيش ربنا مبيديش حمل تقيل غير لما بيدي اكتاف تشيل💪❤️ هدعيلك كتير اطمني ربنا معاكي❤️
تم النشر الثلاثاء، ١ أغسطس ٢٠٢٣
ميرسي جدا ولله كلامك فعلا فادني جدا
تم النشر الثلاثاء، ١ أغسطس ٢٠٢٣
حبيبتي حاولي تتحملي قدر المستطاع وخليكي كويسة مع الشاب باين كويس ويعوضك وحاولوا تقربوا معاد الزواج وخلص ابدي من جديد وانسي انها موجودة .. صح في ناس حتقول بر الوالدين ومش عارفة ايه .. بس صدقي بر الوالدين بيتعلق انك تعاملهم معاملة حسنة مش انك تدمري حياتك ونفسيتك عشانهم .. سوو عيشي حياتك مع الشاب ربنا بعته ليكي كعوض والله يتمملك على خير يا قلبي.. وعشان اخوتك ربنا بيجزيكي كل خير ابقي اتطمني عليهم واهتمي بيهم كل فترة .. واتمناك كل التوفيق .. "بالمناسبة قصتي قريبة كتير لقصتك وبما انك متخرجة اظن انك اكبر مني .. و الله يعينا بقى على حياتنا ويكتبلنا العوض"
تم النشر الأربعاء، ٢ أغسطس ٢٠٢٣
للأسف ملهاش أي حد
تم النشر الثلاثاء، ١ أغسطس ٢٠٢٣
والدتك مقطوعة من شجرة؟ مالهاش أب أو أم أو إخوات أو حتى صديقة مقربة تثقين فيها؟
تم النشر الثلاثاء، ١ أغسطس ٢٠٢٣
لعرض السؤال في فدني اضغط هنا