طول عمري بشوف إني مش حلوة وإني تخينة بسبب أشخاص كانوا بيقولوا إني تخينة (لما كبرت وتخنت فعلًا اكتشفت إني ما كنتش تخينة ولا رفيعة، جسم بنت عادي)
لما كنت بسمع الكلام دا كنت بوصّل للي قدامي إنه عادي ومش فارق لي، ومش هاخد رد فعل واظبط أكلي عشان أعجبك، مش عند بس أنا متعودة طول عمري أبان قوية ومش هاممني رأي حد فيا
لكن من غير ما آخد بالي دا أثر فيا وأهملت جسمي وشكلي
أنا مش زي البنات اللي بتهتم بوزنها وشكلها وتحط ميكاب وتلبس كويس وتهتم بالتفاصيل، في الواقع مش بعرف أعمل دا، خصوصًا إن وانا صغيرة أهلي ما كانوش بيسمحوا بالحاجات دي حتى في البيت، ما حدش كان بيقول لي انت حلوة زي ما بسمع الأهالي بيحببوا أولادهم في نفسهم بالعكس كان بيتقال حاجات تانية على سبيل الهزار بس الظاهر إنها اترسخت في عقلي وصدقها
المصيبة إن أهلي دلوقتي مستغربين أنا ليه كدا مع إني نتيجة أفعالهم، بس برضو بقابلهم بنفس اللامبالاة ومن جوايا عايزة أتغير بس مش عارفة وخايفة من نظرتهم لو اتغيرت
أنا عارفة إن حتى لو هم السبب أنا اللي مسؤولة عن حل المشكلة، مش عارفة أبدأ منين، حاسة إن فايتني كتيييير، وما عنديش حد أسأله، مش بعرف أشتري لبس كويس، عمري ما جربت أحط ميكاب، مهما اتفرجت على فيديوهات عن كل الكلام دا مش عارفة أطبقه
بعتذر لأني طولت وكلامي مش مترتب
لا يست البنات الموضوع بسيط يعيوني 😊🫂 بصي أول حاجه لازم تعرفيها أن اللي بيتنمر دا عيب فيه وفأخلاقه مش فيكي خالص ، وغالبا الأهل مش بيركزوا فكلامهم لأن فاكرين كدا عادي ومش عارفين أن البنت ليها معامله مختلفه فاعطيلهم اعذار لأنهم بيحبوكي واللّه ، بس لازم تصارحي اللي قدامك وتقولي انا بدايق من كدا يعني تفرغي إحساسك بس بطريقه مهذبه وفوقت مناسب . تاني نقطه هي جسمك ..مبدئيا لو هتخسي فعلشان نفسك وبس يعني لو شايفه ان وزنك بيأثر على حركتك وصحتك فكدا هتخسي عشانك ولو لأ وعاجبك نفسك فمش مهم كلام أي حد اجمدي كدا ، وغالبا زيادة الوزن بتكون بسبب جينات أو هرموناتك عايزه تتضبط أو لخبطه في الأكل فأنتي هتروحي لدكتورة تغذية ودكتورة نساء وتشوفي اي المشكله وتعالجيها ببساطه زى م الطبيبه هتقولك . والشكل والاهتمام بنفسك ممكن تبدأي بخطوات بسيطة زي انك هتهتمي بنظافتك طبعا وتعملي كل اسبوع اسكرب لكل جسمك علشان الجلد الميت بيخلي البشره باهته اوي وبعد كدا هتروحي لصيدلي كويس أو دكتورة جلدية ودا الافضل علشان تقولك نوع بشرتك ايه تعطيكي اللي يناسبها تطلبي منها تقولك غسول للوجه ونوع مرطب كويس وبادي لوشن دا مرطب برضو بس للجسم ، وكمان هاتي مرطب شفاه وهاتي روج بس يكون جميل عليكي وديودرنت اللي هو مزيل علشان تبقى ريحتك جميله ديما وكمان نوع برفيوم أو بادي سبلاش ودا كل شويه تحطي منه في اليوم حتى لو رايحه تطبخي😅علشان تبقي رايقه كدا ، وشعرك تسرحيه اول م تصحي وقبل م تنامي واسمعي فديو عن العنايه بالشعر هتفهمي المهم بس تغسلي الفروه كويس ومتلفهوش وهو مبلول علشان بيعمل ريحه مش حلوه . وبالتدريج بق تجيبي مسكره وكدا . أما الهدوم ف الخروج طبعا عايزه ملابس شرعيه ومحترمه لاتصف ولا تشف ولا تكن زينه في نفسها وكل الاهتمام والبرفيوم دا قدام بابا والنساء والمحارم بس ها🤭 هتروحي أي مكان وتشوفي لبس مريح ولون هادي واللي هو تشوفي شكل اللبس كدا يكون راقي ومحترم وفي البيت شوفي بتلبسي بيجامه ولا عبايه أكتر وهاتي كام واحده كيوت ولون بتحبيه وبيكون حلو فيكي وحاولي ملابسك أغلبها يكون قطن علشان العرق والحفاظ على البشره وكدا . وكمان فكك من كلام الناس اتغيري وحسني من نفسك عشانك واي كلام تسمعيه تطنشي خالص وتقولي انا حابه نفسي كدا ولو قالو اتغيرتي ليه قولي ربنا هداني ومبسوطه خليكي بارده يعني وطبعا كل دا مش هيجي مره واحده بل بالتدريج وآخر حاجه بق ودا السر علاقتك بربنا بجد نفسيتك وحتى جمالك بيتأثروا بشكل كبير لأن اللي مع ربنا مش بيهمه الناس ف صلاتك فوقتها وورد القرآن والأذكار وقيام ليل ولو ركعتين ودا سر نور الوجه بجد والدعاااااء الدعاااء بكل حاجه نفسك فيها قولي يارب هب لي حسن الخَلق والخُلُق وأنِرلي وجهي بطاعتك وقلبي بحبك ويارب اجعل جسمي صحيح وشكلي جميل وشعري طويل وجميل حرفيا بكل حاجه وتدعي ربنا ييسرلك كل اللي قلتهولك فوق . وبجد لو عملتي كدا هتبقي بيرفكت وقمر😚🫂
تم النشر السبت، ١٣ يونيو ٢٠٢٦
أولاً، أريد أن أقول لكِ إن مشاعركِ طبيعية تمامًا، وإن اللي مريتِ بيه من تعليقات وإهمال في الصغر أثر فعلاً على نظرتكِ لنفسكِ. ده مش ضعف منكِ، ده نتيجة تراكمات طويلة، وإنكِ دلوقتي واعية بالمشكلة دي خطوة كبيرة جدًا نحو التغيير. حب النفس والشكل مش حاجة بتيجي فجأة أو بميكب ولبس بس، ده رحلة تبدأ من الداخل وبتبني عليها خطوات صغيرة عملية. ابدئي بخطوات بسيطة ومتدرجة عشان ما تحسيش بالإرهاق. مثلاً، ركزي على العناية الأساسية بالجسم زي الاستحمام اليومي بمنتجات تحبي ريحتها، أو ترطيب البشرة بانتظام، أو اختيار ملابس مريحة ونظيفة تناسب جسمكِ حتى لو في البيت. جربي تشتري قطعة واحدة كل فترة تناسب ذوقكِ، وخدي وقتكِ في تجربة الألوان والقصات اللي بتحسي فيها بالراحة. بالنسبة للميكب، ابدئي بأشياء خفيفة زي كريم أساس خفيف أو لون شفايف، ومارسيها لوحدكِ في البيت بدون ضغط. الفيديوهات مفيدة، لكن طبقي حاجة واحدة في كل مرة عشان تكتسبي الثقة تدريجيًا. من الناحية النفسية، حاولي تغيري الحوار الداخلي. كل يوم قولي لنفسكِ جملة إيجابية بسيطة زي "جسمي يستاهل العناية" أو "أنا أستحق أبدو بأفضل شكل لنفسي". تذكري إن الإسلام يشجع على النظافة والاهتمام بالمظهر كجزء من الشكر لله، وده مش رفاهية بل واجب تجاه نفسكِ. أما بخصوص أهلكِ، غيري لنفسكِ أولاً، ولو لاحظوا التغيير هيتقبلوا الأمر مع الوقت لأن التغيير الإيجابي بيجذب الاحترام. أنتِ مش مسؤولة عن ردود أفعالهم، أنتِ مسؤولة عن سعادتكِ. الأهم إنكِ مش فايتكِ كل حاجة، كل يوم فرصة جديدة تبدئي فيها. جربي تبحثي على فدني عن أسئلة مشابهة عشان تشوفي تجارب بنات تانيين. أنتِ قوية، وهتقدري تتغيري خطوة بخطوة. لو عايزة تتكلمي أكتر عن خطوة معينة، أنا هنا.
تم النشر الأربعاء، ١٠ يونيو ٢٠٢٦
مش فايتك أى حاجة صدقينى .. لكن مبدأيا سيبى كلام الناس والقديم والجديد وابداى بنفسك وشوفى عايزه تغيرى ايه .. لبس ورياضه .. ابداى فيهم ومش شرط تبقى بيرفكت من الاول كدا .. لازم تشترى مره ويطلع وحش وبعدين تتعلمى وتجربى حاجه تانيه ف تعجبك وتجربر تالت ف تكتشفى حاجه كويسه وهكذا .. مفيش حاجه فايتاك لكن ناقصك تبداى وتكملى واول نتيجه هتلاقيها هتشجعك انك تكملى
تم النشر الجمعة، ١٢ يونيو ٢٠٢٦
خسي، ظبطي صحتك واكلك وبشرتك وشعرك وجسمك، خليكي نضيفه ولبسك نصيف ومريح للعين، وهتلاقي انك بقيتي تثقي في نفسك اكتر و انك مش محتاجه مكياج أصلاً
تم النشر الخميس، ١١ يونيو ٢٠٢٦
لعرض السؤال في فدني اضغط هنا