مساء الخير
انا بنت عندي ٢٠ سنة في تالته جامعه حاليا،بعاني من مشكلة ألا وهي اني بشوف شكل وشي وملامحي وحشة جدا وده أغلب الوقت وخصوصا بالحجاب لاني بلبس حجاب شرعي وملتزمة بيه وكان هدفي وقت ما لبست الحجاب عشان فرض ونا بحب ربنا ولازم ألتزم بأوامر الإسلام وهكذا، أوقات بشوف نفسي حلو بس ده مش الأغلب الحقيقه خصوصا اما بكون في البيت بشوف نفسي حلو ونا فارده شعري ولابسه لبس معين وهكذا
المهم اني من فترة اتخنقت بسبب الحوار ده وللأسف تجاوزت في حتت اني بقيت بقول في نفسي ربنا ظلمني عشان خلقني بالملامح دي ونا بنت وراس مالي كلو اني يكون شكلي حلو فاهمين وده واقع محدش يفترض اننا عايشين في عالم مثالي و اوقات بفكر في التاس اللي بشرتهم غامقة دول يا ترى بيحسو ب إبه بقا،
اتمنى حد يقدر يفدني في الموضوع ده وشكرا ليكم
مع العلم انا المعضله اللي عندي في الشكل و الملامح لكن جسمي الحمد لله جميل مشكلتي بس في الملامح و كده
مساء الخير يا بنتي، أنا ذكية. أولاً، أقدر جداً شجاعتك في مشاركة هذا الشعور، وهو شائع أكثر مما تتخيلين عند الفتيات في عمرك، خاصة مع الالتزام بالحجاب الشرعي الذي اخترتِه حباً في الله. الشعور بعدم تقبل الملامح ليس عيباً، بل هو مرحلة تحتاج إلى معالجة هادئة ومدروسة. من الناحية الإسلامية، تذكري أن الله خلقك في أحسن تقويم، ولم يظلمك أبداً. هذه الأفكار السلبية غالباً ما تكون وساوس من الشيطان ليزرع الاستياء من خلق الله. جربي أن تقولي لنفسك يومياً: "الحمد لله على ما خلقني، فهو أعلم بما يصلحني". الجمال الحقيقي يبدأ من الداخل، والحجاب ليس مجرد غطاء بل درع يبرز جمالك الروحي والأخلاقي. كثيرات من النساء الملتزمات يمررن بنفس التجربة ثم يكتشفن أن تقبل الذات يأتي مع الوقت والممارسة. عملياً، ركزي على ما يمكنك التحكم فيه: جربي أساليب حجاب مختلفة تناسب شكل وجهك (مثل لفات تبرز عينيك أو خديك)، واهتمي بعناية بشرتك وملامحك بطريقة بسيطة ومستمرة دون مبالغة. في البيت، عندما تشعرين بالرضا عن نفسك بشعرك مفرود، استخدمي هذا الشعور كتذكير بأن جمالك موجود، وهو يظهر بطرق متعددة. اكتبي ثلاث نقاط إيجابية عن ملامحك كل يوم، وابتعدي عن مقارنة نفسك بالآخرين، فكل إنسان له تحدياته الخاصة. إذا استمر هذا الشعور بقوة، فكري في البحث عن أسئلة مشابهة على فدني لتري تجارب أخريات وتستفيدي من وجهات نظر متنوعة. أنتِ أقوى مما تظنين، ومع الوقت والصبر ستجدين السلام مع نفسك. أنا هنا دائماً للدعم.
تم النشر الاثنين، ١٣ يوليو ٢٠٢٦
السلام عليكم، هو أولا مش مطلوب منك تكوني جميلة في الحجاب، ده أصلا يتعارض مع فكرة الحجاب لأنه المفروض بنلبسه عشان يخفي الجمال مش يظهره. وطبيعي كبنت لما تفردي شعرك وتتزيني تكوني أحلى، وعشان كده زينتنا المفروض متظهرش للأجانب. ثانيا، لو مشكلتك إنك شايفة ملامحك مش حلوة والححاب بيزود المشكلة، فالسبب مش في ملامحك أو الحجاب، السبب في نظرتك أنتِ لنفسك. ** الناس عامة بتشوفك بنظرة مختلفة وكل شخص بيشوف بشكل مختلف وانعكاس الروح أصلا على الملامح واستقبال الناظرين للانعكاس ده بيختلف ما بينهم، فيه ناس ممكن تشوفك حلوة وترتاح لك حتى لو جمالك قليل وناس متشوفكيش حلوة عادي جدا حتى لو كنت مبهرة الجمال. ** لو بتقارني نفسك ببنات حولك أو بتتعرضي لمحتوى سوشيال ميديا كتير بيخليك تركزي على الجانب ده فقللي منه لأنه عامل كبير من عوامل نقص ثقة البنات بجمالهم ومظهرهم. ** فيه جملة غلط قلتِها في كلامك، (راس مالك كله إن شكلك يكون حلو) ده تفكير غلط خالص والمفروض تصلحيه، راس مالك حاجات كتير جدا من ضمنها الشكل مش هو كلها. ** أيوه احنا مش في عالم مثالي بس في النهاية زي ما قلت الناس بتشوف بعيون مختلفة والجمال في عين الرائي زي ما بيقولوا. والبنات اللي بشرتهم غامقة مش بيحسوا بمشكلة إلا لو عندهم نقص ثقة بنفسهم أو اتزرع فيهم من صغرهم إن لون بشرتهم مشكلة أو تعرضوا لتنمر، غير كده فيه بنات كتير بتفتخر بلون بشرتها وباختلافها، وثقتها وحبها لنفسها بتخليها بارزة وبتخطف الأنظار. فأعيدي تصحيح أفكارك وثقي بنفسك أكتر، علشان الصورة اللي بتنعكس للناس هي صورتك عن نفسك، هتشوفي نفسك مش جميلة هيحسوا بكده والعكس. *** استعيني بالله واطردي وساوس الشيطان واهتمي بنفسك كبنت من نظافة شخصية واهتمام بالبشرة والصحة واتعلمي تنسقي ملابسك وحجابك بطريقة تناسبك واتعلمي تحبي نفسك وكل المشكلة هتختفي بإذن الله. ربنا يوفقك.💚
تم النشر الثلاثاء، ١٤ يوليو ٢٠٢٦
مش فاهمة يعني المشكلة معاكِ إن الحجاب مش حلو مع ملامحك؟ ولا أيَّ، أولًا ربنا سبحانه وتعالى خلق الإنسان في أحسن تقويم، وممكن أنتِ بتقارني نفسك بناس أعلى جمال بالنسبالك في الجامعة مع إن ممكن يكون مكياج عادي بس أنتِ بتقارني نفسك بيهم، أو عايزة لنفسك درجة جمال أعلى بصي دا طبيعي خاصةً إن الأنثى بتحب الجمال، فـ أنتِ حبي نفسك وشكلك حلو من غير حاجة عشان ربنا خلقك أكيد حلوة يعني، ومتقرنيش نفسك بحد أنتِ حلوة وعسولة وبلاش تتكلمي عن الحجاب عشان هو الـ بيخلي البنت ملكة أصلًا خاصةً الشرعة🤍🤍🤍🤍🤍🤍🤍🤍🤍🤍🤍🫂
تم النشر الثلاثاء، ١٤ يوليو ٢٠٢٦
ربنا ماخلقش حد وحش انتى حلوة وقولى نفسك حتى ولو مش حلوة انا حلوة وجميلة وادى الثقة فى نفسك مش تحطمي نفسك باايدك ربنا يوفقك
تم النشر الأربعاء، ١٥ يوليو ٢٠٢٦
هواجس من الشيطان
تم النشر الثلاثاء، ١٤ يوليو ٢٠٢٦
انتي جميلة كما انتي وربنا جميل يحب الجمال ،الرضا اهم حاجة في الحياة هو أساس السعادة والسعادة وليدة الرضا ،بصي كل ما تفكري كدا ..افتكري الناس المشوهة أو المحروقة أو المعاقة او الي بتعاني من أمراض مزمنة أو أمراض صعبة بعيد عنك وعن كل الناس يارب واحمدي ربنا واشكره. الحمد الله وبعدين انتي في نعم كبيرة اوووووي سيبك من الأشكال الجميلة المبهرة دي صدقيني مش كل حاجة الشكل انتي لو دخلتي لتفاضيلهم او حياتهم هتلاقي عندهم مشاكل وممكن قصاد مشكلتك دي تقولي لا مش عاوزة ابقى كدا ويبقى عندي مشاكلهم ..ف انتي جميلة والله من غير حاجة ..اهم حاجة اهتمي بنظاتفك الشخصية ونظافتك الداخلية (نقائك الداخلي ) واي مفتنات إن كان جمال مال غيره متركزيش معاهم ..دي مفاتن الدنيا والشيطان بيستخدمها سلاح ضدنا ..ف خليكي مؤمنة وممتنة لكل حاجة وقوية نتسبيش نفسك للشيطان .. وحامدة لله دايما ...ربنا يسعدك يا جميلة الخُلق والخَلق ♥️♥️♥️
تم النشر الثلاثاء، ١٤ يوليو ٢٠٢٦
الناس ليها نظره تاني خالص وكل واحد بذوقه شافك حلوه او لا واصلا الشكل مش كل حاجه اهم حاجه روحك
تم النشر الثلاثاء، ١٤ يوليو ٢٠٢٦
طيب المفاجأة ان الناس مش هتشوفك زى ما انتى شايفه نفسك .. يعنى سواء انتى شايغه نفسك حلوة او لا ف الناس كل شخص هيشوف بعينه هو وبذوقه هو ..
تم النشر الاثنين، ١٣ يوليو ٢٠٢٦
لعرض السؤال في فدني اضغط هنا