إزاي أحب نفسي
واتقبل شكلي
اللي بحاول أتقبله واللي محدش مُتقبله حواليا وبيبصوا نظرات غريبه ليا تعبت جدا
لدرجةً بفكر اعمل تجميل لشيء معين الكل ملاحظه أوله أنا
مش عاوزه اسمع كلمة الشكل مش مهم المهم انك قلبك طيب تعبت بجد
مش متقبله نفسي المشكله في عيني ممكن تظهر انها عاديه بالنسبه لناس وبالنسبه لصديقتي أنا معاها ساكنين سوا حاليا
دايما تقولي بتبصي لي كدا ليه خوفتيني بتقولها بهزار بس فعلا أنا شكلي مخيف هيا كويسه جدا وبحبها ومش قصدها أبدا
لكن فعلا تعبت
مش عاوزه حد يقولي انتي مش راضيه بشكلك!!
دا خلقة ربنا وخلقك في احسن تقويم!!
لاني فاهمه وعارفه بلاش الكلام دا
لو في الوجه مشكلها جربي skincare لو في الشعر مشكلة جربي haircare لو في الجسم مشكلة جربي تلعبي رياضة لو في الثقة مشكلة جربي تطوير الذات لو في الطمئنينة مشكلة جربي التقرب لله لو في تدخلهم مشكلة جربي فنون الرد *فقط لوضع حدود وليس للتجاوز* كله حسب احتياجك وبعدين طز في كلامهم انت ارضي عن نفسك متسمحيش لحد يتدخل ابدا ابدا كله هياخد وقته بس اهم حاجة غيري عقليتك عن نفسك انت مش مخيفة ولا قبيحة انت شايفة نفسك غلط كل ما في الأمر اللي مش عجبك غيريه واللي مضايقك حليه انا والله متأكدة انك تقدري تعمليها ومتأكدة انك هتكوني احسن وخلي بالك كله بياخد وقته الصراحة انا ابدا مبقتنعش بعمليات التجميل لكن لو انت شيفاها مناسبة انت ادرى مني من اي حد 🩷
تم النشر السبت، ١٨ يوليو ٢٠٢٦
انا وانا مع صحابي كانوا دائماً يتريقوا علي شكلي ويقول لي انتي بتبرقي اوي وكانوا يقولولي انتي فيكي وفيك ومش بس صحابي والله اقرب ناس من عائلتي وكبرت وأقسم بالله لقيت كل اللي كانوا بيقوله هو حاجات حلوه فيا اصلا واني مكنتش يبرق ولا حاجه وان نظرتي عاديه بس الناس بتأفور فخليكي عملتي تجميل دا اكيد اصلا حرام بس نفترض وجم قالولك لسه الحاجه الوحشه موجوده هتروحي تعملي تاني ؟ طب وهنعيش حياتنا امتي بقا لم كل كلمه بتتقال بتخلينا عاوزين نبدل جلدنا بطلي تسمعي للناس لأنهم ليسوا الوحش اللي عندهم فيكي ولم هتبطلي هتتقبلي نفسك والله
تم النشر الجمعة، ١٧ يوليو ٢٠٢٦
ربنا خلقنا كلنا حلوين وجمال جدا ومش شرط أن لو حد ما حبش شكلك يكون معناه انك وحشه بالعكس في ناس بتشوف ملكات جمال العالم وحشين الجمال ده ازواق وان شاء الله ربنا يسعدك ويوفقك متنساش انت جميل بس الاهم من جمال الشكل جمال الروح
تم النشر الجمعة، ١٧ يوليو ٢٠٢٦
أنا فاهمة تعبك جداً، وإن اللي بتمرّي بيه مش مجرد "عدم رضا" عادي، ده إحساس عميق بالرفض من نفسك ومن اللي حواليكي، والنظرات والتعليقات بتزود الضغط. مش هقولك كلام عام عن الشكل، هتكلم معاكِ عن خطوات عملية تساعدك تبني حب نفسك من جوا، حتى لو الخارج لسه بيحتاج وقت. ابدئي بتغيير الحوار الداخلي. كل ما تلاحظي نفسك بتفكري "شكلي مخيف" أو "الكل بيبص"، قاطعي الفكرة فوراً بسؤال: "إيه الدليل الحقيقي على كده دلوقتي؟" غالباً هتكتشفي إن أغلب النظرات دي تفسير من دماغك مش حقيقة. اكتبي يومياً 3 حاجات في جسمك أو شخصيتك بتخدمك فعلاً (مثل إيديكِ بتساعدك تكتبي، أو صوتك بيضحك صديقتك). ده مش هيغير الشكل بين يوم وليلة، لكنه بيبني قاعدة داخلية أقوى من آراء الناس. جربي تمارين "التقبل التدريجي". اختاري مراية صغيرة وانظري لنفسك لمدة دقيقتين يومياً بدون حكم، بس تلاحظي الملامح زي ما هي. في البداية هتحسي بالضيق، لكن مع الوقت الدماغ بيتعود ويقلل من رد الفعل العاطفي. كمان، غيري التركيز لأشياء تقدري تتحكمي فيها: لبس مريح يناسبك، تسريحة شعر جديدة، أو حتى هواية بتخليكِ تشعري بالقوة (رياضة، رسم، قراءة). لما تبني ثقة من مهاراتك، الشكل بيبقى أقل أهمية تدريجياً. لو التفكير في التجميل لسه مسيطر، خدي وقت تفكري فيه بهدوء: اسألي نفسك "لو عملته، هيحل المشكلة كلها ولا هيفتح باب جديد من القلق؟" كتير من الستات بيوصلوا لقرار أفضل لما يبنوا أولاً علاقة أقوى مع نفسهم. أنتِ مش لوحدك في الشعور ده، ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ تستاهلي تشعري بالراحة مع نفسك، وده بييجي بخطوات صغيرة مستمرة.
تم النشر الأربعاء، ١٥ يوليو ٢٠٢٦
هو الشكل مهم أكيد بس الناس مش بتشوفك زى م انتى بتشوفى نفسك .. مش كل الناس هتشوفك حلوة ومش كل الناس هتشوفك وحشة .. طب تمام لو هتعملى عملية تجميل ايه ضمنك انها هتنجح ولو نجحت ايه ضمنك انها هتعجب الناس ما ممكن يبقى العكس .. اعتبريها زى حاجات كتير اوى ف حياتنا منعرفش نغيرها لكن بنحاول دايما نخليها افضل ..
تم النشر الأربعاء، ١٥ يوليو ٢٠٢٦
طب خلينا نغير منظورنا للموضوع ... ليه متكونش البنت دي بتتلاعب بيكي ؟
تم النشر السبت، ١٨ يوليو ٢٠٢٦
الشكل مهم محدش ينكر ده... ولكن مع افتراضنا عدم وجود شكل جميل و انا اشك فى ده لان الانسان بيركز فى تفاصيل محدش بيشوفها غيره.... ممكن ان يتقبل الناس الشخص و يحبوه و يحترمه جدا بسبب قيمته انه يبقا ليه قيمه... و يبقا مميز و شخص محترم و بشياكه لبسه بعيدا عن ملامحه و بنظافته و ريحته الى سبقاه... ولو انتى بنت انا مش بقولك حطي برفان لان ده حرام و غلط ولكن الخلاصه ادي قيمه لنفسك و اهتم بلبسك و نظافتك و كده كده والله لا يحاسب الانسان بشكله
تم النشر الخميس، ١٦ يوليو ٢٠٢٦
طالما انتي متقبله نفسك طز في الناس
تم النشر الخميس، ١٦ يوليو ٢٠٢٦
انتى لو شفتى نفسك حلوه ووثقتى فنفسك الناس هتدور على الحاجه اللى مخلياكى واثقه كده من نفسك و هيدوروا ع الحلو و كدا كدا هيلاقوه حتى هيلاحظوا حجات فيكى انتى شايفاها عيوب و هيشوفوها مميزات لانك اوحيتى ليهم بكده... ياما ناس شكلها وحش و مشاهير و الناس بتشوفهم حلوين بس لو دققتى هتلاقيهم مش حلوين والله ولا فيهم معايير الجمال اصلا بس هما عندهم ثقه فنفسهم و كارفين لاى حد يقولهم انهم وحشين و عايشين بكيفهم و اخر همهم راى الناس فيهم و افتكرى دايما ان ربنا مخلقش حد وحش..و نظرتك لنفسك مش هى الفيصل فى انك حلوه او لا.... و بس كدا 😊
تم النشر الأربعاء، ١٥ يوليو ٢٠٢٦
لعرض السؤال في فدني اضغط هنا