السلام عليكم ورحمه الله وبركاته انت قلتي كلمه هي فيها ملخص المشكله الافكار المغلوطه لما بيكون عندنا افكار معينه الأفكار دي هي اللي بتخلينا عندنا دافع نحو الافعال اللي احنا ممكن نقوم به وبما انك قلتي وانت عارفه او خلاص تاكدتي انه الافكار اللي اتصدرت لك دي افكار غلط يبقى انا ازاي لسه افعالي بتبني على نفس الافكار يبقى المشكله هنا انه مش كفايه ان انا اعرف ان الافكار غلط انا محتاجه استبدل الافكار الغلط دي بالافكار الصح واحطها مكانها طيب ازاي ممكن اكون عرفت الافكار الصح وفي نفس الوقت لسه قلقانه من الافكار الغلط يبقى انا دلوقتي ده معناه ان انا ما شلتش الافكار الغلط من عندي ولسه عندي من جوايا حاجه بتقول لي انه في احتماليه ان الافكار الغلط دي تكون هي الحقيقيه والصح فانا محتاج ان انا اغير ليفل الثقه اللي انا بتعامل بيه ده من ناحيه الافكار وابقى اكون واثق في الافكار الصح أكثر ما انا واثقه في الأفكار الغلط. هنيجي بقى عند مساله الاستعداد للزواج وهنا علشان نقول انه اكون مستعد ابدأ رحله الزواج فانا لازم اكون مستعده دائما دائما للتواصل ولفهم الاخر دي اكتر حاجه. محتاج يكون مستعد ليها ميبقاش داخل بس مستني ياخد وما يبقاش مستني ان هو يدي يعني ما ينفعش يكون داخل الجوازه. عشان يعمل حاجه في اتجاه واحد لازم يكون الموضوع حوالين فكره التواصل وحوالين فكره ان انا ازاي هتعامل مع الاخرين دي من اهم الحاجات وثاني اهم حاجه هو ان انا يكون عندي هدف من الزواج فتعرفي ازاي انك مستعدة لما ايه هو الهدف اللي عندك تجاه الزواج علشان تقدري تبدئي في الموضوع ده بكل اريحيه. الموضوع ما فيهوش حد ابدا علشان يتزوج بيكون عنده كل المعلومات ولا يكون فاهم كل حاجه لا طول الوقت بنكتشف حاجات وبنشوف ايه اللي احنا محتاجين نتعلمه وايه اللي محتاجين نفهمه وايه اللي محتاجين نسال فيه طول الوقت بنبقى ماشيين في الرحله بنعمل كده لان مفيش حد هيخش على الزواج وهو عارف كل حاجه وتمام جدا بنبدا بس وبنكون مستعدين دايما.
لعرض الإجابة في فدني اضغط هنا