عايزة اعرف ازاي يكون في بركة في وقتي بحس وقتي بيجري بسرعة ومش بقدر اعمل حاجة
السلام عليكم و رحمه الله و بركاته سؤالك ذكرني ب دُعاء كان بيقوله دايماً مُعلمي و هو { اللهم علمنا بما ينفعنا و انفعنا بما علمتنا و زدنا بك علماً اللهم بارك لنا في وقتنا اللهم آمين } مهم قبل مقولك على حلول لازم إن يكون في دُعاء بتدعيه لربنا إن يباركلك في الوقت و إن يكون عندك نيه في الإستفاده من الوقت فيما يرضي اللّٰه هقولك على حلول جربتها هي نفعتني جداً مُهم تعملي جدول رئيسي جدول يكون خاص بالشهر و الي هتعمليه كل أسبوع ، من مذاكره أو شغل معين داخل الجدول الرئيسي اعملي جدول فرعي خاص باليوم هيمشي إزاي الجدول الفرعي عشان يتعمل لازم تكوني قبلها جايبه ورقه و تكتبي فيها الحاجات الي عايزه تعمليها مثلا : اخلص درسين إنجليزي في اليوم ، طبعاً على حسب سنك أو بتشتغلي ولا بتدرسي ف لو بتشتغلي ف هتبقا على حسب طبيعه شُغلك طبعاً بجانب الأعمال دي ضيفي حاجات اساسيه ذي الصلاه أذكار الصباح و المساء ، قيام الليل ، وِرد و حتى لو كان صفحه و بعدها اكتبي هواياتك مثلا ذي رسم قراءه أو لو كنتي بتتمرني في جيم و لو مش بتتمرني خصصي ربع ساعه مشي حتى لو مشي في البيت بشكل متواصل لإن المجهود العضلي مُهم بردو بعد متكتبي كل ده ضيفي حاجات تلتزمي بيها هتفيدك ( بودكاست ، سماع سيره نبويه ، حفظ قرآن ) و نصيحه البودكاست خليه أساسي يومياً سواء بودكاست ديني أو بودكاست الحياه عامةً لإنه هيساعدك تنظمي وقتك و هيديكي عزيمه إنك تعملي كل ده بعدها اكتبي في الجدول الفرعي أنتِ هتنامي من الساعه كام للساعه كام (و نصيحه تنامي بعد العشاء و تبدأي يومك من الفجر أو قبله ،، و تاخدي قيلوله من الظهر للعصر إتباعاً لسُنه الرسول صلَّ اللّٰه عليه و سلم ) بعدها تكتبي ١٠ دقائق أذكار و ٥ صفحه قرآن و ربع ساعه زياده دي تكون للمشي و اسمعي البودكاست و أنتِ بتعملي المجهود العضلي أياً كان هو ايه بعدها اكتبي وقت الفطار و إنك من الساعه كذا لكذا هذاكر أو هشتغل أياً كان ، و نظمي لما تشتغلي حاجه صعبه ( و هي الي أنصحك تبدأي بيها و تسيبي السهل بليل) تاخدي بريك بعدها تمارسي في هوايه تشحن طاقتك ، حتى لو لمُده ساعه أو نصف ساعه بعدها كملي بمُذاكره أو شغل سهل تفصلي يومك بيه و هكذا على حسب مخططاتك تنظمي الجدول ،، إحرصي يكون في وقت مُخصص للجلوس مع عيلتك أو أُسرتك ده هيحسن من نفسيتك بردو ، و تجنبي الحاجات الي ملهاش لازمه ذي الأغاني استبدليها ب بودكاست أو قرآن او كتب مسموعه ، و الأفلام و المسلسلات استبدليها ب حاجه ممتعه و مفيده او هوايه ، و اكتبي جدول فرعي لكل الحاجات المحتمله يعني لو مثلا في يوم هتصحي الفجر اعملي جدول لو ف يوم هتصحي الظهر اعملي جدول على الأساسين دول تحسباً لو راحت عليكي نومه ، و متنسيش تخصيص يوم الجمعه للترفيه عشان تقدري تكملي الإسبوع من جديد ،، في ناس مبتحبش الجداول و معرفش أنتِ منهم أو لاء بس لازم تعرفي إنها مهمه جداً عشان لو حصل مثلاً حاجه او سفريه تبقي منظمه و عارفه أنتِ هتاخدي يوم ايه فاضي أو لو خارجه تبقي عارفه و منظمه على حسب الوقت الفراغ الي عندك ف اليوم ساعتها هتحسي ب راحه و كونك مُنظمه ده هيخليكي عارفه تحققي نجاح اكتر ، و بالتوفيق إن شاء اللّٰه
تم النشر السبت، ١١ أكتوبر ٢٠٢٥
خصصي ساعة من يومك لقراءة سورة البقرة، وصدقيني البركة بيومك رح تكون عظيمة، اكيد رح تقولي "مأنا اصلا ما معي وقت كيف اخصص ساعة؟"؛ هاي الساعة ربنا بسببها رح يرزقك بركة لكل وقتك .. انا عشت ايام بدي ٤٨ ساعة باليوم عشان انجز مهامي واموري؛ وسبحان الله كنت وقتها اداوم على سورة البقرة وكنت الاقي بركة بوقتي مش طبيعية.. واخلص اموري بس بوقت قليل والحمد لله □□□□ اقْرَؤُوا القُرآنَ؛ فإنَّه يأتي شافِعًا لأصحابِه، اقْرَؤُوا الزَّهْراوَينِ: البَقَرةَ وآلَ عِمرانَ؛ فإنَّهما يأتيانِ يَومَ القيامةِ كأنَّهما غَمامَتانِ أو غَيايَتانِ أو فِرقانِ من طَيرٍ صَوافَّ تُحاجَّانِ عن صاحِبِهما، اقْرَؤُوا البَقَرةَ؛ فإنَّ أخذَها بَرَكةٌ، وتَرْكَها حَسرَةٌ، ولا تَستطيعُها البَطَلَةُ. خلاصة حكم المحدث : صحيح الراوي : أبو أمامة الباهلي | المحدث : البغوي | المصدر : معالم التنزيل (تفسير البغوي) | الصفحة أو الرقم : 1/63| التخريج : أخرجه مسلم (804)، وأحمد (22267)، والطبراني (8/138) (7542)، والبغوي في ((شرح السنة)) (1193) واللفظ له.
تم النشر السبت، ١١ أكتوبر ٢٠٢٥
بتنظيم الوقت هو العامل الرئيسي في دة عشان تنظمي وقتك شوفي انتي عندك اي في يومك وناوية تعملي اي في يومك وعلي أساسها نظمي يومك وتنظيم اليوم يكون قبل ما تنامي بليل تجيبي ورقة وقلم وتكتبي فيها عاوزة تعملي اي بكرا بكدة هتلاقي نفسك ما شاء الله بداتي تنظمي وقتك ويكون في بركة
تم النشر السبت، ١١ أكتوبر ٢٠٢٥
أهلًا بك يا صابرين، ذكية هنا لمساعدتك بكل حب ودعم 🌸 البركة في الوقت ليست فقط في كمية ما تفعليه، بل في جودة استثماره والشعور بالرضا والطمأنينة خلاله. شعورك إن الوقت بيجري بسرعة دون إنجاز قد يكون مزعج جدًا، لكن هناك خطوات عملية وروحية تساعدك تجدي البركة وتتحكمي بوقتك بطريقة أفضل: كيف تحصلين على البركة في وقتك؟ إليك بعض النصائح: ترتيب الأولويات والجدولة: حددي أهم الأمور التي تريدين إنجازها يوميًا أو أسبوعيًا، وركزي عليها. لا تضغطي على نفسك لإنجاز كل شيء في نفس الوقت، المهم الإنجاز الجيد. وقت بين الأعمال للتهدئة: بين كل مهمة والأخرى، خدي دقيقة أو دقيقتين للتنشّط أو الاسترخاء الروحي، مثل قراءة آية قصيرة أو ذكر الله، فهذا يضيف بركة ويجدد الطاقة. توكلي على الله وابدأي عاجلًا: التوكل على الله هو مفتاح البركة، وبدء العمل بدون تأجيل يجعلك تشعرين بأن الوقت كافٍ. تحديد أوقات للراحة والنوم: النوم الكافي والراحة الجيدة تنعكس إيجابًا على نشاطك وتركيزك. التقليل من المشتتات: حاولي التقليل من استخدام الهاتف أو وسائل التواصل أثناء العمل، وهذا يوفر لك وقتًا أكبر. الحمد والشكر لما لديك: البركة تأتي مع الشكر، فكلما شكرنا الله على الوقت والعافية، ازداد الخير واليسر. استشعري هدفك وغايتك: ربط عملك بأهداف نافعة وقيم روحية يزيد من الإحساس بالبركة. تذكري يا صابرين: لا تقسي على نفسك إذا شعرتِ بأن الوقت يهرب، تعلمي تنظيم وقتك خطوة بخطوة، والأهم أن توقفي عند الله وطاعته في أعمالك، وهذا سر البركة الحقيقية. لو تحتاجين خطة تنظيم وقت مفصلة أو دعم نفسي، يمكنك زيارة صفحة الخبراء في تطبيق فدني حيث ستجدين مختصين في التنمية الذاتية وتنظيم الوقت يدعمونك بشكل مباشر. هل تودين أن أساعدك في وضع خطة يومية بسيطة تضمن لكِ تنظيم الوقت والبركة فيه؟ 💡 أنا هنا معك دائمًا!
تم النشر السبت، ١١ أكتوبر ٢٠٢٥
قسمي وقتك لحاجتين او تلاتة بالكتير بلاش تحطي حاجات كتير في يومك عشان تعرفي تنجزي
تم النشر السبت، ١١ أكتوبر ٢٠٢٥
ببساطة احسبيه خلي في ساعة في ايديك واحسبي الوقت الحاجة الفلانية .. ساعة أو اتنين ... ف timer لكل مهمة في حياتك وقت مهما حصل مش هتزيد عنه و بردو اصحي بدري ... بركة مش طبيعية
تم النشر الخميس، ١٦ أكتوبر ٢٠٢٥
لعرض السؤال في فدني اضغط هنا