أنا معنديش أى حافز للحياه
ومعنديش سبب يسعدني يخليني اكمل فى الحياه
طول الوقت عاوزه اهرب بالنوم
السلام عليكم ورحمه الله وبركاته الهروب من الحياه وما عنديش حافز للحياه اولا ان احنا عندنا كم سنه ثانيا حياتنا موجود فيها ايه من التفاصيل احنا بنهرب منها اصلا خليني اقول لك انه الشكل ده من الشكاوي في الاغلب بيكون علشان احنا ركزنا قوي مع الحاجات اللي ناقصانا لما بركز قوي مع الحاجات اللي ناقصانا واقول ده انا ما عنديش اللبس الحلو اللي يخليني مبسوطه ده انا مش بعرف اتصور الصور الحلوه اللي تخليني مبسوطه أو ابان فيها مبسوطه ما عنديش الصحاب اللي لما اكون معاهم نضحك ونهزر فون مبسوطه لما بنركز بالطريقه دي على النواقص هو ده اللي يخلينا نحس ان الحياه ما فيش فيها اي طعم للسعاده لكن لو جربت نبص على الحاجات اللي موجوده يعني الله ده كوبايه شاي النعناع طعمها تحفه يعني خلت مزاجي رايق جدا سبب للسعاده يعني يا سلام الاكله دي انا بحبها جدا يعني رغم ان البيت مكركب ورغم انه الكرسي ده مش احسن كرسي انا يعني احب اقعد عليه ولكن انا دلوقتي قاعده في ايدي ده اللي انا بموت فيه بيخليني طايره من السعاده وكأني كده ايه في الجنه انا في الجنه هطلب الاكله دي علشان انا بحبها قوي فهنا انا في الحاجات اللي موجوده اللي متوفره انا لقيت سبب السعاده ده مش معناه ان احنا بنضحك على نفسنا احنا بنبقى شايفين اللي موجود ونبقى شايفين اللي ناقص ولكن بنركز على مين أنا بساعد نفسي ازاي لما احب اساعد نفسي علشان اكون عندي طاقه اقدر وادي بيها مهام الحياه واقوم احاول احسن من حياتي أنا محتاجه طاقه سليمه محتاجه طاقه تزقني لكن لما انا اكون بركز في حاجات بتستنزف الطاقه او بتديني طاقه يا طاقه هدامه فانا كده ما استفدتش اي حاجه خالص من من الموضوع ده. فقولي لي عندك كم سنه حياتك إيه التفاصيل اللي فيها علشان نشوف احنا نقدر إزاي نبطل نهرب من النوم ونبدأ نندمج في الحياه من غير ما نكون زعلانين قبل كده.
تم النشر الاثنين، ٩ نوفمبر ٢٠٢٦
حطي أنتِ السبب اللي يسعدك وحطي هدف في الحياة وحاولي متيأسيش واعملي حاجات أنتِ بتحبيها وحاولي قدر الامكان تبعدي عن الموبايل وقربي من ربنا اكتر اول يوم هتتحمسي وتعملي كل حاجة وهتيجي بعدها تكسلي ودا طبيعي بس قولي لنفسك م كل وقوع يبقي وقوع تام وكملي متقوليش اليوم ضاع خلاص لا الوقت لسه في ايدك واهم حاجة تحاولي تبعدي عن الموبايل قدر الامكان ممكن تقرأي كتاب لو بتحبي الكتب وترسمي لو بتحبي الرسم.
تم النشر الثلاثاء، ١٠ نوفمبر ٢٠٢٦
أنا آسفة جدًا إنك بتمري بهذه الفترة الصعبة، وأقدر إن الشعور بالفراغ وعدم وجود حافز يخلي الواحد يتمنى يهرب بالنوم ده أمر ثقيل جدًا. أنتِ مش لوحدك في هذا الإحساس، ومن الطبيعي إن النفس تحتاج دعم وإعادة توجيه في مثل هذه اللحظات. من منظور إسلامي، الحياة لها غاية واضحة وهي عبادة الله وعمارة الأرض، حتى لو ما كانش واضح دلوقتي. ربنا سبحانه وتعالى قال "وما خلقت الجن والإنس إلا ليعبدون"، وده بيفتح باب للبحث عن معنى من خلال الصلاة والذكر والتأمل في النعم الصغيرة اللي حوالينا. كمان، الرسول ﷺ كان بيواجه صعاب كتير وكان يلجأ للصلاة والدعاء ليجد القوة، وده ممكن يكون خطوة عملية تبدئي بيها: صلاة قصيرة أو دعاء بسيط زي "اللهم إني أسألك الهدى والتقى والعفاف والغنى"، عشان تربطي نفسك بمصدر قوة أكبر. عمليًا، ابدئي بخطوات صغيرة جدًا عشان ما تحسيش بالضغط: حددي هدف يومي بسيط زي ترتيب غرفة صغيرة أو قراءة صفحة من كتاب مفيد أو حتى الخروج للمشي لمدة 10 دقايق. جربي تكتبي كل يوم 3 أشياء بسيطة بتشكري ربنا عليها، حتى لو كانت مجرد وجودك أو صحتك. ده بيساعد على إعادة بناء الإحساس بالقيمة تدريجيًا. لو النوم بقى ملاذ دائم، حاولي تنظمي جدول نوم ثابت وتقللي منه شوية شوية بإضافة نشاط خفيف قبل النوم. ابحثي عن أسئلة مشابهة على فدني عشان تشوفي تجارب الآخرين وتستفيدي من وجهات نظر إضافية. أنتِ قادرة تتجاوزي ده، وكل خطوة صغيرة هتكون بداية لتغيير أكبر. لو حابة تتكلمي أكتر عن أي جانب، أنا هنا.
تم النشر الأحد، ٨ نوفمبر ٢٠٢٦
لو معندكيش الحافز اصنعي انتي حافز يشغلك يخلي ليكي هدف 🤚🏻❤️
تم النشر الثلاثاء، ١٠ نوفمبر ٢٠٢٦
انا كنت كدا فتره من حياتي بس كميت اتحرك اخرج لوحدي اتبسط اتعرف على ناس الوضع اتغير بدات افكر انا عاوزه اي لحد م وصلت حاجة اللي انا عاوزه بشتغل عليه مشغوله انما سبب الحاله دي الفراغ ناتج عن حزن
تم النشر الثلاثاء، ١٠ نوفمبر ٢٠٢٦
لعرض السؤال في فدني اضغط هنا