السلام عليكم ورحمة الله وبركاته
انا خاطب واحده وبعد كده اكتشفت انها كانت تعرف شخص قبلي و بعدين الشخص ده فضل يهددها بصور انا عرفت كده صدفه في يوم كنت ماسك موبيلها و بعد ما وجهتها قالتلي انها صور عاديه كانت بينهم و بعدين انا مصدقتش جبت رقم الشخص و اخدت منه موبيله واكتشفت انها صور مش كويسه ليها و المشكله ان الموضوع ده ظهر بعد ما انا حبيتها وهي حبتني و هي كانت عايزه تبعد عنه بس هو فضل يهددها بالصور دي السؤال هنا اعمل اي اكمل معاها وله اسيبها مع العلم اني وجهتها قالتي انا كان نفسي اتغير و انا غلط و هي نفسها تعيش طبيعيه
احكم عليها بالمجمل هل هي الان شخص كويس بيصلي ويصوم ويتقي ربنا فنفسه وفالاشخاص الي حواليه ولا لا، وشوف لو انت هتقدر تستحمل الماضي دا بعد الجواز، لو لا فا فارقها بالحسنى.
تم النشر السبت، ١٠ فبراير ٢٠٢٤
ااقعد مع نفسك الأول بعيد يوم يومين وفهمها انك ها تفكر وانك مش ها تمشي أمانا لها وفكر هل ها تقدر تتخطي هل ها تقدر تنسا هل هي فعلا الست الي تقدر تبدا معاها حياه..... اذا جاوبت بأه ربنا يساعدك وتبدأو حياه تحت ستر ربنا وولك أجر بإذن الله أذا لا اوصل لطريقه تساعدها وعرفها انك مش ها تكمل بطريقه مناسبه لنفسيتها وربنا ييسرلك الاختيار
تم النشر الأحد، ١١ فبراير ٢٠٢٤
اوعى تسيبها طالما بتحبها و هي بتحبك و مشوفتش منها حاجه وحشه طول فتره خطوبتكم، اي انسان بيغلط و هي غلطت انها عرفت واحد ذي دا و انها بعتت صورتها و طاللما قالت انها عايزه تعيش ك اي حد عادي ف حاول تساعدها لو بتحبها بجد حتى لو بعد كدا انت مش متقبل تعيش معاها و لكن ساعدها بردو اعتبرها اختك حتى مش خطيبتك اكيد مش هنفكر ف مشكله حصلت خلاص المفروض تفكروا ف حل ليها و حاول بردو متقولش لأهلك لأن مظنش حد فيهم هيعاملها حلو او يفهمها قدك بعد ميعرف و صلي صلاه استخاره ف انك تكمل معاها ولا لاء بعد متساعدها لأن من الرجوله انك تساعدها هي ف مشكله و محتاجه مساعده بجد
تم النشر الجمعة، ١٦ فبراير ٢٠٢٤
وعليكم السلام ورحمة الله وبركاته .. في الحقيقة ده قرارك لوحدك .. هل الانسان فعلا يستاهل فرصة تانية ولا لا؟ من وجهة نظري اه - كل انسان يستاهل فرصة تانية .. لو هو اتغير بجد .. ف ليه نحكم على شخص بانه يموت .. طالما اتغير فعلا وبقى شخص كويس. انت لو مكانها ف موقف تاني .. مثلا كنت عامل علاقات كتير مع بنات، او بتشرب مثلا .. عذرا اني بقول كده، ولكن طبعا بقولك مثال مش واقعي. كل انسان معرض للخطأ وانت ممكن تكون معرض لحاجه زي كده .. ورجعت توبت لربنا، وقفلت الصفحة ديه من حياتك .. هتبقى محتاج لحد فعلا في الوقت ده ينظر ليك نفس النظرة (نظرة الفرصة التانية). وطبعا ده قرارك في الاول وف الاخر، وربنا يعمل لك الصالح باذن الله.
تم النشر السبت، ١٠ فبراير ٢٠٢٤
انا من وجهه نظري ملكش دعوه ب الماضي بتاعتها خليك معاها الانسان بيغلط وربنا بيخبي اللي عمله وبيسامح وبيغفر لو هي معاك كويسه وبتحبك وانت بتحبها ولقتها مراعيه ربنا فيك متسبهاش احنا كلنا بنغلط متنساش
تم النشر الأحد، ١١ فبراير ٢٠٢٤
ساعدها حتى لو هتسيبو بعض
تم النشر الأحد، ١١ فبراير ٢٠٢٤
احنا صعب نحكم من موقف واحد اذا كانت هي كويسة ولا لأ... بس في حاجات لازم تعرفها عنها عشان تقدر تقرر تكمل معاها ولا متكملش... شوف مثلا لو هي من الشخصيات اللي بتكذب باستمرار ودي أهم حاجة لازم تعرفها... شوف من بداية علاقتكم دي هي كذبت عليك في حاجات مينفعش فيها الكذب ولا كانت صادقة.. ساعتها انت تقدر تحكم وتقرر اذا كنت تكمل معاها ولا لأ... بس برضو مهما حصل منها اوعي حد يعرف عنها اللي كانت بتعمله.. ايا كان اللي حصل منها... هي في الأول وفي الاخر بنت وواجب عليك تسترها قدام الناس
تم النشر الأحد، ١١ فبراير ٢٠٢٤
خليك معايا بس لما تتأكد انها فعلا اتغيرت ولو مش قدرت قدام انك تكمل او لو كملت ومش عرفت تنسي وتعدي الموضوع فمش تكلمها بطريقه وحشه وتفكرها وتعيبها بالموضوع ده وبلغ شرطه الاتصالات عشان تقدر تمسح الصور عشان سمعتها بردو وربنا غفور رحيم وبيسامح فأحنا مين عشان منسامحش فكر كويس بردو لوحدك
تم النشر الأحد، ١١ فبراير ٢٠٢٤
لعرض السؤال في فدني اضغط هنا