انا بقالي فتره عندي عدم توفيق غير طبيعي في كل حاجه اشتغلت فريلانس فمجالين وقعدت اربع شهور اسوق لنفسي تسويق مش طبيعي ومدخليش جنيه ودفعت فلوس فاني اعمل اعلانات وببقا خلاص هيجيلي فلوس والموضوع بيقف بشكل مش طبيعي
حكيت الي بيحصلي لناس خبره فالفريلانس مكنوش مصدقين اني عملت كل ده ومجاليش عميل واحد سبت الشغل من اليأس والاحباط بقيت الاحظ اني معنديش توفيق حتى فلالعاب بلعب ماتش مع صحبي او اونلاين بخسر بطرق مش طبيعيه
كل مره القدر يبقى عكسي ما علينا بده انا بقالي اكتر من سنتين بتعالج من وسواس قهري واضطراب قلق كانو اصعب سنتين فحياتي في ايام كنت بتمنى فيها الموت من العذاب ولسه لحد دلوقتي مخفتش وبتعذب والتعب ده جالي وانا فثانويه عامه وللاسف كنت بذاكر بالعافيه مع اني كنت شاطر
وكنت بزاكر على قد ماقدر ومع ذلك مدخلتش الكليه الي كنت بحلم بيها حتى الصلاه والدين كنت قريب من ربنا جدا دلوقتي بحاول اقرب من ربنا مش عارف حتى الصلاه بصلي كاني مبصليش ومش عارف اغير من ده
من وانا طفل وانا بتعرض للتنمر من اقرب الناس ليا وطلع عندي عقد الدنيا ولسه حتى الان بعاني بسببها بعاني حتى وانا ماشي فالشارع من نظرات الناس حتى لو مكنوش بيبصولي بقالي فتره صحتي مدمره بطلع السلم دور واحد ابقى بنهج ومش قادر وبيحصلي حاجات غريبه فقلبي بس الدكتور قالي بسبب التوتر وبتعب تعب غريب وبقيت اوقات معرفش اخد نفسي
طول عمري لوحدي من وانا صغير حتى لما كان عندي اصحاب كانو بيتريقو عليا لدرجه اني مكنتش بعرف اتكلم خالص ولا افتح كلام ده جزء من المعاناه وعدم التوفيق الي انا بتعرضله
انا عارف ان حالي أحسن من غيري واني المفروض ارضي بس انا تعبت والله العظيم تعبت لا صحه ولا توفيق فشغل ولا دراسه ولا حاجه بعوزها بحققها ولا حتى عارف اقرب من ربنا عشان اضمن آخرتي هبقا ولا ضمنت دنيا ولا آخره
انا بجد تعبت انا مش فاهم كل ده بيحصلي ليه مش فاهم اي الذنب الي انا عملته عشان اتعاقب عليه كل العقاب ده من وانا طفل وانا بعاني نفسي بس اسبوعين اعيشهم من غير كل ده انا بجد كرهت حياتي انا بس نفسي اعيش كانسان طبيعي مش اكتر
انا الي انا حكيته ميجيش ربع الي انا عانيته طب هل انا حد عاملي عمل لان الي بيحصلي ده مش طبيعي انا حتى الدعا مبقتش بدعي لاني دعيت كتير واقمت الليل وذكرت ربنا وعملت كل الي بايدي اعمله ومفيش فايده انا بقيت حاسس او متأكد ان خلاص معملش اي حاجه فحياتي عشان كده كده مش هتوفق
السلام عليكم، أولا ربنا يعينك ويقويك وتتخطى الوضع الصعب ده بأقرب وقت إن شاء الله. أنت محتاج تشتغل على كم حاجة، الأول، تشوف إذا كان فيه شيخ موثوق (مش دجال) تقدر تروح له وتشوف إذا فيه مشكلة روحانية أو كده، ممكن يكون حسد أو وقف والله أعلم. وممكن يقول لك تمشي على الرقية الشرعية لفترة وتحصين نفسك بالأذكار وسورة البقرة يوميا. وعامة ممكن تبدأ تعمل ده من نفسك حتى لو مش هتروح لشيخ دلوقتي. ثاني حاجة، تابع مع طبيب نفسي عشان الوسواس القهري والقلق وحالة الاحتراق النفسي اللي عندك لأنهم في الآخر بيأثروا على حياتك وقدرتك على الشغل والإنجاز. وكمان عشان آثار التنمر وصدمات الطفولة اللي عندك. ثالث حاجة، راجع معتقداتك والأفكار اللي ملأت بها عقلك الباطن ورسختها لحد ما بقت يقين وأمر واقع في حياتك. عقلك الباطن بياخد الكلام اللي بتردده لنفسك وبيصدقه وبينجحك فيه، فطالما أنتِ عمال تقول إنك مفيش توفيق في حياتك ومفيش حاجة نافعة وكل الكلام اللي قلته فوق ده، عقلك الباطن بياخده أمر مسلم به وبيرسخه أكتر فهتلاقي حتى لو الحل قدامك والمخرج قدام عينيك هتفضل مش شايفه وهتفضل واقف مكانك وبتثبت لنفسك فكرة الفشل في كل شيء. ممكن تقرأ المقال ده عن إزاي تتخلص من الأفكار السلبية في العقل الباطن.👇👇 https://mawdoo3.com/التخلص_من_الأفكار_السلبية_في_العقل_الباطن *** أهم حاجة استعن بالله ولا تيأس وخد الخطوات العملية للخروج من أزمتك. ربنا أمرنا نأخذ بالأسباب فخذ بالأسباب وتأكد من الطبيب النفسي ومن الشيخ وحصن نفسك وراجع معتقدات عقلك الباطن وغير كل أفكارك السلبية عن نفسك، وإن شاء الله تقدر تتجاوز الوضع الصعب ده آجلا غير عاجل. بالتوفيق.🌺
تم النشر الخميس، ١٠ سبتمبر ٢٠٢٦
أخي، أسمع تعبك وإحساسك بالإحباط الشديد، وأقدر إنك بتشارك كل ده رغم الصعوبة. اللي بتمر بيه مش بسيط، ومن الواضح إن الوسواس القهري والقلق بيأثروا على كل جوانب حياتك، من الشغل للصحة للشعور بالتوفيق، وده مش غريب لأن الاضطرابات النفسية دي بتخلي الإنسان يحس إن كل حاجة ضده حتى لو كان بيبذل جهد. استمرارك في العلاج لأكتر من سنتين خطوة قوية، وده يثبت إنك قادر على التحمل رغم الظروف. من منظور إسلامي، الابتلاءات دي مش بالضرورة عقاب على ذنب معين، بل قد تكون اختبار أو وسيلة للتقرب أكتر، خاصة إنك كنت قريب من ربنا قبل كده. الدعاء والصلاة حتى لو بتحس إنها مش مؤثرة دلوقتي، استمر فيها ببساطة وثبات، ولو حسيت بصعوبة في التركيز، ركز على آيات قصيرة أو أذكار يومية بسيطة زي "حسبنا الله ونعم الوكيل" أو الاستغفار. أما فكرة "العمل" أو السحر، ففي الإسلام بنلجأ للرقية الشرعية والاستعاذة بالله، لكن الأهم هو التركيز على الأسباب العملية زي استكمال العلاج النفسي وتحليل اللي حصل في الفريلانس بطريقة موضوعية (مثل مراجعة استراتيجيات التسويق أو طلب ملاحظات من مصادر موثوقة) عشان تتعلم من التجربة وتبني عليها. أنت مش لوحدك في الشعور ده، وكتير ناس مروا بفترات مشابهة من عدم التوفيق والتنمر والصحة المتدهورة ثم وجدوا طريق للتحسن تدريجيًا. ابدأ بخطوات صغيرة عملية: حدد هدف يومي بسيط في الشغل أو الدراسة، وركز على بناء عادات صحية زي النوم المنتظم والتغذية. ابحث عن أسئلة مشابهة على فدني عشان تشوف تجارب الآخرين وتستفيد من وجهات نظر إضافية. أنت قادر على التغيير، وهذا التعب مش نهاية الطريق، بل بداية لقوة أكبر إن شاء الله.
تم النشر الأربعاء، ٩ سبتمبر ٢٠٢٦
لعرض السؤال في فدني اضغط هنا