أنا متقدملي حد من قرايبي هو شخص كويس وخلوق ووافقنا عليه بس انا قلقانة جداً من فكرة مشاكل الإنجاب وبصراحة عايزة اتطمن من الناحية دي
هو ينفع اطلب منه نعمل فحوصات ما قبل الزواج في فترة الخطوبة؟ هل ده مسموح في مصر انها تتعمل قبل كتب الكتاب وللا لا؟
وإزاي أوصله رغبتي في اجراء الفحوصات دي بطريقة ماتضايقهوش؟
ولو ل اقدر الله ظهر فيها اننا مش مناسبين لبعض ازاي بردو أسيبه من غير زعل خصوصاً إنه بيحبني ومتمسك بيا بس انا بصراحة رغم إني محترماه ومرتاحاله موضوع الخلفة ده بالنسبالي مهم والتفكير فيه مؤرق وعارفة إنها أرزاق وقسمة ونصيب بس أنا حابة آخد بالأسباب وحتى لو مش قريبي كنت هعمل الفحوصات دي لكن كونه قريبي يخليني مصممة أكتر
بتمنى اللي عنده إجابة أو نصيحة مايبخلش بيها عليا
السلام عليكم ورحمه الله وبركاته يعني بما انك جميله وحابه انك تحافظي على مشاعر الاخرين فيعني هندور على طريقه غير مباشره بيها الموضوع بس خليني الاول اقول لك انه انت من حقك تماما سواء قريبك او مش قريب لك سواء الشخص يعني وصل لدرجه ان هو يحبك او لا فده طلب عادي جدا حتى لو مش متعارف عليه في مجتمعنا ولكن هو طلب طبيعي جدا زيه زي اي طلب ثاني او شروط اخرى او حاجات بتقولي انا نفسي اعملها من اللي بتتقال في وقت الخطوبه انا نفسي مش عارفه اعمل مثلا الفرح فين انا نفسي اجيب الفستان شكله عامل ازاي دي امنياتنا العادية فليه دي مقبوله يعني ومفهومه واي حاجه ثانيه مش مفهومه فانت ممكن تقدمي ده كحاجه انت مهتمه جدا انك تعمليها وحابه انك تعمليها بشكل مباشر ولكن خلينا نتكلم بالشكل غير مباشر عشان يعني تحاولي على قد ما تقدري تخففي الموضوع لو انت شايفه ان هو ثقيل يعني او هيكون فيه شكل من اشكال الاحراج هنقول هنا انه ممكن نشوف مثلا احد المعامل اللي بيكونوا عاملين باكدج كده تحاليل ما قبل الزاج او التحليل بتاعه التشيك اب عموما يعني. ونقول انه والله المعمل ده عامل العرض دوت كويس جدا واحنا ممكن نستفيد بيه لان احنا عارفين انه كده كده في تحاليل بتكون من خلال الجهه الجهات الحكوميه وكده بتتعمل بس يعني تقولي له انك عرفتي معلومه انها بتبقى بس للحاجات الاساسيه ما بيتعملش فيها تحاليل تبين مثلا وظائف معينه تبين اذا كان في حد عنده مشكله ممكن تاثر على الاطفال في المستقبل ولا لا فأنت حابه انك تعملي التحاليل اللي هي الاكثر تفصيليه وتكون في معمل خارجي وهتبقى فرصه ان احنا ايه ما نسيبش الوقت يسرقنا ونبقى قبل مثلا الفرح او كتب كتاب ما عندناش وقت نعملها فهنعملها من دلوقتي الموضوع يكون الطف وافضل دي طريقه غير مباشره ممكن طريقه ثانيه انك تقولي له انه مساله فعلا زواج الاقارب دي انا قريت كثير انه فعلا في حاجات ما بتظهرش وراثيه غير بعد الجواز او بعد ما الطفل يبقى في بطن مامته يعني فاحنا هتبقى حاجه كويسه جدا لو احنا من دلوقتي اخذنا حذرنا وعملنا تحاليل وتحاليل دي لازم تكون تحاليل خاصه يعني بالزواج وبياخذوا عينه من من الرجل وعينه من الست ويشوفوا اذا كان فيه عندهم حاجه ممكن تطلع جينيه تأثر على الاطفال في المستقبل فخلينا نعمل دي لان دي خطوه مهمه وتخلينا مطمنين في المستقبل إن شاء الله كل ده هيبقى يعني شكل من اشكال الطرق الغير مباشره انت ممكن تستخدميها عشان تقدمي له الموضوع ممكن منقولش ده مره واحده ممكن تبقي في اوقات متفرقه بتتكلمي عن الموضوع بتتكلمي عن قد ايه انت مهتمه انك تخلي كل حاجه مضبوطه لاولادك في المستقبل ان شاء الله قد ايه انت مهتمه بالصحه جدا الايام دي وبتقري عن الموضوع كثير في اوقات متفرقه وضحي اهتمامك بمساله الصحه وبمساله التشك أب والمواضيع دي عشان لما تيجي تقدمي له الخطوه دي. برده ما يحسش انه في شيء غريب ظهر فجأه وانه لا يبان انك قد ايه بقالك فتره مهتمه بالموضوع ما بتتكلمي فيه إن شاء الله ربنا يكتب لكم الخير فيه اي شيء مضر و نصيحه اخيره اعرفي انه القدر مكتوب لا محالة فيعني لو لا قدر الله انت وهو مش مكتوب لكم انه يكون في اطفال حتى لو بكامل صحتكم فده هيكون قدر ربنا زي ما يعني حصل في قصص خاصه بناس كثير. قعدوا سنين وهما الاثنين ما عندهمش مشاكل ولكن قدر اليهم ذلك فحتى لو يعني بنعمل كل ترتيباتنا ولكن اللي هيكون في امر ربنا هو اللي هيكون وخليكي مستعده لده ايا كان.
تم النشر الأربعاء، ٣٠ يوليو ٢٠٢٥
اولا ده من حقك ثانيا انتي ضغطت على نفسك جدا واحلى حاجه ان انتي عارفه عاوزه ايه فمش عيب خالص انك تقولي ان انتي عاوزه تطمني ده من حقك واصلا بقى شرط اساسي حاليا ان انتوا بتعملوا تحاليل قبل كتب الكتاب لو في مشكله بتبان في التحاليل ولو في مشكله من حقك انك تقولي لا
تم النشر الخميس، ٧ أغسطس ٢٠٢٥
مرحباً أيتها الغالية، ذكية معك هنا 🌷 أولاً، أفهم تماماً قلقك ومخاوفك، ومفيش أجمل من إنك تفكري في المستقبل ومسؤولياته، خصوصاً موضوع الإنجاب اللي هو فعلاً جانب مهم لأي زوجين. طبعاً حقك تدوري على الطمأنينة وهذا شيء طبيعي جداً. نصيحتي ليكي بخصوص موضوع فحوصات ما قبل الزواج: هل ينفع تطلبي عمل الفحوصات في فترة الخطوبة؟ أكيد ينفع، ومش بس ينفع، ده من الأمور الحكيمة، خاصة لما تكون العلاقة جادة وناوية للزواج. الفحوصات تساعد على معرفة أي مشاكل صحية ممكن تأثر على الإنجاب أو حتى الصحة العامة، ودي خطوة بتظهر اهتمامك ورغبتك في بناء حياة صحية ومستقرة. هل الفحوصات دي مسموحة في مصر قبل كتابة العقد؟ نعم، الفحوصات ما قبل الزواج مش مرتبطة بوقت كتابة الكتاب، ومفيش قانون يمنع عملها قبلها. دايماً الأطباء بيشجعوا إن الفحوصات تبقى مبكرة عشان تدي فرصة للطرفين بياخدوا قراراتهم بصورة أفضل. إزاي توصلي رغبتي في إجراء الفحوصات بطريقة ما تضايقهوش؟ كوني صريحة وصادقة: مثلاً قولي له "أنا شايفة إن موضوع الفحوصات مهم جداً عشان نتأكد إحنا الاثنين نقدر نبدأ حياتنا بأمان كامل، ومش معناه عدم ثقة فيك، ولكن حبيت ناخد جميع الاحتياطات". خلي الأسلوب فيه احترام واهتمام بصحته برضه، مثلاً "أنا مهتمة بصحتك وبصحتنا المستقبلية عشان نقدر نعيش حياة سعيدة مع بعض". ممكن تقدمي الأمر كخطوة مشتركة "أنا حابة نعملها مع بعض، مش فحصة ليك بس، عشان نكون متأكدين إننا على نفس الصف". لو ظهر بعد الفحوصات وجود مشاكل، إزاي تسيبيه بدون زعل؟ أولاً، افخري بنفسك إنك كنتِ حريصة وعاقلة وخدتِ خطوة مسؤولة. المفروض يكون بينكم احترام وتقدير حتى لو القرار كان صعب. حاولي تبيّنيلها أنك مقدرة مشاعره ومتفهمة ظروفه، وإن الهدف من الفحوصات هو مصلحة الطرفين وليس الحكم عليه. كوني رقيقة في التعامل، وقولي له مثلاً "أنا حاسة إننا إحنا الاثنين محتاجين نفكر كويس، وأنا مقدرة كل حاجة بينا وأتمنى ليك الخير في حياتك دايماً". أهم حاجة تفادي النبرة اللي ممكن تأذي أو تجرح لأنه فعلاً بيحبك ومتمسك بيكي. نصيحة عامة لك: دائماً خدي قرارك من قلب واعي ومستنير. لا تنسي الدعاء لله سبحانه وتعالى، فهو القادر على كل شيء وهو ال معين في اتخاذ القرارات. لو حابة، ممكن تطلعي على استشارات خبراء في العلاقات الزوجية والتخطيط الأسري على منصة فدني قسم الخبراء ممكن يساعدوك بكلام أعمق ومخصص. وأخيراً، تفكيرك في الموضوع ده وتصرفك بشكل حكيم هو دليل على إنك امرأة واعية وقوية، ودا شيء يرفع راسك! إذا حبيتي تستفسري أكتر أو تحكيلي تفاصيل زيادة، أنا دايماً هنا معاك. دمتِ بخير وسعادة 💕 ذكية
تم النشر الأربعاء، ٣٠ يوليو ٢٠٢٥
اولا الزواج ده مستقبل فاتأكدي من اختيارك ومتعتمديش على المشاعر اللحظية زي الحب ولا لشخصيته لانه ممكن يصطنع المثالية الأضمن انك تشوفي السمعة .. وبالنسبة للتحليل عشان ترفعي الإحراج اعملي انتي الأول الفحص وطلعي ورقة بالنتيجة واديهاله وقولي له انا عملت فحوصات الزواج وهو ان شاء الله هيفهم .. وإن مفهمش حاولي توصلي له لأن دي حاجة ضرورية ومش عيب
تم النشر الخميس، ٣١ يوليو ٢٠٢٥
اعملي فحوصات قبل الزواج واو الدكتور قالكم انتو الاتنين مع بعض تمام توكلي علي الله .. بس موضوع فحوصات الزواج هنا مهم جدا جدا و بعد الجواز فب الحمل ضروري بتابعي مع دكتور لأنهم بيدو أدوية ضد التشوهات و مفيدة ليكي و البيبي زي البنسيلين كده طول فترة الحمل ... ف بس هما دول الخطوتين توكلي علي الله
تم النشر الأربعاء، ٣٠ يوليو ٢٠٢٥
لعرض السؤال في فدني اضغط هنا