Amany Ahmed

اولا ده من حقك ثانيا انتي ضغطت على نفسك جدا واحلى حاجه ان انتي عارفه عاوزه ايه فمش عيب خالص انك تقولي ان انتي عاوزه تطمني ده من حقك واصلا بقى شرط اساسي حاليا ان انتوا بتعملوا تحاليل قبل كتب الكتاب لو في مشكله بتبان في التحاليل ولو في مشكله من حقك انك تقولي لا

سيبك منها وكوني صحاب جديده وما تثقيش في حد اهم صديق ليكي هو نفسك بس عشان ما تفضلش في دماغك روحي وتكلمي معاها يمكن انتي تكوني فاهمه غلط او هي عندها مشاكل وساعتها حسب الرد اللي هي هترد عليك بيه انت بقى قرار يعايزه تفضلي معاها ولا لا

انا كنت زيك بس لما قربت من ربنا والتزمت في صلاتي و على قراءه القران والتسبيح و لما بلاقي حد محتاج المساعده بساعده صدقني هتفرق معاك كثير جدا اه ساعات برجع ابقى محبطه تاني بس لما برجع اصلي الفجر وقيام الليل بحس نفسي شخص ثاني خالص ابدا من الاول خالص ابدا اصلي حتى لو مش هتلتزم في الفروض كلها ابدا واحده واحده ما تضغطش على نفسك حاول تنزل كورسات في اي حاجه انت ناقص فيها حاول تسمع بودكاست ارشح لك مصطفى حسني(برنامج رميم )وفي ناس تاني كتير كويسه جدا فعلا لو محتاج تتكلم مع حد قوم قبل الفجر بنص ساعه وصلي ركعتين واتكلم مع ربنا وانت ساجد صدقني هتفرق معاك قوي ربنا الوحيد اللي في ايده انه يساعدك ويغير حالك من حال لحال في ثانيه و ما تزعلش ان انت ما عندكش اهل او صحاب اخلي ربنا بالنسبه لك دول كلهم وحاول تعمل مثلا جدول في يومك بحاجات بسيطه قوي اي انك مثلا هتنزل النهارده هتتمشى نص ساعه هتصلي هتقول 100 استغفار في اليوم حاول تعمل جدول بحاجه بسيطه قوي في الاول لما تلاقي نفسك التزمت في حاجه انت اللي هتبقى حابب تطور من نفسك معلش بقى كتبت كتير يا رب اكون فدتك

بصي انت لسه الصغيره قوي فما تستعجليش في قرار الجواز خالص وانت مش بتحبيه وبدات تقارني ما بينه وما بين غيره فحاليا لو انت شايفه حته المقارنه دي عادي فبعد الجواز هتبقى مش عادي خلاص ولو انت متضايقه من فكره ان انا بقول لك انت لسه الصغيره بس حتى لما تيجي تتجوزي يبقى واحد انت مقتنعه بيه 100% مش متردده في قرارك لان ده جواز مش لعبه فانت سيبيه وان شاء الله يجي لك اللي احسن منه بس في الوقت المناسب عشان انت لو كملتي هتبقي بتظلميه وبتظلمي نفسك اتمنى اكون فتك

مجموعك حلو اوي على فكره ده انى كنت جايبه 53% و كنت فرحانه

انت شخصيه جميله وقلبك طيب و حساسه وما بقاش في منك ممكن قبل ما تفكري في الانتحار تفكري ازاي هتقفي قدام ربنا بعزته وجلاله وانت ما حافظتيش على الروح اللي هو اديها لك ممكن تفكري في اهلك اللي بيحبوك بجد حتى لو بيحبطوكي بالكلام او في مواقف خذلوكي فيها او الكلام ده كله ممكن تطلعي لهم مبررات يعني هم اكيد مر بحاجات اسوء من اللي احنا مرينا بيها بكثير بس هم اهلك اللي جابوكي على الدنيا وبيحبوك وممكن يعملوا اي حاجه عشانك ممكن انت تكوني مش شايفه ده دلوقتي بس لما بتتعبي او بيحصل لك حاجه مين بيبقى معاكي اول حد اهلك هم اللي الوحيدين اللي بيتمنوا لي تبقى احسن منهم و لو حاسه نفسك اللي انت ما لكيش هدف في الحياه او اني محدش بيحبك فده غلط هو كل واحد جاي عشان ليه رساله في الحياه ممكن توصلي لهدف معين تساعدي بيه حد ممكن تبقي سبب في هدايه حد واكبر سبب انت جايه عشانو الدنيا انك تطيعي ربنا عشان توصلي للجنه مش انت ذكرت ان انت نفسك تروحي الجنه خلي ده هدفك ان انت تعملي في الدنيا عشان توصلي لي الجنه وهتلاقي ناس كثيره قوي بتحبك وهتلاقي انت نفسك عندك هدف نفسك توصليها وحتى لو اتخزلت من الصحاب عادي في صحاب تانيه واحسن ب 100 مره بصي حياتنا عباره عن محطات لازما نمر بالمحطه الاولى عشان نوصل للمحطه الثانيه حتى لو المحطه الاولى فيها خذلان وتعب لازما تكملي عشان توصلي للثانيه هاتي ورقه وقلم وحطي فيها اهدافك و تحدي نفسك ان انت هتوصلي لاهداف دي وشتغلي علي نفسك على قد ما تقدري اهتم بنفسك البسي لبس واسع خدي كورسات كوني سبب في مساعده الناس حتى لو هتطلعي زكاء حاجه بسيطه جدا علمي حد محتاجه انه يعرف يكتب ويقرا فكره انك بتعرفي تكتبي وتقراي دي نعمه كبيره جدا ممكن تساعدي ناس كثير قوي نظم مواعيد نومك انك تصحي قبل الفجر بنص ساعه صلي قيام الليل قراءه قران استغفري صلي الفجر قومي بقى شوفي وراكي ايه واعمليه عشان تنامي اخرك 10 عشان السهر بالليل ده كارثه وبيخلينا نفكر في حاجات غريبه بجد اتمنى اكون فدتك حطي في دماغك ان انت احسن من ناس كثير وفي ناس كتير تتمنى تكون في وضعك فاحمدي ربنا وشوفي مميزات اللي عندك وهتلاقي في مميزات كثير جدا انا واثقه