انا انسان مش بعرف اوصل فكرتي بالكلام بسرعة .. بيبقى الفكرة جاهزة في دماغي و عارفة انا هقول اي بس باجي اتكلم الاقي نفسي مش لاقية المصطلح المناسب او كلامي مش مترتب ... خصوصا لما يكون فقرة طويلة .... غالبا ببقي محتاجة تجهيز دايما ... انا بوصل أفكاري كويس اوي بالكتابة و بعرف اتكلم كويس وانا بكتب ... لكن لما بتكلم مش بعرف ...
انا بقالي فترة طويلة مش بتكلم كتير و انا انسانة هادية بطبعي حسيت ان ده اثر عليا .. و مخارج الحروف عندي بدأت تبوظ ... كلامي العادي مع اهلي في البيت و الكلام اليومي عادي خالص ... بس الكلام القصير بس.... لكن لو كلام انشائي و بقول رأيي في حاجة او بنتناقش اة بنتكلم في موضوع طويل .. هنا تبدأ المشكلة
بصي انا كنت زيك يوما ما غالبا ده سببه الانطواء أو الرهاب الاجتماعي لاني كنت بمر بيه الخوف من الاختلاط الكلام وهكذا انا عن نفسي مكنتش بعرف أقول كلمه علي بعض عالجت نفسي بنفسي وبقيت اجتماعيه واقدر اتناقش مع كل الناس وببان قدامهم مثقفه حتي لو مكنتش كده فإيه الحل علشان تتغيري؟ شجعي نفسك تشاركي في أي كلام مع أهلك اتكلمي مع نفسك اه عادي أي فكره تيجي في بالك مثلا تعليق علي أي فيديو علي السوشيال اتكلمي واتناقشي كان معاكي حد مش هيكون حاجه تقبله وقت الفراغ عادي أول ما تيجي في بالك فكره مع الوقت هتلاقي انك بقيتي تعرفي ترتبي كلامك جربي تقرأي روايات أو كتب لأن ده بيساعد جدا كمان يبني خيال ليكي اكتر ويديكي عبارات كل ده بيحصل في البيت حاولي تخرجي مش شرط تكوني اجتماعيه بس لما تتكلمي مع حد اتكلمي بثقه ووقار متكونيش متوتره لأن ده بيبان في الكلام اتناقشي و اتكلمي بأريحيه غالبا لو هتفكري انك مش هتعرفي تقولي حاجه مش هتعرفي فعلا انت خيالك واسع فخرجيه في لسانك واتكلمب بدون سرحان
تم النشر الثلاثاء، ١٦ سبتمبر ٢٠٢٥
الأمر بيحصل مع ناس كتيره خصوصا اللي عندهم رهاب اجتماعي بس ممكن تعملي بروفه مع نفسك تتكلمي وتسالي نفسك واحده واحده تتعودي حتى لو غلطتي وانتي وحدك هتضحكي والأمر هيعدي غير لما تكوني قدام الأمر الواقع مره واحده
تم النشر الاثنين، ١٥ سبتمبر ٢٠٢٥
مرحباً بكِ، شايفة جداً من كلامكِ أنكِ حاسة بالإحباط شوية بسبب المشكلة دي، لكن صدقيني إن ده أمر يمكن تطويره وتحسينه، وأنتِ أصلاً عندك قدرة جيدة على التعبير سواء كتابة أو كلام لما تكون جاهزة. خلينا نحلل المشكلة شوية ونفكر مع بعض في خطوات عملية تساعدكِ: سبب المشكلة: أنتِ قلتِ إنكِ هادية بطبيعتك وكلامك اليومي بسيط ومفيش مشاكل. ده طبيعي؛ الإنسان الهادئ بيحتاج شوية وقت عشان يرتب أفكاره وكلامه. لما بتتكلمي في مواضيع طويلة أو نقاشات بتحتاج تنظيم، بتحسي إن الكلمات مش بتطلع بسهولة أو كلامك مش مرتب. أيضاً قلتِ إنكِ بقالي فترة مش بتتكلمي كتير، وده أثر على سلاسة الكلام ومخارج الحروف. ممكن يكون اللسان والعقل محتاجين تدريب على "المرونة الكلامية". نصائح عملية لتحسين التعبير الشفهي: التدريب اليومي: حاولي تخصصي وقت كل يوم تتكلمي فيه حتى لو مع نفسكِ. ممكن تتكلمي بصوت عالي عن موضوع بتقرأي فيه، أو تحكي قصة قصيرة، أو تعيدي كلام مقطع صوتي مسموع. التمارين الذهنية: لما تكوني في هدوء، جرّبي تنظّمي أفكارك في رأسك أو تكتبي نقاط مهمة بسرعة، وبعد كده تحاولي تعيدي الموضوع بصياغة كلامية شفاهية. تعلمي الإيقاع والتنفس بالكلام: حتى لو مش بالتمارين التنفسية المعقدة، بس خدي وقتكِ في الكلام واشتغلي على توضيح كل كلمة ببطء بسيط عشان الدماغ يلاقي وقت يختار الكلمات المناسبة. مش لازم تحاولي تحدي نفسك بالكلام في موضوع طويل دفعة واحدة. ممكن تقسمي موضوع النقاش لفقرات صغيرة وسهلة بترتيب قبل ما تتكلمي فيه. الاتصال مع الآخرين: رغم انتي هادية بطبعك، حاولي تشاركي في نقاشات بسيطة مع أشخاص تثقي فيهم، ومن هنا تتعلمي تحسين التعبير. فيما يخص مخارج الحروف: ممكن التشاور مع متخصص نطق لو لاحظتي فعلاً تراجع واضح، لأن أحياناً قلة الكلام بتأثر على العضلات اللي بتساعد في مخارج الحروف. أما لو المشكلة بسيطة فهي تتحسن بالتدريب المستمر للكلام. نصائح عامة: لا تضغطي على نفسكِ علشان تكوني فصيحة بسرعة، كل حاجة خطوة بخطوة. خلي عندك ثقة في قدرتك. أنتِ أصلًا بتكتبي كويس وده دليل إن دماغكِ بتشتغل صح، بس محتاجة فقط تدريب على التعبير الشفهي. جربي تقصدي موضوع معين تحبيه، وتدرّبي تتكلمي فيه لأن الحب والثقافة بيساعدوا الكلام يخرج أسهل. إذا حابة، ممكن تتابعي أسئلة وتجارب ناس تانية على فدني، أو حتى تطلبي استشارة من خبراء في تطوير المهارات التواصلية على صفحة الخبراء في فدني: https://www.fedni.net/experts أنا هنا دايمًا مساعدة لكِ، وإن شاء الله تتحسني مع الوقت والتدريب. لو عندك أي استفسار أو تحبي تشرحي أكثر، أنا معاكِ. :) ذكية
تم النشر الاثنين، ١٥ سبتمبر ٢٠٢٥
من وجهة نظرى والله أعلم لو بتعملي حاجة حرام بطلبها عشان بتأثر علي التفكير والتركيز وخلايا المخ وبتضعف التفكير السريع وبتنسى المعلومات بسرعة غير التع والإرهاب والاكتئاب والوحدة والمال والزهق.. إلخ ، لو ملتزمة وعلاقتك كويسة مع ربنا ممكن يكون بسبب نقص بعض المعادن في الجسم أو انك مش بتاكلي سمك نهائي وعندك نقص أوميجا 3 . وفي تطبيق يقوى ذاكرتك وقدرتك علي الرد بسرعة إسمه شعلة! جربيه ولاعبي الألعاب اللي فيه وأن شاء تلاقي قدرتك في الاستجابة والرد بقت اسرع وأفضل ةالمحضلة اللغوية عندك احسن. وحاولي تقرأي كل يوم من 25-50 صفحة من أي كتاب أو رواية . وابعدي عن الدوبامين الرخيص في التيك توك وفيديوهات الريلز والمقاطع التافهة والمحتوى الهابط . وركز علي المحتوى الهادف أكثر واللي هيبنى تفكير ناقد في حياتك . بالتوفيق إن شاء الله
تم النشر الاثنين، ١٥ سبتمبر ٢٠٢٥
بصي يااختي انا زيك تمام والله موضوع اني مش بعرف ارتب الكلام او اقول رايي او اللي حاسه بيه وبعرف اتكلم اكتر في الكتابه وهاديه وده اثر عليا جدا من جهه اني بقيت منعزله عن الناس لعدم قدرتي في مشاركتهم في الاحاديث وكده وده مدايقني جدا انا مش صغيره انا 23بس اوقات بحس اني طفله عشر سنين ماتعرفش ترتب كلامها وفي اختي اللي اصغير مني 3سنين حاساها اكبر منى بكتير لو لقيتي حاجه تفيدك فيديني بيها وربنا يصلح حالنا يارب حاسه بيكي
تم النشر الثلاثاء، ١٦ سبتمبر ٢٠٢٥
السلام عليكم
تم النشر الثلاثاء، ١٦ سبتمبر ٢٠٢٥
لعرض السؤال في فدني اضغط هنا