السلام عليكم
انا عمري ١٥ سنه و شغال في صيدليه حوالي ٣ سنين و الحمدلله مرتبها كويس مش وحش بس انا بحب اصرف كتير و حاليا انا عليا فلوس مش كتير بس انا مبحبش ابقا متداين لحد و خصوصا ان انا بحب اصرف فلوس ف بسحب فلوس كتير
قعدت ادور على اي حاجه على النت اعرف اطلع منها فلوس حلال معرفتش ياريت لو حد يعرف يفيدني يقول عشان المشكله دي خانقاني و مش عارف اعيش بسببها مش عارف ليه
اول حاجة اطلع باي شكل من دايرة الديون دي لأنك لو دخلت بحره هتغرق و مش هتعرف تطلع منه تاني ثانيا اول ما تقولي فلوس + بسرعة + مبالغ حلوة + حلال... اقولك علي طول الفريلانس ... اتعلم اي مهارة واشتغل ليها علي مواقع زي خمسات و مستقل .... أي مهارة حرفيا ... مش هقولك أكتر من كده دور بقي انت فب الموضوع و شوف يوتيوب و غيره
تم النشر الخميس، ١٦ أكتوبر ٢٠٢٥
السلام عليكم، أولًا أنت الحمد لله بتشتغل حاليا ولك راتب فالمطلوب منك تنضبط من ناحية الإنفاق وتتعلم مهارة إدارة المال عشان تعرف توازن نفقاتك ومدخراتك ولا تضطر للاستدانة. متقولش بتحب تصرف كتير وتطاوع نفسك، لازم تحدد أولوياتك وتعرف إيه لازم تعمله وإيه لازم تتجنبه... أنت مدرك إن فيه مشكلة فلازم تقف مع نفسك وقفة حازمة. ** ميزة إنك بتشتغل إنها موفرة لك حاليًا أمان مادي فمش محتاج تتسرع من ناحية شغل الفريلانسر لأن ده محتاج شوية وقت ومجهود على ما تجني ثمراته. كمان محتاج تخصص جزء من راتبك عشان تاخد كورسات تستثمر فيها وتساعدك في شغل العمل الحر إن شاء الله. ممكن أرشح لك قناة Click your future على يوتيوب هتضعك على أول طريق العمل الحر وإذا مهتم كمان بالدخل السلبي هتلاقي كورس مجاني على القناة ممكن تستثمر فيه شوية وقت تتعلم كانفا وغيرها من تطبيقات تقدر تعمل بها مشاريع تبيعها على الإنترنت. أنت لسه 15 سنة وزي ما قلت عندك شغل في الواقع فخد وقتك ولا تستعجل في شغل الفريلانسر قبل ما تبني مهارة تقدر تنافس بها في سوق العمل. https://www.youtube.com/@ClickYourFuture/playlists بالتوفيق إن شاء الله.
تم النشر الخميس، ١٦ أكتوبر ٢٠٢٥
انت لسه صغير والصرف الكتير مش هيفيدك انت محتاج تدخر حاجة من دلوقتي خلي عقليتك استثمارية متبصش على الشغل وبس انت هتشتغل كتير وبردو هتصرف كتير يبقى احنا عملنا ايه بقى اقرأ كتاب الاب الغني والأب الفقير هيفيدك كتير وصدقني خلي الصرف فلوس المحتاجو بس رتب أولوياتك واحدة ور واحدة علشان تعرف تعيش ايه الفرق بين شخص عايش ٣٠٠٠ في الشهر وشخص عايش ١٠ الف هم الاتنين في نفس الحي وتقريباً نفس كل حجة فرق اني دا تأقلم على شىء ودا مش تأقلم كل حجة كويسه ووحشة جابها. هو دا الفرق
تم النشر الجمعة، ١٧ أكتوبر ٢٠٢٥
وعليكم السلام ورحمة الله، أخي العزيز، أشكر لك صراحتك ومشاركتك للمشكلة التي تمر بها في هذا السن المهم من حياتك، وهذا بالفعل دليل على حسك بالمسؤولية ورغبتك في تحسين وضعك المالي. دعنا نحلل معاً ما تمر به: حبك للصرف ورغبتك في عدم الدين: هذه نقطة إيجابية جداً، ومن الطبيعي في سنك أن تحب صرف الأموال لأنك تستمتع بالحياة. لكن حب الصرف يحتاج إلى تنظيم حتى لا يصبح عبئاً عليك. الديون والضغط النفسي: من الطبيعي أن تراكم الديون يسبب لك ضغط نفسي، خاصة إذا كنت تفضل أن لا تكون مديناً لأحد. البحث عن مصادر دخل حلال إضافية: فكرة جيدة جداً أن تبحث عن زيادة مداخيلك بطريقة شرعية وحلال. نصائحي لك عملياً: إدارة الميزانية الشخصية: حاول تخصيص مبلغ معين للإنفاق الشهري وامسكه بدقة، وحاول تقليل الإنفاق على الأمور الغير ضرورية. يمكنك استخدام ورقة أو تطبيق بسيط يساعدك تتبع مصروفاتك. الادخار: حتى لو مبلغ صغير، قم بادخاره بانتظام، لأن الادخار يساعدك في حالات الضيق ويقلل من حاجتك للديون. تعلم مهارات جديدة: انت تستثمر في نفسك الآن بالعمل في الصيدلية. هل فكرت في تطوير مهارات في مجال معين يمكن أن تزيد من دخلك مستقبلاً؟ مثلاً تعلم مهارات الكمبيوتر، برمجة، أو التسويق الإلكتروني. العمل الحر (الفريلانس): في الوقت الحاضر هناك فرص كثيرة للعمل عبر الإنترنت (مثل الكتابة، التصميم، الترجمة) ويمكن أن تكون مصدر دخل إضافي مناسب لشاب مثلك. الابتعاد عن الإنفاق الترفيهي الكبير: ليس من الضروري أن تحرم نفسك تماماً، لكن كن واعياً لافضل الأولويات لديك. الاستشارة: إذا احتجت مساعدة عملية في إدارة أموالك أو بناء خطط مالية، يمكنك دائماً طلب استشارة من خبراء مختصين. إذا أردت، يمكنني مساعدتك في البحث عن خبراء ماليين أو مستشارين في تطبيق فدني يمكنهم تقديم استشارات خاصة أكثر تفصيلاً تناسب وضعك. وأذكرك أن المهم هو التحكم في نفسك وأفعالك، فالتحدي الأكبر أنك قادر على التغيير والتحكم بالوضع أكثر مما تتصور. هل تريد مساعدتي في خطوات محددة لتنظيم أموالك أو اقتراح أفكار للدخل الحلال؟ ذكية هنا دائماً لدعمك.
تم النشر الخميس، ١٦ أكتوبر ٢٠٢٥
ممكن تحوش فلوسك وتشتري لابتوب . وتتعلم مونتاج وتشتغل أونلاين جانب شغلك
تم النشر الجمعة، ١٧ أكتوبر ٢٠٢٥
الحل انك تضبط مصاريفك..... مفيش حد بياخد كل حاجه.... هتاخد حاجه هتسيب حاجه.... عاوز تصرف هتداين.... عاوز ميكونش عليك ديون.... اصرف علي قدر مرتبك......ابحث عن مصدر دخل تاني مع اللي معاك ولما تلاقي.... اصرف براحتك
تم النشر الخميس، ١٦ أكتوبر ٢٠٢٥
لعرض السؤال في فدني اضغط هنا