Fatma Ali

هي متغيرتش علشان الدروس فرقتكم وتجاهلها ليكي مش بسبب انشغال هي لو لسه يتحبك وباقيه عليكي هتكلمك مهما كانت مشغولة الله أعلم بس واضح أنها بدلتك بزميلتكم أو أنها شافت فيكي حته وحشه في أنك مش بتطيقي البنت التانيه فبدلتك عليكي عارفه أنك هتقابلي ناس كتير منهم حلو ومنهم وحش بس المهم متتعلقيش بأي حد منهم أنا حصل معايا زيك وكنا عشره 8 سنين بدلتني بواحدة ولللاسف مكانش فيه مبرر أو حتي محاولتش تساوي بيننا هل اتأثرت وقعدت اعيط؟ لا طورت من نفسي واتخطيتها في يوم زي ما هي اتخطتني في يوم وعرفت ناس غيرها ومنهم إلي خذلني بطريقه تخليني أنهار هل قعدت اعيط عليها؟ عيطت يومين تلاته وزعلت بعدين بقيت يتعامل ولا كأنها في يوم من الأيام كانت أقرب واحده ليا والكل كان يشهد بقت غريبه وبقيت قاصده إني مهما مريت بمواقف كنت بعمل فيها حاجات بتبسطها مش بعملها وبتعامل بخشونة هي كده الدنيا إلي هيقف معاكي وقت مش هيفضل واقف علشانك الناس بتروح وبتيجي بس حبك لنفسك وأنك تكتفي بنفسك بس في حياتك دي حاجة مش هتروح حوالي تتعودي علشان لسه قدامك حياه طويله لسه فيه جامعه وشغل هتقابلي ناس كتير جدا منهم إلي هيفضل ومنهم إلي هيمشي بس المهم تعرفي غلطك علشان متقعيش مع ناس زيها حطي حدود لأي علاقه تدخليها ونصيحه متعرفيش صاحبك علي أهلك علشان يكون الموضوع سهل لو اتسبتي ولو حسيتي أن حد من إلي عرفتيهم اتغير بدون سبب متعاتبيش لو هيفضل معاكي هيجي هو وربنا معاكي

أعرف وافهم الأول أنت هتذاكر ليه قبل ما تحاول أنك تذاكر هتذاكر علشان تجيب مجموع وتدخل الكليه إلي أنت عاوزها علشان بعديها تشتغل وتجيب شقه وتكون دخل كبير الخ.... فكر في طموحاتك باختصار وخليك عارف برضو مساوئ أنك متذاكرش هتسقط مش هتشتغل الخ.. أدي نفسك فرصه أنك تتأمل وتفكر قيمه إلي هتعمله ولو حتي لمده عشر دقائق تفكر بعدين متخليش طموحات غيرك وأهلك هي طموحك ذاكر علشانك انت مستقبلك انت مش علشانهم خليهم في أولوياته برضو لكن فكر في نفسك الاول انت هتذاكر علشان كذا وكذا بالنسبه للي يخصك انت بعدين علشان أهلي علشان كذا وكذا أبعد الفون وقت المذاكر اروق المكان إلي هتذاكر فيه وحاول تروح مكان أو اوضه فاضيه مفيهاش حد وأبعد المشتتات اعمل قهوه أو شاي أو أي مشروب تحبه رش معطر أو برفان تحبه في المكان أبعد عن السرير واوعي تذاكر علي السرير حتي لو هتذاكر علي الأرض جهز كل حاجة هتحتاجها علشان متقومش وتتشتت أبعد عن الساعه والفون وأي حاجة تعرفك الوقت جيب ورقه وقلم واكتب إلي عاوز تنجزه النهارده أول ما تبدأ في أول مهمه قول لنفسك ونبهها أنا مش هقوم لحد ما أخلص الحاجة دي خلصها واعمل إلي عاوزه بعيد عن الفون متنساش الصلاه وورد قرآن بعد كل مهمه وربنا معاك

وكمان بنتك ملهاش ذنب بمشاكلكم هتطلع معقدة نفسيا وممكن تكرهكم ابعديها في اوضه كده واشغليها بأي حاجه المهم متسمعش مشاكلكم خالص

بصي أكيد انت مريتي بحاجات كتير صعبه وممكن يكون ده اختبار من ربنا مش هقولك لازم تصلي وربنا غضبان عليكي أنك مش بتصلي بس صلي صلاه استخاره استخيري ربنا أنك تتطلقي ولا لا وده أحسن حل ومتدخليش حد بينكم لا أهله ولا أهلك بس خليكي عارفه أن ده ممكن يكون اختبار وربنا عاوز يشوفك هترجعيله ولا لا وخليكي عارفه برضو أن الصلاه دي مش مفروضة عليكي علشان ربنا دي ليكي انت إلي محتاجاها مش ربنا وخليكي عارفه برضو أن تترك الصلاه كافر وربنا معاكي يحبيبتي