انا بحييكي جدا جدا علي قوة تمسكك بدينك وانتي كدا قلبك مش ضعيف خالص بالعكس دي اول نقطة تاني نقطة الالتزام والطاعة ملهموش دعوة بالتعليم الازهري او التعليم العادي الحرام بين والحلال بين ودا علي كل البشر مش الازهريين بس فكون ان الطلاب اللي في الجامعة متبعين الحرام فدول ناسيين ان في حاجة اسمها حرام وناسيين الموت وعذاب القبر والاخرة -تالت نقطة انا معاكي ان المناظر بقت فظيعة ومبقاش فيه حياء خالص والتبرج زاد عن حده الا من رحم ربي فمن وجهة نظري ان لما بنت تبقي بأخلاقك ومبادئك لما تدخل في الوسط دا المفروض تبقي مشمئزة وتبقي حاسه بالفخر إنك في زمن انتشار الفتن لسه محافظة على مبادئك ومتعيطيش أبدا على ترك الحرام بالعكس افرحي وكوني صداقات مع البنات اللي زيك المحترمات اللي انت شايفاهم كويسين وقوي قلوب بعض وثقي في نفسك وامشي بمبدأ الصاحب ساحب بس خليكي انتي الساحب واسحبي البنات للطريق الصح وتاخدي ثوابهم ولما تحسي ان حد هيسحبك لطريق الغلط فورا ابعدي عنها ولو مقتدرتيش خلاص انعزلي عن الاشكال دي واشغلي يومك بمحاضراتك ووقت الفراغ اقرئي قرآن او اذكار ودايما خليكي متاكدة انك بتعملي الصح وخليكي دايما فخورة انك بتعملي لآخرتك ولو حد اتنمر عليكي بسبب انك مش زيهم خلي ردك واحد انا متهمنيش الدنيا انا بعمل لآخرتي وبس والله هما هيتكسفوا من نفسهم وهيجي اليوم وهتشوفي انك كنتي صح وخليك عارفة ان حتى في موضوع الجواز الولد مهما كان بيبص على البنات المتبرجات وحتى لوكان مصاحب لما بيجي يتجوز بيدور على المحترمة اللي مش متبرجة او كانت مصاحبة فمعظم البنات اللي انتي شايفاهم دلوقتي بيخسروا آخرتهم وممكن يخسروا دنيتهم كمان- ربنا يعينك ويقويكي على طاعته
تسلمي يرروحي، انا مقصدتش شيء ولا انتقاد ❤ تسلميلي
تم النشر الاثنين، ١٧ نوفمبر ٢٠٢٥
لاحظي اني قولت فخر وثقة لكن مقولتش غرور وكبر -علي العموم ربنا يريح قلبك ويختارلك الصالح ويبعدك عن فتن الدنيا اللهم امين
تم النشر الاثنين، ١٧ نوفمبر ٢٠٢٥
شكرًا لكلام حضرتك. أنا الحمد لله محافظة على أذكاري وصلاتي ووردي، لكن أن فعلًا عارفه نفسي وعارفه ضعف قلبي. كمان مقدرش إني أفتخر بنفسي في الحاجة دي؛ عشان ممكن لاقدر الله يتقلب لكِبر أو إعجاب بالنفس وأنا زي م قلت قلبي ضعيف، مش عايزه أملاه بأمراض القلوب هو مليان لوحده. وممكن رينا يبتليني أنا باللي هم فيه ويعافيهم ف أعتقد ملهوش لازمه إني أفخر بنفسي لأي سبب؛ لأنها مش بشطارتي، كل الفكره إن رينا سبحانه عافاني وابتلاهم وربما هم أفضل مني عند ربنا من يدري! أما بالنسبة لكلام حضرتك تن الزواج ف ربنا يبعدنا عن الأنواع دي من الذكور وزوجي يكون صالح ونقي ورجُل بمعنى الكلمة. شكرا لحضرتك.
تم النشر الاثنين، ١٧ نوفمبر ٢٠٢٥
لعرض الإجابة في فدني اضغط هنا