السلام عليكم ورحمة الله وبركاته
انا طالبة ثانوية عامة، و بدأت بقالي شهر و شوية..الدنيا كانت ماشية مظبوط معايا، بس دلوقتي بدأت الدنيا تتقل شوية، و كل يوم بحاول ألم الدنيا عشان مراكمش بس للأسف في الاخر بتيجي مواد بتزنق فيها و مش بديها حقها و المعلومة مش بتكون اتثبتت كويس، انا باخد دروسي سنتر و اونلاين، السنتر ساعات بتزنق في المواد بتاعته بس بخلصها بالواجب و الدنيا بتكون تمام، الاونلاين بقى.... عايزة أنجز فيه جدا لان كل أسبوع الحصة بتنزل و مش بلحق افتح اي حاجة و المواد كلها داخلة في بعض
مشكلتي هي التنظيم، انا مش عارفة اعمل جدول ازاي، و كمان ساعات بعمل جدول مبمشيش عليه، ف طلبة ثانوية عامة اللي قبل كده اكيد مريتوا بنفس اللي بمر بيه ياريت تقولولي كنتوا بتعملوا جداول ازاي و بتنظموا وقتكوا ازاي
وعليكم السلام ورحمه الله وبركاته إن الحمد لله في 3 هندسة ميكاترونك وكنت ازهر يعني بسم الله ما شاء الله كان عندي 18 مادة في الثانويه انا بخصوص السنتر والاونلاين في هم الاتنين لازم تدينهم نفس الاهميه والالتزام فى الاونلاين بالاخص لانه مفيش مراقب الحاجه دي ولو مش هتقدري تلتزمي بيه الغيه وخليكي اوفلاين أما بخصوص الجدول ف متعمليش جدول بعيد المدى يعني شوفي اطول وقت ممكن تلتزمي بجدول فيه مثلا شهر او شهرين ودة انتى اللي بتحدديه واعمل جدول كل فتره غيره وانتى في بدايه السنه ممكن تغيري جداول برحتك وشوفي الأنسب لك ومتخليش حد يعملك جدول لأن كل واحد عنده ظروف غير التاني واهم حاجه التركيز ولازم تعرفي أن ده كلو بايد ربنا اتوكلى على الله وذاكري وادعى واهم حاجه ترجعي من الدرس تذكري الدرس في نفس اليوم وقبل ما تروحي الدرس تكوني مراجعه الدرس اللي فات وكل شهر مثلا تعملى مراجعه شامله وشوفي انتى مقصره في اي وتركزي عليه ولو حصل تقصير في فتره مش مشكله التقصير المهم ترجعي من التقصير في اسرع وقت وخلي في وقت راحه يعني مثلا يوم او يومين في الشهر والأهم من المهم الصلاة على وقتها وصلى قيام ليل لو ركعتين هيفرقو معاكي جدا بعتذر على طول الكلام وعدم التنظيم
تم النشر الخميس، ٢ أكتوبر ٢٠٢٥
السلام عليكم خصصى من وقتك ساعه تقرأى فيها كل الاسئلة اللى هنا الخاصة بالمذاكره او الثانوية العامة وتنظيم الوقت هتلاقى نصايح وافكار كتيير https://www.fedni.net/results?query=ثانوي https://www.fedni.net/results?query=مذاكرة
تم النشر الجمعة، ٢٦ سبتمبر ٢٠٢٥
وعليكم السلام ورحمة الله وبركاته، يا رب تكوني بخير يا غالية🌷 أنا ذكية، ويا سلام على حرصك وتنظيمك وحماسك اللي يظهر فعلاً إنك جادة ومهمة عندك المرحلة دي. إن شاء الله هساعدك بخطوات عملية بسيطة علشان ترجعي تسيطري على يومك وتنظمي وقتك كويس، وتنفذي جدولك بثقة. خلينا نفصل المشكلة لخطوات صغيرة ونركز فيهم: 1. فهم التحدي عندك: أنتِ بتدرسي دروس من مصدرين: سنتر و أونلاين. أحياناً بيحصل ضغط ومعلومات متراكمة ومش بتقدري تتابعي كل شيء. عايزة جدول عملي تلتزمي بيه ومش بس كده، عايزة تعرفي تنظيم الوقت الحقيقي ويشتغل معاكي. 2. نصائح للعمل على تنظيم وقتك وجدول دراستك: اعملي جدول يومي وأسبوعي ببساطة لا تعقيد فيه! كتبي فيه كل المواد مع الوقت اللي هتخصصيه لها. على سبيل المثال: الصبح: مراجعة مادة سهلة بعد العصر: مادة أصعب أو اللي فيها واجب المساء: مراجعة أونلاين ولو في أسئلة تكتبيها للتأكد منها بعدين قسمي وقتك لمراحل صغيرة مش طويلة: مثلاً 40 دقيقة دراسة + 10 دقائق راحة، عشان تركيزك ما يضعفش. رتبي الأولويات: مثلاً المواد اللي عندك فيها امتحان قريب أو اللي بيعانوا منها دراستك أول. خصصي وقت مخصص للدروس الأونلاين: حاولي تفتحوا المواد أسبوعياً وتذاكريها بعد الحصة بفترة قصيرة علشان تثبتي المعلومة. راجعي الواجبات بنفس يوم الحصة لو ممكن. 3. كيف تعملي جدول عملي تلتزمي بيه؟ اختاري مكان هادي في البيت للدراسة ونظميه. جدولي ما يكونش معقد، يكون فيه فواصل للراحة. في بداية كل يوم، راجعي جدول اليوم وفكري: "أنا هعمل ايه بالظبط وامتى؟" تابعي إنجازاتك في جدول أو دفتر صغير. لو ما التزمتش، شوفي سبب ومتفهمة لنفسك، قدري تعبك وارجعي تبدأي من جديد. 4. نصحتي لك: لا تضغطي على نفسك بزيادة، النجاح مش بس مذاكرة ساعات كتير بس كفاءة وتنظيم. ابدئي كل يوم بهدف صغير وواقعي يشجعك. ضعي وقت لنفسك، حتى لو 15-20 دقيقة، علشان التجديد الذهني مهم. يا غالية، كل طالبة ثانوية مرت بالمرحلة دي، وأنتِ مش لوحدك، ومع الاستمرارية هتلاقي تحسن واضح بالتزامك وجديتك. لو حابة، ممكن تتابعي تجارب طلبة تانية على فدني، أو تستشيري خبراء في تنظيم الوقت والتحصيل الدراسي على صفحة الخبراء في فدني https://www.fedni.net/experts لو حابة أساعدك أكتر أعملي جدول مبدئي وأنا معاك خطوة بخطوة، بس وقولي وانا موجودة 👩🏫💡 ربنا يوفقك وييسر لك كل صعب، وأتمنى لك دراسات موفقة ونجاح باهر 🌸✨ هل عندك استفسار أو نقطة معينة تحبي تفصليها أو أساعدك فيها؟
تم النشر الجمعة، ٢٦ سبتمبر ٢٠٢٥
لعرض السؤال في فدني اضغط هنا